ஆரோவில் பயணம்: தைவான் தூதரக பொது இயக்குநரின் வியப்பான அனுபவம்! கல்வி, தொழில்நுட்பத்தில் புதிய பரிமாணம்?

தைவான் தூதரக பொது இயக்குநர் ஆரோவில் சுற்றுப்பயணம் ஸ்டீபன் எஸ்.சி. சு - மாத்ரிமந்திரில் தியானம், கல்வி மற்றும் தொழில்நுட்ப ஒத்துழைப்பு வாய்ப்புகளை ஆய்வு.

தைவான் தூதரக பொது இயக்குநர் ஆரோவில்லில் ஆய்வு

Source : ABP NADU

தைவான் தூதரக பொது இயக்குநர் ஆரோவில் சுற்றுப்பயணம்

தைவான் தூதரகத்தின் பொது இயக்குநர் ஸ்டீபன் எஸ்.சி. சு, உதவியாளர்கள் சாய் மிங் ஷுன் மற்றும் சாவோ சாங் லஞ்ச் ஆகியோருடன் இணைந்து, கல்வி மற்றும் தொழில்நுட்ப ஒத்துழைப்பு வாய்ப்புகளை ஆராயும் நோக்கில் ஆரோவில்லுக்கு சிறப்பு வருகை தந்தார். இந்த முக்கியமான வருகையின் முதல் பகுதியாக, குழுவினர் ஆரோவில்லின் ஆன்மீக மையமான மாத்ரிமந்திரில் ஆரோவில் பணிக்குழு உறுப்பினர் செல்வராஜ் அவர்களுடன் இணைந்து தியானத்தில் பங்கேற்றனர்.

தியான அனுபவத்தால் ஆழமாக கவரப்பட்ட பொது இயக்குநர் சு, "இன்றைய மாத்ரிமந்திரில் நடந்த தியானம் மிகச் சிறப்பாக இருந்தது. இந்தியாவின் பிரதமர் நரேந்திர மோடி அவர்கள் கூறியது போல், நல்ல ஆரோக்கியம் மற்றும் அமைதியான மனதிற்காக தினமும் குறைந்தபட்சம் 1-2 மணி நேரம் யோகா மற்றும் தியானம் செய்வது இன்றைய வாழ்க்கை முறைக்கு மிகவும் அவசியமானது" என்று தெரிவித்தார்.பின்னர் குழுவினர் ஸ்ரீ அரவிந்த ஒருங்கிணைந்த கல்வி மற்றும் ஆராய்ச்சி நிறுவனத்திற்கு (சையர்) சென்று, லிஜுன் மற்றும் டாக்டர் சஞ்ஜீவ் ரங்கநாதன் ஆகியோரைச் சந்தித்தனர். இங்கு ஆரோவில்லின் தனித்துவமான கல்வித் தத்துவம், ஸ்ரீ அரவிந்தரின் பரந்த பார்வை மற்றும் ஆசிரியர்கள், மாணவர்கள் இருவருக்குமான புதுமையான கல்வி அணுகுமுறைகள் குறித்து விரிவான விவாதம் நடைபெற்றது.

"ஆரோவில்லின் ஒருங்கிணைந்த கல்வி அணுகுமுறை உலகளாவிய கல்வி சீர்திருத்தத்திற்கு ஒரு சிறந்த மாதிரியாக விளங்குகிறது. இந்த கல்வி முறை மனித வளர்ச்சியின் அனைத்து பரிமாணங்களையும் உள்ளடக்கியது" என்று பொது இயக்குநர் சு பாராட்டுரையில் தெரிவித்தார்.தொழில்நுட்ப பரிமாற்றம் மற்றும் ஒத்துழைப்பு வாய்ப்புகள் தொழில்நுட்ப பரிமாற்ற கலந்துரையாடலில், தைவானின் மேம்பட்ட மின்னணு சிப் உற்பத்தி தொழில்நுட்பம் மற்றும் ஆரோவில்லின் ஸ்டெம் லேண்ட் பிரிவின் மேம்பட்ட நிரலாக்கம், மின் விநியோக மதர்போர்டு வடிவமைப்பு ஆகியவற்றுக்கு இடையேயான ஒத்துழைப்பு சாத்தியங்கள் ஆழமாக ஆராயப்பட்டன.

மனித ஒற்றுமை மற்றும் நிலையான வளர்ச்சிக்கான ஆரோவில்லின் உன்னத பார்வை

"தைவானின் குறைக்கடத்தி தொழில் துறையின் பல ஆண்டுகால அனுபவமும், ஆரோவில்லின் புதுமையான ஆராய்ச்சி அணுகுமுறையும் இணைந்தால், இது அசாதாரண தொழில்நுட்ப முன்னேற்றங்களை உலக அளவில் ஏற்படுத்தும்" என்று டாக்டர் சஞ்ஜீவ் ரங்கநாதன் குறிப்பிட்டார்.பொது இயக்குநர் சு, "மனித ஒற்றுமை மற்றும் நிலையான வளர்ச்சிக்கான ஆரோவில்லின் உன்னத பார்வை, தைவானின் சமூக பொறுப்புணர்வு கொண்ட தொழில்நுட்ப வளர்ச்சி இலக்குகளுடன் மிக நன்றாக ஒத்துப்போகிறது" என்று வலியுறுத்தினார்.

டாக்டர் ஜெயந்தி எஸ். ரவி அவர்களின் தலைமைத்துவத்திற்கு பாராட்டுஆரோவில் அறக்கட்டளை மற்றும் செயலாளர் டாக்டர் ஜெயந்தி எஸ். ரவி அவர்களின் ஆதரவுடன் நடைபெறும் மகத்தான வளர்ச்சி பணிகளைக் கண்டு மெய்ம்மறந்த பொது இயக்குநர் சு, "டாக்டர் ஜெயந்தி எஸ். ரவி அவர்களின் மிகச் சிறந்த துடிப்பான தலைமைத்துவம் மற்றும் தொலைநோக்கு பார்வையின் கீழ் ஆரோவில் குறிப்பிடத்தக்க அளவில் முன்னேற்றம் அடைந்துள்ளது. அவரது தொடர்ச்சியான அயராத முயற்சிகள் ஆரோவில்லை ஒரு சர்வதேச அளவிலான கல்வி மற்றும் ஆன்மீக மையமாக உயர்த்தியுள்ளன" என்று உளமார பாராட்டினார்.

எதிர்கால ஒத்துழைப்பு திட்டங்கள் "மிக விரைவில் தைவான்-ஆரோவில் இடையே கல்வி, தொழில்நுட்பம், நிலையான வளர்ச்சி ஆகிய முக்கிய துறைகளில் மிக அற்புதமான ஒத்துழைப்பை உருவாக்கி, இந்தியாவுடனான எங்கள் வலுவான நட்பு உறவை மேலும் வலுப்படுத்துவேன். இந்த கூட்டாண்மை இரு நாடுகளின் மக்களுக்கும் பரஸ்பர நன்மையையும் வளர்ச்சியையும் விளைவிக்கும்" என்று பொது இயக்குநர் சு உறுதியளித்தார்.

வருகையின் இறுதியில், "ஆரோவில்லின் மனித ஒற்றுமைக்கான மகத்தான செய்தி இன்றைய பிளவுபட்ட உலகில் மிகவும் தேவையானது. இது தைவானின் அமைதி மற்றும் பரஸ்பர ஒத்துழைப்பு கொள்கைகளுடன் முழுமையாக பொருந்துகிறது" என்று பொது இயக்குநர் சு இறுதி குறிப்பில் தெரிவித்தார்.