Watch Video: அடேங்கப்பா! அமைச்சரை திக்குமுக்காட வைத்த இன்ஸ்டா பிரபலம் திவாகர்! இத பாருங்க

தமிழக கூட்டுறவுத்துறை அமைச்சர் பெரிய கருப்பண் முன்பு இன்ஸ்டா பிரபலம் திவாகர் தனது நடிப்புத் திறமையை நடித்துக் காட்டி அசத்தினார்.

அமைச்சர் பெரிய கருப்பண் முன்பு நடித்துக் காட்டிய இன்ஸ்டா பிரபலம் திவாகர்

Source : twitter

உலகில் கோடிக்கணக்கான மக்கள் பயன்படுத்தும் சமூக வலைதளங்களில் இன்ஸ்டாகிராம் முதன்மையானதாக உள்ளது. தமிழ்நாட்டிலும் கோடிக்கணக்கான மக்கள் இன்ஸ்டாகிராம் பயன்படுத்துகின்றனர். இன்ஸ்டாகிராம் மூலம் ஆடுதல், பாடுதல் உள்ளிட்ட பல்வேறு திறமைகளை காட்டி பலரும் பிரபலம் ஆகி வருகின்றனர். இன்ஸ்டாகிராம் மூலம் தமிழ்நாட்டில் பலரும் பிரபலம் ஆகியுள்ளனர்.

இன்ஸ்டா பிரபலம் திவாகர்:

அந்த வகையில், சமீப காலமாக தமிழ்நாட்டில் இன்ஸ்டாகிராம் மூலமாக மிகவும் பிரபலமான நபராக உலா வருபவர் திவாகர். பிசியோதெரபி மருத்துவரான இவர் திரைப்படங்களில் வரும் காட்சிகளுக்கு நடித்து வீடியோக்களை பதிவிட்டு வருகிறார். இதன் மூலம் இவரை பல யூ டியூப் தொலைக்காட்சிகளும் பேட்டி எடுத்ததால் மேலும் பிரபலமாக உள்ளார்.

இந்த நிலையில், சமீபத்தில் நடைபெற்ற கடை திறப்பு நிகழ்ச்சி ஒன்றில் தமிழக கூட்டுறவுத்துறை அமைச்சர் பெரியகருப்பண் பங்கேற்றார். சிறப்பு விருந்தினராக பெரிய கருப்பண் பங்கேற்ற அதே நிகழ்ச்சியில் இன்ஸ்டா பிரபலம் திவாகரும் பங்கேற்றார்.

அமைச்சர் முன்பு நடித்து அசத்தல்:

கட்டபொம்மன் போல் கலக்கிய பிரபலம் - வியந்து பார்த்த அமைச்சர்!

அமைச்சர் கே.ஆர்.பெரியகருப்பன் முன்பு வீரபாண்டியன் கட்டபொம்மன் மற்றும் ஜாக்சன் துரை போல் ஆக்டிங் செய்து காட்டிய ரீலீஸ் பிரபலம் திவாகர்#krperiyakarupan #diwagar #reels #viralvideo pic.twitter.com/XXrUnoboLl

— Srilibiriya Kalidass (@srilibi) October 3, 2024

அப்போது, அமைச்சர் பெரிய கருப்பண் முன்பு தன்னுடைய நடிப்புத் திறமையை காட்டி திவாகர் அசத்தினார். அமைச்சர் முன்பு வீரபாண்டிய கட்டபொம்மன் படத்தில் வரும் நடிகர் திலகம் சிவாஜி பேசும் புகழ்பெற்ற வசனத்தை பேசி காட்டினார். பின்னர், கஜினி படத்தில் வரும் சூர்யாவின் காட்சியை நடித்துக் காட்டினார்.

அதன்பின்பு, அங்கிருந்தவர்கள் அன்னியன் பட காட்சியை நடித்துக் காட்ட கூறினார்கள். நடிகர் விக்ரமின் புகழ்பெற்ற அன்னியன் – அம்பி கதாபாத்திர காட்சியை அமைச்சர் முன்பு நடித்துக் காட்டினார். அவரது நடிப்பைப் பார்த்த அமைச்சர் உங்களை சாதாரணமான நினைச்சுட்டாங்க என்றார்.

ஆச்சரியத்துடன் பார்த்த அமைச்சர்:

அப்போது, அமைச்சர் அருகில் இருந்தவர்கள் தனியார் தொலைக்காட்சி நிகழ்ச்சியில் இவர் பங்கேற்றுள்ளார் என்று கூறினார்கள். அப்போது, அமைச்சர் தன் உதவியாளர்களிடம் ஏன்டா இதெல்லாம் என்னிடம் சொல்லவே இல்லை என்று கேட்டார். பின்னர், அமைச்சர் முன்பு நடிகர் தனுஷின் 3 பட காட்சியில் தனுஷின் தற்கொலை காட்சியை நடித்துக் காட்டினார். அதை அமைதியாக நின்று அமைச்சரும் பார்த்து ரசித்தார். இந்த வீடியோ தற்போது இணையத்தில் வைரலாகி வருகிறது.

இன்ஸ்டாகிராம் மூலம் மிகவும் பிரபலமாக உள்ள திவாகர் பல்வேறு யூ டியூப் பேட்டிகளில் பங்கேற்று வருகிறார். அவருக்கு சில திரைப்படங்களில் நடிக்கவும் வாய்ப்பு கிடைத்துள்ளது. பிக்பாஸ் சீசனில் அவர் பங்கேற்பாரா? என்ற எதிர்பார்ப்பும் எழுந்துள்ளது.