Chennai Traffic: வாகன ஓட்டிகளே..! சென்னையில் 2 ஆண்டுகளுக்கு போக்குவரத்து மாற்றம் நீட்டிப்பு - இனி எப்படி போகனும்?

மெட்ரோ ரயில் கட்டுமான பணிகள் மேற்கொள்ளப்படுவதால், சென்னை நந்தனம் பசும்பொன் முத்துராமலிங்க தேவர் சிலை சாலையில் போக்குவரத்து மாற்றங்கள் இரண்டு ஆண்டுகளுக்கு நீட்டிக்கப்படுகிறது.

போக்குவரத்து மாற்றம்

மெட்ரோ ரயில் கட்டுமான பணிகள் மேற்கொள்ளப்படுவதால், சென்னை நந்தனம் பசும்பொன் முத்துராமலிங்க தேவர் சிலை சாலையில் போக்குவரத்து மாற்றங்கள் இரண்டு ஆண்டுகளுக்கு நீட்டிக்கப்படுகிறது.

GCTP officers enforced traffic signals discipline including stop line.🚦

Pallavan salai signal. pic.twitter.com/JStDLQeTVs

— Greater Chennai Traffic Police (@ChennaiTraffic) February 13, 2023

இதைப்பற்றிய செய்தி வெளியீட்டில் குறிப்பிட்டுள்ளதாவது, பசும்பொன் முத்துராமலிங்க தேவர் சாலையில் CMRL ஆல் முன்மொழியப்பட்ட கட்டுமானப் பணிகளை எளிதாக்கும் வகையில், சில போக்குவரத்து மாற்றம் திட்டமிடப்பட்டு, 01-02-2023 முதல் ஒரு வாரத்திற்கு சோதனை ஓட்டம் நடத்தப்பட்டது.க்ஷ

2 ஆண்டுகளுக்கு மாற்றம்:

இந்தத் திட்டம் வெற்றிகரமாகச் செயல்பட்டதால், இப்போது CMRL கோரியபடி இரண்டு ஆண்டுகளுக்குத் அந்த போக்குவரத்து மாற்றங்கள் தொடர முடிவு செய்யப்பட்டுள்ளது.

1. பசும்பொன் முத்துராமலிங்க தேவர் சாலையில் வழக்கம் போல் போக்குவரத்து அனுமதிக்கப்பட்டுள்ளது.

2.  மந்தைவெளியிலிருந்து கோட்டூர்புரம் பாலத்திற்குச் செல்ல விரும்பும் இலகுரக மோட்டார் வாகனங்கள் மற்றும் MTC பேருந்துகள் அடையார் போட் கிளப் கேட் சாலை, ABM அவென்யூ வழியாக இடதுபுறம் சென்று புல்ஸ் சாலை விரிவாக்கத்தில் திருப்பலாம்.

3. மந்தைவெளியிலிருந்து நந்தனம் சிக்னல், அண்ணாசாலைக்கு செல்ல விரும்பும் இலகுரக மோட்டார் வாகனங்கள் மற்றும் MTC பேருந்துகள் TTK சாலை, ஸ்ரீ ராம் நகர் தெற்கு தெரு, ஸ்ரீ ராம் நகர் மேற்கு தெரு, செனோடாப் 2வது லேன் மற்றும் GK மூப்பனார் பாலம் சர்வீஸ் சாலை வழியாக செனோடாப் சாலைக்கு செல்லலாம்.

4. அடையாறு போட் கிளப் கேட் ரோடு, 1வது அவென்யூ போட் கிளப் ரோடு மற்றும் போட் கிளப் ரோடு ஒருவழி சாலையாக மாற்றப்பட்டுள்ளது. சேமியர்ஸ் சாலையில் இருந்து வரும் வாகனங்கள் போட் கிளப் சாலையை நோக்கி அனுமதிக்கப்படாது, அடையாறு போட் கிளப் கேட் சாலை வழியாக (அம்மா நன்னா உணவகம்) அனுமதிக்கப்படுகிறது.

5. ஏபிஎம் அவென்யூ மற்றும் டர்ன் புல்ஸ் விரிவாக்கம் ஒருவழி சாலையாக மாற்றப்பட்டுள்ளது, அடையாறு கேட் கிளப் சாலையில் இருந்து வரும் வாகனங்கள் கோட்டூர்புரம் பாலம் நோக்கி திருப்பப்படுகிறது, அதேபோல் ஜி.கே. டர்ன் புல்ஸ் எக்ஸ்டென்ஷனை நோக்கி மூப்பனார் பாலம் சர்வீஸ் சாலைக்கு செல்ல அனுமதி மறுக்கப்பட்டுள்ளது. மேலும் வாகனங்கள் நேராக சேமியர்ஸ் சாலையில் ஜிகே மூப்பனார் சிக்னல் சந்திப்பில் இருந்து டிடிகே சாலையை நோக்கி செல்லலாம். 

இந்த போக்குவரத்து மாற்றங்கள் அடுத்த 2 ஆண்டுகளுக்கு தொடரும் என தெரிவிக்கப்பட்டுள்ளது. இதற்கு அனைத்து வாகன ஓட்டிகளும் ஒத்துழைக்க வேண்டும் எனவும் செய்தி வெளியீட்டில் குறிப்பிடப்பட்டுள்ளது.