![ABP Premium](https://cdn.abplive.com/imagebank/Premium-ad-Icon.png)
TN Rain Alert: திருநெல்வேலி, தூத்துக்குடி உள்ளிட்ட 7 மாவட்டங்களுக்கு கனமழை எச்சரிக்கை.. மீனவர்களுக்கு அறிவுறுத்தல்..
இன்று 7 மாவட்டங்களில் ஒரிரு இடங்களில் கனமழை பெய்யக்கூடும் என வானிலை ஆய்வு மையம் கணித்துள்ளது.
![TN Rain Alert: திருநெல்வேலி, தூத்துக்குடி உள்ளிட்ட 7 மாவட்டங்களுக்கு கனமழை எச்சரிக்கை.. மீனவர்களுக்கு அறிவுறுத்தல்.. Meteorological Department has predicted heavy rain at one or two places in 7 districts today december 19 South TN Rains Nellai Rains TN Rain Alert: திருநெல்வேலி, தூத்துக்குடி உள்ளிட்ட 7 மாவட்டங்களுக்கு கனமழை எச்சரிக்கை.. மீனவர்களுக்கு அறிவுறுத்தல்..](https://feeds.abplive.com/onecms/images/uploaded-images/2023/12/19/407cb771109a530d34989a25e8d36d941702970747450589_original.jpg?impolicy=abp_cdn&imwidth=1200&height=675)
நேற்று குமரிக்கடல் மற்றும் அதனை ஒட்டிய பகுதிகளில் நிலவிய வளிமண்டல சுழற்சி யானது இன்று லட்சதீவு மற்றும் அதனை ஒட்டிய பகுதிகளில் நிலவுகிறது. இதன் காரணமாக இன்று 7 மாவட்டங்களில் கனமழை பெய்யக்கூடும் என வானிலை ஆய்வு மையம் தெரிவித்துள்ளது.
அதன்படி இன்று, தென்தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். மேலும், கன்னியாகுமரி, திருநெல்வேலி, தூத்துக்குடி, இராமநாதபுரம், தஞ்சாவூர், திருவாரூர் மற்றும் புதுக்கோட்டை மாவட்டங்களில் ஓரிரு இடங்களில் கனமழை பெய்யவாய்ப்புள்ளது என தெரிவிக்கப்பட்டுள்ளது.
25 ஆம் தேதி வரை தென் தமிழகத்தில் ஒருசில இடங்களிலும், வட தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும் என கணிக்கப்பட்டுள்ளது.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகபட்ச வெப்பநிலை 30-31 டிகிரி செல்சியஸ் மற்றும் குறைந்தபட்ச வெப்பநிலை 23-24 டிகிரி செல்சியஸை ஒட்டியும் இருக்கக்கூடும்.
அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகபட்ச வெப்பநிலை 30-31 டிகிரி செல்சியஸ் மற்றும் குறைந்தபட்ச வெப்பநிலை 23-24 டிகிரி செல்சியஸை ஒட்டியும் இருக்கக்கூடும் என சென்னை வானிலை ஆய்வு மையம் குறிப்பிட்டுள்ளது.
கடந்த 24 மணி நேரத்தில் பதிவான மழை அளவு (சென்டிமீட்டரில்):
திருச்செந்தூர் (தூத்துக்குடி) 23, காயல்பட்டினம் (தூத்துக்குடி) 21, நாலுமுக்கு (திருநெல்வேலி) 19, காக்காச்சி (திருநெல்வேலி) 18, மாஞ்சோலை (திருநெல்வேலி) 17, ஊத்து (திருநெல்வேலி) 15, மூலைக்கரைப்பட்டி (திருநெல்வேலி) 13, அம்பாசமுத்திரம் (திருநெல்வேலி) 12, பாபநாசம் (திருநெல்வேலி) 11, கன்னடயன் அணைக்கட்டு (திருநெல்வேலி) 9, மணிமுத்தாறு (திருநெல்வேலி) 8, சேர்வலாறு அணை (திருநெல்வேலி), களக்காடு (திருநெல்வேலி) தலா 6, சேரன்மகாதேவி (திருநெல்வேலி) 5, கமுதி (ராமநாதபுரம்), கொடுமுடியாறு அணை (திருநெல்வேலி), அருப்புக்கோட்டை (விருதுநகர்), உசிலம்பட்டி (மதுரை), திருநெல்வேலி (திருநெல்வேலி), காரியாப்பட்டி (விருதுநகர்), கல்லிக்குடி (மதுரை) தலா4, கடனா அணை (தென்காசி), ராமேஸ்வரம் (ராமநாதபுரம்), திருமங்கலம் (மதுரை), மண்டபம் (ராமநாதபுரம்), நம்பியாறு அணை (திருநெல்வேலி), திருச்சுழி (விருதுநகர்), குப்பணம்பட்டி (மதுரை), சாத்தூர் (விருதுநகர்) தலா 3, பேரையூர் (மதுரை), தொண்டி (ராமநாதபுரம்), தீர்த்தாண்டதானம் (ராமநாதபுரம்), சண்முகாநதி (தேனி), விருதுநகர் (விருதுநகர்), நாங்குனேரி (திருநெல்வேலி), பரமக்குடி (ராமநாதபுரம்), தங்கச்சிமடம் (ராமநாதபுரம்), ராமநதி அணைப் பகுதி (தென்காசி), வட்டானம் (ராமநாதபுரம்), முதுகுளத்தூர் (ராமநாதபுரம்), சோத்துப்பாறை (தேனி), ராமநாதபுரம் KVK AWS (ராமநாதபுரம்), சங்கரன்கோயில் (தென்காசி), இளையாங்குடி (சிவகங்கை), மிமிசல் (புதுக்கோட்டை), விரகனூர் அணை (மதுரை), எழுமலை (மதுரை), திருப்புவனம் (சிவகங்கை), ஆர்.எஸ்.மங்கலம் (ராமநாதபுரம்), வாலிநோக்கம் (ராமநாதபுரம்), பள்ளமோர்குளம் (ராமநாதபுரம்), கொடைக்கானல் (திண்டுக்கல்) தலா 2 செ.மீ மழை பதிவாகியுள்ளது.
மீனவர்களுக்கான எச்சரிக்கை:
தமிழக கடலோரப்பகுதிகள்:
19.12.2023 மற்றும் 20.12.2023: தென்தமிழக கடலோரப்பகுதிகள், மன்னார் வளைகுடா மற்றும் குமரிக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.
அரபிக்கடல் பகுதிகள்:
19.12.2023: லட்சதீவு மற்றும் அதனை ஒட்டிய தென்கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.
மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்த படுகிறார்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)