தஞ்சாவூரில் சூடுப்பிடிக்க ஆரம்பித்துள்ள தீபாவளி துணிகள் விற்பனை... இளைஞர்கள் மனசுல என்ன டிரெஸ் இருக்கு?

தற்போது பல வண்ணங்களில் பார்டர்களுடன் வேட்டி, பார்டர் கலருக்கு ஏற்ப சட்டை என்று கலக்கலாக வந்து குவிந்துள்ளது.

தஞ்சையில் தீபாவளி விற்பனை

தஞ்சாவூர்: வழக்கம் போல் இந்தாண்டும் தீபாவளிக்கு ஆண்களின் ஆடைகளை விட பெண்களின் ஆடைகள்தான் புதுவிதமாக, ரகம், ரகமாக வந்து குவிந்துள்ளது.

ஆண்களுக்கும் வந்துருக்கு என்று பல வர்ணங்களில் ப்ளைன் சர்ட், டிரவுசர், டி சர்ட், ஜீன்ஸ், காட்டன் பேன்ட்ஸ், லேட்டஸ்ட் ரெடிமேட் சர்ட், குர்தா, பெர்முடாஸ் என அனைத்திலும் புதிய கலெக்சன் வந்துள்ளன. முக்கியமாக கடந்தாண்டு அதிகம் விற்பனையான லயாக்ரா சட்டைகள் மற்றும் பேண்ட் ஆகியவற்றுக்கு வரவேற்பு குறைந்துள்ளது. தற்போது 6 பாக்கெட் வைத்த பேண்ட் மாடல்தான் அதிகம் வரவேற்பை பெற்று வருகிறது.

அப்படி பார்த்தா 10 சதவீதம் தான் ஆண்களுக்கு வந்திருக்கும் போலிருக்கு. பிளேசர், குர்தா சூட், செர்வாணி மற்றும் லினன் துணிகள் பல வண்ணங்களில் மிக குறைந்த விலையில் ஆண்களை கவரும் வகையில் குவிந்துள்ளது. இந்த வருடம் ஆண்களுக்கான ஆடையில் பல வடிவமைப்புகளில் சிறப்பான இடம் பிடித்துள்ளவை என்றால் குர்தா, ஷெர்வானி மற்றும் பைஜாமாக்கள் அதன்மேல் அணியும் கோட் என்று வெரைட்டியாக வந்துள்ளது.

இவற்றில் குர்தாவுக்கு முக்கிய இடம் உண்டு. பேசிக் டோத்தி குர்தா, பிரிண்டட் அண்ட் ஜாக்கெட் குர்தாக்களில் புது டிசைன்கள் வந்துள்ளன. அதே போல ஷெர்வானி, பைஜாமா, கலம்கரி, லாங் சார்ட், ஷார்ட் சார்ட், பார்ட்டி வியர்-னு பல ரகங்களில், பல கலர்களில் வந்து குவிந்துள்ளது. இருப்பினும் இளைய தலைமுறைகள் மத்தியில் வேட்டியும், அதன் பார்டர் கலரில் உள்ள சட்டைகளும்தான் அதிகமான வரவேற்பை பெற்றுள்ளது. தமிழன்டா என்று சொல்லும் அளவிற்கு இளைஞர்கள் மத்தியில் வேட்டி, சட்டைகள் வரவேற்பை பெற்றுள்ளன. அதேபோல் கலர் வேட்டிகள் அதிகளவில் தஞ்சை தீபாவளி மார்க்கெட்டில் வந்து குவிந்துள்ளது. பாரம்பரிய வேட்டி, சட்டைகள் பட்டையை கிளப்பி வருகிறது. புதுரக ஜீன்ஸ் மற்றும் டி-ஷர்ட் மாடல்களும் வேகமாக விற்கப்படுகிறது.

இப்படியாக இந்த ஆண்டு அதிக ரகங்களில் ஆடைகள் வந்துள்ளது. வழக்கம் போல இந்த ஆண்டும் ஆண்களுக்கான ஆடையில் ஜீன்ஸ் மற்றும் டி-ஷர்ட் மாடல்கள் விற்பனையில் முக்கிய இடத்தை பிடிக்கும் என்று வியாபாரிகள் தரப்பில் தெரிவிக்கின்றனர்.
 
மேலும் ஆண்களுக்கான டச் அப் ஜீன்ஸ் பேண்ட், ரோல் பேக் காட்டன் சர்ட், டிரிக்கர் ஜீன்ஸ் பேண்ட், ஸ்மார்ட் காட்டன் பேண்ட், ஜென்டில் பார்மல் பேண்ட், பிரின்ஸ் லைக்ரா பேண்ட், எக்ஸிகியூட்டிவ் ஒயிட் சர்ட், ப்ரோ காட்டன் சர்ட், டிப் டாப் வேஷ்டி- சர்ட் விற்பனை செய்யப்படுகிறது.

நமது தட்ப வெப்ப நிலைக்கு 100 சதவிகிதம் பொறுத்தமானது வேட்டிதான். அணிவதற்கு ஏதுவாக ரெடிமேட் வேட்டிகள், நறுமணம் கமழும் வேட்டிகள், மேட்சிங் சட்டைகளுடன் வரும் மிக்ஸ் மேட்ச் வேட்டிகள் என்று நவீன ஆடைகளுக்கு இணையாக வேட்டி தயாரிப்பாளர்கள் புதுப்புது யுக்திகளைக் கையாண்டு வருகின்றனர். அந்த வகையில் தற்போது பல வண்ணங்களில் பார்டர்களுடன் வேட்டி, பார்டர் கலருக்கு ஏற்ப சட்டை என்று கலக்கலாக வந்து குவிந்துள்ளது. வாங்கி செல்லும் இளைஞர்களின் எண்ணிக்கையும் அதிகரித்து வருகிறது.