Tamilnadu Rains: அடுத்த 5 நாட்களுக்கு தமிழ்நாட்டில் மழை.. எங்கெல்லாம்? இன்றைய வானிலை நிலவரம் இதுதான்!

கிழக்கு திசைக்காற்றின் வேகமாறுபாடு காரணமாக தமிழ்நாட்டின் இந்தப் பகுதிகளில் மழை பெய்யக்கூடும்.

கோப்புப் படம் - மழை

தமிழ்நாடு மற்றும் புதுச்சேரியில் அடுத்த ஐந்து நாள்களுக்கு மழை பெய்யக்கூடும் என வானிலை ஆய்வு மையம் தெரிவித்துள்ளது.

தமிழ்நாட்டின் தென் மாவட்டங்கள் மற்றும் டெல்டா மாவட்டங்களில் மிதமான மழை பெய்யக்கூடும் எனவும் வானிலை ஆய்வு மையம் தெரிவித்துள்ளது.

முன்னதாக வானிலை ஆய்வு மையம் வெளியிட்டுள்ள அறிக்கையில், ”கிழக்கு திசைக்காற்றின் வேகமாறுபாடு காரணமாக

11.01.2023 - 15.03.2023: தென்  தமிழ்நாடு, டெல்டா மற்றும் அதனை ஒட்டிய மாவட்டங்கள் மற்றும் காரைக்கால் பகுதிகளில் ஓரிரு இடங்களில் லேசான/ மிதமான மழை பெய்யக்கூடும்.

சென்னையைப் பொறுத்தவரை: அடுத்த 48 மணி நேரத்தில் வானம் ஓரளவு மேகமூட்டத்துடன் காணப்படும், அதிகபட்ச வெப்பநிலை 33 டிகிரி செல்சியஸை ஒட்டியும், மற்றும் குறைந்தபட்ச வெப்பநிலை 23 - 24 டிகிரி செல்சியஸ் அளவில் இருக்கக்கூடும்” என்றும் தெரிவிக்கப்பட்டுள்ளது.

pic.twitter.com/H5SHavQMba

— Tamilnadu Weather-IMD (@ChennaiRmc) March 11, 2023

அதிகபட்சமாக ஈரோட்டில் 36.6 டிகிரி செல்சியஸ் வெப்பநிலை பதிவாகியுள்ளது. மீனவர்களுக்காக எச்சரிக்கை எதுவுமில்லை என்றும் தெரிவிக்கப்பட்டுள்ளது. 

கடும் பனி:

முன்னதாக தமிழ்நாட்டில் வடகிழக்குப் பருவமழை நிறைவடைந்தது முதல் கடந்த சில மாதங்களாக கடும் பனி பொழியத் தொடங்கியது. காற்று வீசும் திசை மாறுபாடு காரணமாக அவ்வப்போது மழை பெய்து வந்த நிலையில், சென்ற மாதங்களில் சென்னையில் அதிகாலை வேளைகளில் கடும்பனி மூட்டம் அதிகரித்தது. இதனால் வாகன ஓட்டிகள் கடும் சிரமத்துக்கு ஆளாகிய நிலையில், சென்னை மக்கள், சென்னை ஸ்நோ போன்ற ஹேஷ்டேக்குகளில் ட்விட்டரில் புலம்பும் அளவுக்கு பனியின் உக்கிரம் அதிகரித்தது.

நாகை, தஞ்சாவூர் உள்ளிட்ட மாவட்டங்களிலும் கடும் பனிமூட்டத்தால் காலை 8 மணிவரை முகப்பு விளக்குகளை வாகன ஓட்டிகள் உபயோகிக்க அவர்களது இயல்பு வாழ்க்கை முடங்கியது.

இந்நிலையில் கடந்த சில நாள்களாக தான் வெயிலின் பனியின் தாக்கம் குறைந்து வெயிலின் தாக்கத்தை மக்கள் உணரத் தொடங்கிய நிலையில், தென் தமிழக மாவட்டங்களில் மீண்டும் மழை பெய்யக்கூடும் என வானிலை ஆய்வு மையம் தெரிவித்துள்ளது.