2026ல் அண்ணாமலை முதல்வராவது நிச்சயம் - மடாதிபதி ஸ்ரீ சுந்தரவடிவேல் சுவாமிகள் பேட்டி
பிரதமர் மோடி இன்னும் 10 ஆண்டுகள் பிரதமராக இருக்க வேண்டும் எனக் கூறி கரூரில் யாகம் செய்வதற்காக இடம் தேர்வு செய்ய வந்ததாக தேனி கூடலூரை சேர்ந்த மடாதிபதி ஸ்ரீ சுந்தரவடிவேல் சுவாமிகள் பேட்டி.
2026ல் திமுக, அதிமுகவை தவிர்த்து பாஜக சிறு கட்சிகள் ஆதரவுடன் ஆட்சி அமைக்கும். ஆட்சி மாற்றம் ஏற்படுவது உறுதி. அண்ணாமலை முதலமைச்சர் ஆவார் எனக் கூறி கரூரில் யாகம் செய்வதற்காக இடம் தேர்வு செய்ய வந்ததாக தேனி கூடலூரை சேர்ந்த மடாதிபதி ஸ்ரீ சுந்தரவடிவேல் சுவாமிகள் பேட்டியளித்தார்.
தேனி மாவட்டம், கூடலூர் ஸ்ரீ மகா சக்தி பீடம் மடாதிபதி ஸ்ரீ சுந்தரவடிவேல் சுவாமிகள் கரூரில் உள்ள தனியார் திருமண மண்டபத்தில் செய்தியாளர்களை சந்தித்தார். அப்போது பேசிய அவர், தஞ்சை பெரிய கோவிலை கட்டியமைத்த சித்தர் கருவூராரின் தலைமையில் கும்பாபிஷேகம் நடத்தாததால் அவர்களின் குடும்பமே அழிந்து விட்டது. அவரது சமாதியுள்ள கரூர் கல்யாண பசுபதீஸ்வரர் கோவில் உள்ள மண்ணில் 125 வருசத்துக்கு ஒரு முறை மாற்றம் வரும்.
காவிரி மற்றும் அமராவதி ஆறு சங்கமிக்கும் திருமுக்கூடலூர் கிராமத்தில் யாகம் நடத்துவதற்காக இடம் தேர்வு செய்ய வந்துள்ளதாகவும், அடுத்து 10 ஆண்டுகளுக்கு மோடி பிரதமராக இருக்க வேண்டும், நீண்ட ஆயுளுடன் இருக்க வேண்டும் என்பதற்காக அசுவமேத ராஜ பிரம்ம யாகம் நடத்த இருப்பதாகவும், நாள் குறிப்பிடாத நிலையில், பிரதமரை பங்கேற்க வைக்க இருப்பதாக தெரிவித்தார்.
அதிமுகவை சார்ந்த எடப்பாடி பழனிசாமி உள்ளிட்ட முன்னாள் அமைச்சர்கள், திமுக வை சார்ந்த துரைமுருகன் உள்ளிட்ட முக்கியமான மூத்த அமைச்சர்கள் சிறைக்கு செல்வது உறுதி. அவர்கள் சிறையிலேயே வாழ்நாளை முடித்துக் கொள்வார்கள். 2026ல் திமுக, அதிமுகவை தவிர்த்து பாஜக சிறு கட்சிகள் ஆதரவுடன் ஆட்சி அமைக்கும். ஆட்சி மாற்றம் ஏற்படுவது உறுதி. அண்ணாமலை முதலமைச்சர் ஆவார். நடிகர் விஜய் உள்ளிட்டோர் ஆட்சிக்கு வர வாய்ப்பில்லை என்றார்.
தலைப்பு செய்திகள்
ட்ரெண்டிங் செய்திகள்
