RN Ravi: சனாதன தர்மும் மதமும் வேறு வேறு: ஆளுநர் ஆர்.என். ரவி பேச்சு
சனாதன தர்மும் மதமும் வேறு வேறு என தமிழக ஆளுநர் ரவி பேசியுள்ளார்.
சனாதனமும் மதமும் வெவ்வேறானவை என தமிழ்நாடு ஆளுநர் ஆர்.என். ரவி தெரிவித்துள்ளார்.
சென்னை மயிலாப்பூரில் நடைபெற்ற ராமகிருஷ்ணா மிஷன் மாணவர் இல்லா நூற்றாண்டு விழாவில் பேசிய ஆளுநர் கூறுகையில், “சனாதன தர்மும் மதமும் வேறு வேறு. சனாதனத்தை மதத்துடன் ஒப்பிட்டு பேசக்கூடாது. மதத்தின் மீது நம்பிக்கை இல்லாதவர்களும் சனாதனத்தை பின்பற்றியுள்ளனர்” என்றார்.
காந்தி, விவேகானந்தர் கூறிய ஆன்மீக வழியில் நாடு சிந்திக்க, செயல்பட தொடங்கியுள்ளதாகவும் ஆளுநர் கூறியுள்ளார்.
இதற்கு முன்னர் ஆளநர் ஆர்.என்.ரவி இதுபோன்றே கருத்தை தெரிவித்திருந்தார்.
View this post on Instagram
ஆளுநர் என்.ரவி.பேச்சு
நிகழ்ச்சியில் பேசிய தமிழக கவர்னர், “ரிஷிகளும், முனிவர்களும் வேதங்கள் மூலமாக வாழ்ந்து கொண்டிருக்கிறார்கள் சனாதன தர்மத்தை நிலைநாட்டுகின்றனர்.
அனைவரும் ஒற்றுமையுடன் வாழ்வதையே நமது மார்க்கம் கூறுகிறது. மற்ற நாடுகளைப் போல ராணுவவீரர்கள், அரசர்கள் மூலம் இந்த நாடு உருவாகவில்லை. இந்த நாடு ரிஷிகளாலும் முனிவர்களாலும் சனாதன தர்மத்தின் ஒளியாலும் உருவானது.
இந்தியாவில் ராணுவம் பொருளாதாரத்தில் ஏற்பட்டிருக்கும் வளர்ச்சியை போல ஆன்மீகத்திலும் வளர்ச்சி அவசியம். அதற்கு சனாதன தர்மம் வழிமுறையாக இருக்கும். காலநிலை மாற்றத்திற்கு எந்த நாடுகளும் முன்னேற்பாடுகள் செய்யாத நிலையில், அதை தடுப்பதற்கு முதல் அடி எடுத்து வைத்துள்ளது..
மனிதர்களுக்கு மட்டுமின்றி உலகில் வாழும் அனைத்து உயிரினங்களுக்கும் வழிபாடு என்பது அவசியமாகிறது. இந்திய அரசியலமைப்புதான் நமது ஆன்மா. வேற்றுமையில் ஒற்றுமை என நாம் நம்மை பற்றி கூறுகிறோம். அதை தான் சனாதன தர்மமும் வலியுறுத்துகிறது.
ஆயிரம் ஆண்டுகளுக்கு முன்பே நமது இந்திய அரசியலமைப்பு சனாதன தர்மத்தில் கூறப்பட்டுள்ளது. தர்மம் என்பது மதம் சம்பந்தப்பட்டது அல்ல. மதம் அனைவரையும் உள்ளடக்கியது. கிமு 2 ம் நூற்றாண்டில் புத்த மதத்தில் கூறப்பட்டுள்ள கருத்துக்களும் தத்துவங்களும் சனாதன தர்மத்தில் இருந்து வந்தவையே..
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
and tablets
