![metaverse](https://cdn.abplive.com/imagebank/metaverse-top.png)
Karur: சர்வதேச போதை ஒழிப்பு தினம் விழிப்புணர்வு - கரூரில் கல்லூரி மாணவர்கள் பேரணி
கரூர் மாநகராட்சி அலுவலகம் முன்பு சி.எஸ்.ஐ பிஷப் கலை மற்றும் அறிவியல் கல்லூரி சார்பில் போதை பொருள் தடுப்பு குறித்த விழிப்புணர்வு பேரணி நடைபெற்றது.
![Karur: சர்வதேச போதை ஒழிப்பு தினம் விழிப்புணர்வு - கரூரில் கல்லூரி மாணவர்கள் பேரணி Karur International Anti-Drug Awareness Day Participation of College Students TNN Karur: சர்வதேச போதை ஒழிப்பு தினம் விழிப்புணர்வு - கரூரில் கல்லூரி மாணவர்கள் பேரணி](https://feeds.abplive.com/onecms/images/uploaded-images/2023/06/26/f8f6de90a59ca8b140c70dab7f731e521687775468452113_original.jpeg?impolicy=abp_cdn&imwidth=1200&height=675)
சர்வதேச போதை ஒழிப்பு தினத்தை முன்னிட்டு கரூரில் தன்னார்வலர்கள் பங்கேற்ற விழிப்புணர்வு நாடகம் மற்றும் கல்லூரி மாணவ, மாணவிகள் பங்கேற்ற பேரணி நடைபெற்றது.
தமிழ்நாடு முழுவதும் சர்வதேச போதைப் பொருள் ஒழிப்பு தினத்தை முன்னிட்டு பல்வேறு மாவட்டங்களில் பள்ளி, கல்லூரி மாணவர்கள் மற்றும் தன்னார்வ அமைப்புகள் சார்பில் விழிப்புணர்வு நிகழ்ச்சிகள் நடைபெற்று வருகிறது. ஒரு பகுதியாக கரூர் பேருந்து நிலையம் ரவுண்டானா அருகில் பிரம்மா குமாரிகள் அமைப்பின் சார்பில் போதைப் பொருள் ஒழிப்பு குறித்த விழிப்புணர்வு நாடகம் நடைபெற்றது. குட்கா, புகையிலை, மதுபானம், போதை வஸ்துக்கள் குறித்த புகைப்படங்களை உருவகப்படுத்தி அணிந்து கொண்ட நபர்கள் பங்கேற்று பொதுமக்களுக்கு விழிப்புணர்வு ஏற்படுத்தினர்.
கரூர் மாநகராட்சி அலுவலகம் முன்பு சி.எஸ்.ஐ பிஷப் கலை மற்றும் அறிவியல் கல்லூரி சார்பில் போதை பொருள் தடுப்பு குறித்த விழிப்புணர்வு பேரணி நடைபெற்றது. இதில் 50-க்கும் மேற்பட்ட கல்லூரி மாணவ, மாணவிகள் கலந்து கொண்டு, விழிப்புணர்வு வாசகங்கள் அடங்கிய பதாகைகளை கையில் ஏந்தியவாறு பொதுமக்களிடம் விழிப்புணர்வு ஏற்படுத்தும் வகையில் முக்கிய வீதிகள் வழியாக பேரணியாக சென்றனர். நகர காவல் ஆய்வாளர் விதுன் குமார் பேரணியை கொடியசைத்து தொடங்கி வைத்தார். கல்லூரி முதல்வர் உமேஷ் சாமுவேல் மற்றும் பேராசிரியர்கள் உடன் இருந்தனர்.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)