மேலும் அறிய

National Awards: மாற்றுத் திறனாளிகள் உரிமையேற்ற தேசிய விருது: தமிழ்நாட்டைச் சேர்ந்த 6 பேர் தேர்வு! யார் யார் விபரம் இதோ!

மாற்றுத் திறனாளிகளுக்கான உரிமையேற்றத்தினை ஊக்குவிப்பதில் சிறந்த மாநிலமாக தமிழ்நாடும், மாற்றுத் திறனாளிகளுக்கான மறுவாழ்வு சேவைகளை வழங்குவதில் சிறந்த மாவட்டமாக சேலமும் தேர்ந்தெடுக்கப்பட்டுள்ளது.

By : கார்த்திகா ராஜேந்திரன் | Updated at : 03 Nov 2021 05:24 PM (IST)

மாற்றுத்திறனாளிகள்

2020-ஆம் ஆண்டிற்கான மாற்றுத் திறனாளிகள் உரிமையேற்றத்திற்கான தேசிய விருதிற்கு (National Award for the Empowerment of Persons with Disabilities for the year 2020) தமிழகத்தைச் சேர்ந்த 6 பேர் தேர்வு செய்யப்பட்டுள்ளனர். மேலும், மாற்றுத் திறனாளிகளுக்கான உரிமையேற்றத்தினை ஊக்குவிப்பதில் இந்தியாவிலேயே சிறந்த மாநிலமாக (Best State in Promoting Empowerment of Persons with Disablities) தமிழ்நாடும் மற்றும் மாற்றுத் திறனாளிகளுக்கான மறுவாழ்வு சேவைகளை வழங்குவதில் சிறந்த மாவட்டமாக (Best District in Providing Rehabilitation Service) சேலம் மாவட்டமும் தேர்ந்தெடுக்கப்பட்டுள்ளது.

ஐக்கிய நாடுகள் சபையின் (UNO) பிரகடனத்தின் அடிப்படையில் ஒவ்வொரு ஆண்டும் டிசம்பர் 3-ஆம் தேதி சர்வதேச மாற்றுத் திறனாளிகள் தினமாக அனுசரிக்கப்பட்டு வருகிறது. ஒவ்வொரு ஆண்டும், மாற்றுத் திறனாளிகளில் சிறந்த நபர்கள் மற்றும் மாற்றுத் திறனாளிகளுக்காக சிறந்த சேவை வழங்கியவர்களுக்கு மாநில மற்றும் ஒன்றிய அரசுகளால் விருதுகள் வழங்கப்படுகிறது. அந்த வரிசையில், இந்த ஆண்டிற்கான விருதுகள் அறிவிக்கப்பட்டுள்ளது.

சிறந்த பணியாளர் / சுயதொழில் புரியும் மாற்றுத் திறனாளிகள்

1. A.M. வேங்கட கிருஷ்ணன், வேளச்சேரி, சென்னை மாவட்டம். (பார்வை திறன் குறையுடையோர் பிரிவு)

2. S.ஏழுமலை, திருவண்ணாமலை மாவட்டம். (பார்வை திறன் குறையுடையோர் பிரிவு)

3. K.தினேஷ், கானத்தூர் ரெட்டிகுப்பம், காஞ்சிபுரம் மாவட்டம். (அறிவுசார் குறைபாடுடையோர் பிரிவு)

4. மானக்ஷா தண்டபாணி, திருச்சிராப்பள்ளி மாவட்டம். (பல்வகை குறைபாடுடையோர் பிரிவு)

Also Read: H Raja Slams Suriya: ‛3 மொழி படிக்க கூடாதாம்... 5 மொழியில் படத்தை வெளியிடுவாராம்...’ ஜெய்பீம் சூர்யாவை சாடிய ஹெச்.ராஜா!

சிறந்த சான்றாளர் / முன்னுதாரணம் (Role Model)

5. K.ஜோதி. மந்தவெளி, சென்னை மாவட்டம். (பல்வகை குறைபாடுடையோர் பிரிவு)

6. T.பிரபாகரன், பேட்டப்பாளையம், மோகனூர், நாமக்கல் மாவட்டம்,

டிசம்பர் மூன்றாம் தேதி புது தில்லியில் நடைபெறவுள்ள சர்வதேச மாற்றுத் திறனாளிகள் தின நிகழ்ச்சியில் இந்த விருதுகள் வழங்கப்பட உள்ளது.

Also Read: TN Schools Holiday: சனிக்கிழமை பள்ளிகளுக்கு விடுமுறை - தீபாவளிக்கு 4 நாட்கள் தொடர் விடுமுறை!

மேலும் இன்றைய முக்கியச் செய்திகள்...