CM Stalin On Rahul: ராகுல் காந்திய பாத்தா பயமா?..உங்க அவசரம் இப்ப எங்க போச்சு? பாஜகவிற்கு முதலமைச்சர் ஸ்டாலின் கேள்வி

ராகுல் காந்திக்கு ஏன் இன்னும் நாடாளுமன்ற உறுப்பினர் பதவி கொடுக்கப்படவில்லை என, முதலமைச்சர் ஸ்டாலின் கேள்வி எழுப்பியுள்ளார்.

முதலமைச்சர் ஸ்டாலின் - ராகுல் காந்தி

ராகுல் காந்திக்கு ஏன் இன்னும் நாடாளுமன்ற உறுப்பினர் பதவி கொடுக்கப்படவில்லை என, முதலமைச்சர் ஸ்டாலின் கேள்வி எழுப்பியுள்ளார்.

முதலமைச்சர் ஸ்டாலின் டிவீட்:

இதுதொடர்பாக முதலமைச்சர் ஸ்டாலின் வெளியிட்டுள்ள டிவிட்டர் பதிவில் “கீழமை நீதிமன்றம் விதித்த தீர்ப்பை உச்சநீதிமன்றம் நிறுத்தி வைத்த பிறகும், ராகுல் காந்தியின் நாடாளுமன்ற உறுப்பினர் பதவி ஏன் மீண்டும் அவருக்கு வழங்கப்படவில்லை?  அவரை தகுதி நீக்கம் செய்யும்போது காட்டப்பட்ட அவசரம் தற்போது எங்கே? நாடாளுமன்றத்திற்குள் சகோதரர் ராகுல் காந்தி வருவதை நினைத்து பாஜக அஞ்சுகிறதா?” என குறிப்பிட்டுள்ளார்.

Why hasn't Thiru @RahulGandhi been restored as an MP despite the Supreme Court staying his conviction? Why the urgency shown to disqualify him is missing now? Is the BJP afraid of brother #RahulGandhi's presence in Parliament?#RestoreRahulGandhi #INDIA

— M.K.Stalin (@mkstalin) August 6, 2023

 

அவதூறு வழக்கில் ராகுல் காந்திக்கு விதிக்கப்பட்ட 2 ஆண்டுகள் சிறை தண்டனையை, உச்சநீதிமன்றம் நிறுத்தி வைத்தது. இதைதொடர்ந்து, காங்கிரஸ் எம்.பி. ஆதிர் ரஞ்சன் சவுத்ரி மக்களவை சபாநாயகரை நேரில் சந்தித்து,  ராகுல் காந்தியிடம் இருந்து பறிக்கப்பட்ட எம்.பி. பதவியை விரைந்து கொடுக்க வேண்டும் என வலியுறுத்தி இருந்தார்.  ஆனாலும்,  ராகுல் காந்தி மீண்டும் நாடாளுமன்ற உறுப்பினராக இதுவரை அங்கீகரிகக்ப்படவில்லை. இந்நிலையில் தான், ராகுல் காந்திக்கு ஏன் இன்னும் எம்.பி. பதவி வழங்கப்படவில்லை என முதலமைச்சர் ஸ்டாலின் கேள்வி எழுப்பியுள்ளார்.

வழக்கு கடந்து வந்த பாதை:

கடந்த 2019ம் ஆண்டு தேர்தல் பரப்புரையின் போது கர்நாடகாவில் மோடி எனும் சமூகப் பெயரை இழிவுபடுத்தும் விதமாக, அப்போதைய காங்கிரஸ் தலைவர் ராகுல் காந்தி பேசியதாக சூரத் நீதிமன்றத்தில் வழக்கு தொடரப்பட்டது. பாஜக எம்எல்ஏவும் குஜராத் முன்னாள் அமைச்சருமான பூர்ணேஷ் மோடி தொடர்ந்த வழக்கில்,  ஒட்டுமொத்த மோடி சமூகத்தையும் ராகுல் காந்தி இழிவுபடுத்தியுள்ளதாக என்று குற்றம் சாட்டினார்.  வழக்கை விசாரித்த நீதிமன்றம் 2023ஆம் ஆண்டு மார்ச் 23ஆம் தேதி ராகுல் காந்திக்கு 2 ஆண்டுகள் சிறைத் தண்டனை விதித்து தீர்ப்பளித்தது. இதையடுத்து அவர் மக்களவை உறுப்பினர் பதவியில் இருந்து தகுதி நீக்கம் செய்யப்பட்டார். அவரது அரசு இல்லத்தில் இருந்தும் வெளியேற்றப்பட்டார்.  தண்டனைக்கு ஆட்சேபம் தெரிவித்த ராகுல் காந்தி, சூரத் செஷன்ஸ் நீதிமன்றத்தை அணுகி, தனது தண்டனைக்கு தடை விதிக்கக் கோரினார். இது ஏப்ரல் 20 அன்று நிராகரிக்கப்பட்டது. தொடர்ந்து, குஜராத் உயர்நீதிமன்றமும் ராகுல் காந்தியின் கோரிக்கையை கடந்த 7ம் தேதி தள்ளுபடி செய்தது. இறுதியாக உச்சநீதிமன்றத்த நாடியபோது தான், அவரது தண்டனை நிறுத்தி வைக்கப்பட்டது.