Chief Minister MK Stalin: சாப்பாடு இருக்கா.. விரைந்து வந்த இட்லி, சாம்பார், வடை.. ஆசுவாசத்துடன் சாப்பிட்டு நரிக்குறவ குழந்தைகளுக்கும் ஊட்டிவிட்ட முதல்வர்..!

முதல்வர் மு.க.ஸ்டாலின் நரிக்குறவ குழந்தைகளுக்கு இட்லி ஊட்டி விட்டு தானும் சாப்பிட்டார்

முதல்வர் மு.க.ஸ்டாலின்

முதல்வர் மு.க.ஸ்டாலின் நரிக்குறவ குழந்தைகளுக்கு இட்லி ஊட்டி விட்டு தானும் சாப்பிட்டார்

சென்னை ஆவடி திருமுல்லைவாயில் நரிக்குறவர் காலனியில் முதல்வர் மு.க.ஸ்டாலின் இன்று ஆய்வு மேற்கொண்டார். மேலும் அவர்களுக்கு இன மக்களுக்கு குடும்ப அட்டை, மருத்துவ காப்பீடு அட்டை, முதியோர் உதவித்தொகை உள்ளிட்ட நலத்திட்ட உதவிகளை வழங்கினார். மேலும் பேருந்து நிலையம் அருகே நரிக்குறவர் குடியிருப்பில், புதிதாக அமைக்கப்பட்ட உயர்மின் விளக்குகள், குடிநீர் குழாய்கள் உள்ளிட்டவற்றையும் திறந்து வைத்தார்.

முன்னதாக திவ்யா என்ற மாணவி நம்பிக்கையுடன் பேசிய வீடியோ சமூகவலைதளங்களில் வைரலான நிலையில், முதல்வர் அவரை வீடியோ கால் மூலம் அழைத்து பேசினார். அப்போது திவ்யா முதல்வர் தங்கள் வீட்டிற்கு வரவேண்டும் என கோரிக்கை வைத்தார். அதனை ஏற்றுக்கொண்ட முதல்வர், நிச்சயம் தான் வீட்டிற்கு வருவதாக உறுதி அளித்திருந்தார். இந்த நிலையில் அவர்களது வீட்டிற்கு சென்ற முதல்வர், அவர்களிடம் சாப்பாடு இருக்கிறதா என்று கேட்க, அவர்கள் தாங்கள் சமைத்து வைத்திருந்த இட்லி, சாம்பார்,வடையை எடுத்து வந்தனர். அதனை ஆசுவாசத்துடன் சாப்பிட்ட அவர் அங்குள்ள குழந்தைகளுக்கு ஊட்டி விட்டார்.