MNM: பாரம்பரிய நெல் பாதுகாப்பு மையம் சார்பில் தேசிய நெல் திருவிழா - கமல்ஹாசன் அழைப்பு!
MNM: பாரம்பரிய நெல் ரகங்களை மீட்டெடுக்கும் முயற்சிக்கு விவசாயிகளுடன் துணை நிற்பேன் என்று மக்கள் நீதி மய்யம் தலைவர் கமல்ஹாசன்
பாரம்பரிய நெல் ரகங்களை மீட்டெடுக்கும் முயற்சிக்கு விவசாயிகளுடன் துணை நிற்பேன் என்று மக்கள் நீதி மய்யம் தலைவர் கமல்ஹாசன் உறுதியளித்துள்ளார்.
பாரம்பரிய நெல் ரகங்களை பாதுகாக்கும் அமைப்பு
ஜெயராமன் பாரம்பரிய நெல் பாதுகாப்பு மைய நிர்வாகிகள் மக்கள் நீதி மய்யம் தலைவர் கமல்ஹாசனை சந்தித்து தங்கள் இயக்கத்தின் செயல்பாடுகள் குறித்து கலந்தாலோசித்தனர்.
இந்த சந்திப்பின்போது, திரைப்பட இயக்குனர்கள் ஹெச்.வினோத் மற்றும் இரா. சரவணன், மக்கள் நீதி மய்யம் கட்சியின் பொதுச்செயலாளர் அருணாச்சலம், நெல் ஜெயராமன் பாரம்பரிய நெல் பாதுகாப்பு மையம் அமைப்பின் மாநில ஒருங்கிணைப்பாளர் ராஜிவ், உயர்மட்டக்குழுத் தலைவர் பந்தநல்லூர் அசோகன், உயர்மட்டக்குழு உறுப்பினர் நன்னிலம் உதயகுமார் ஆகியோர் உடனிருந்தனர். இவர்களுடன் இருபதிற்கும் மேற்பட்ட இயற்கை விவசாயிகள் ஆகியோ ஆலோசனை மேற்கொண்டனர்.
நாம் மறந்து போன. நம்மை விட்டு மறைந்து போன பாரம்பரிய நெல் ரகங்களின் விதைகளை மீட்பதில் ஒரு போராளியாகச் செயல்பட்டவர் நெல் ஜெயராமன் ஓர் தனிமனித இயக்கமாக அவர் மறுகண்டுபிடிப்பு செய்து தந்தவை சுமார் 174 நெல் ரகங்கள்.' தனக்குப் பின்னரும் இந்தப் பேரியக்கம் தொடர்வதற்கான விதைகளை அவர் ஊன்றிச் சென்றிருக்கிறார். அதன் சாட்சியாக நெல் ஜெயராமன் பாரம்பரிய நெல் பாதுகாப்பு மையம்' தீவிரமாகச் செயல்பட்டு வருகிறது. அவரது வழித்தோன்றல்களும் மாணவர்களும் ஜெயராமன் ஏற்றிய நெருப்பை அணையாமல் பாதுகாத்து வருகிறார்கள்.
பாரம்பரிய நெல் ரகங்களைப் பயிரிட்டு, பாதுகாத்து, மறு உற்பத்தி செய்து விவசாயிகளுக்கும், வேளாண்மைத் துறைக்கும், வேளாண்மையைப் பயில்கிறவர்களுக்கும், பயிற்றுவிப்பவர்களுக்கும். ஆய்வாளர்களுக்கும் விலையில்லாமல் அளித்து வருகிறது இந்த இயக்கம்.
இந்த சந்திப்பில் பேசிய கமல்ஹாசன், “ திருகியெழுதப்பட்ட புனைவரலாற்றிலிருந்து, நமது உண்மையான வரலாற்றை மீட்டெடுப்பதுதான் இன்றைய அரசியல். தமிழர்களின் மரபிலும் பண்பாட்டிலும் வரலாற்றிலும் நமது வேளாண்மைக்கும், உணவுப் பழக்கத்திற்கும் மறுக்கமுடியாத இடம் உண்டு வரலாற்றை மீட்டெடுப்பது போலவே நமது பாரம்பரிய வேளாண்மையையும், தானியங்களையும் நீர்நிலைகளையும் மீட்டெடுத்தே ஆகவேண்டும். ஒரு பொறுப்புள்ள குடிமகனாக இதுவும் எனது கடமை என்றே நினைக்கிறேன். கைவிடப்பட்ட ஊர்க்கிணறுகளை மீட்டெடுக்கும் 'ஊர்க்கிணறு புனரமைப்பு இயக்கம் பற்றி சமீபத்தில் கேள்விப்பட்டேன். உடனடியாக எனது ஆதரவையும் பங்களிப்பையும் அவர்களுக்கு நல்கினேன். பாரம்பரிய நெல் ரகங்களைப் பாதுகாக்கவும். பரவலாக்கம் செய்வதற்கும் நீங்கள் செய்யும் முயற்சிகள் அனைத்தும் முக்கியமானவை. என்னால் ஆன அனைத்து உதவிகளையும் செய்வேன்.” என தெரிவித்தார்.
இயற்கை விவசாயம், தற்சார்புப் பொருளாதாரம், மரபு வேளாண்மை, சிறுதானியங்கள், பாரம்பரிய நெல் ரகங்கள், நாட்டினங்கள் பரமாரிப்பு, நீர்நிலைகள் மீட்டெடுப்பு கிராம மேம்பாடு உள்ளிட்டவை மக்கள் நீதி மய்யம் அக்கறை கொள்பவை. இவற்றில் எங்கள் பங்களிப்பு என்றென்றும் தொடரும். வருகிற ஜூன் மாதம் 17.,18 ஆகிய தேதிகளில் இவர்கள் நடத்தும் 'தேசிய நெல் திருவிழா - 2023' நிகழ்வில் தமிழ் நிலத்தின் மீது அக்கறை கொண்ட ஒவ்வொருவரும் கலந்துகொள்ள வேண்டும். பாரம்பரியத்தைப் பாதுகாக்கும் இந்த இளைஞர்களின் முயற்சிக்கு சமூகம் துணை நிற்கவேண்டும் என்றும் கமல்ஹாசன் தெரிவித்துள்ளார்.
கமலின் 233-வது படம்
இதற்கிடையில் சதுரங்க வேட்டை, நேர்கொண்ட பார்வை, வலிமை, துணிவு உள்ளிட்ட படங்களை இயக்கிய ஹெச்.வினோத் தான் கமலின் 233வது படத்தை இயக்கப்போவதாக தகவல் வெளியானது. பான் இந்தியா முறையில் உருவாகும் இந்தப் படத்தை அறிவிப்பு விரைவில் வெளியாகும் எனவும் கூறப்பட்டது. இதனிடையே நெல் ஜெயராமன் பாரம்பரிய நெல் பாதுகாப்பு மைய உறுப்பினர்களுடன் இன்று கமல்ஹாசன் மற்றும் இயக்குநர் ஹெச்.வினோத் கலந்துரையாடினர்.
இது இருவரும் இணையும் படத்திற்கான கலந்துரையாடல் என கூறப்படுகிறது. சமூக பொறுப்பை வலியுறுத்தும் படமாக இது அமையும் என சொல்லப்படும் நிலையில் இந்த படத்தை ராஜ்கமல் நிறுவனமே தயாரிக்கும் என்ற தகவலும் வெளியாகியுள்ளது. இதனால் ரசிகர்கள் மகிழ்ச்சியடைந்துள்ளனர்.
தலைப்பு செய்திகள்
ட்ரெண்டிங் செய்திகள்
