மருத்துவர் மீது தாக்குதல்; காவல்துறையின் அடுத்தகட்ட நடவடிக்கை என்ன? - காவல் ஆணையர் விளக்கம்
சென்னை கிண்டி பன்னோக்கு மருத்துவமனையில் மருத்துவர் பாலாஜியை நோயாளியின் மகன் ஒருவர் கத்தியால் குத்திவிட்டு அங்கிருந்து தப்ப முயன்றார்.
சென்னை கிண்டி மருத்துவமனையில் மருத்துவர் கத்தியால் குத்தப்பட்ட சம்பவம் அதிர்ச்சியை ஏற்படுத்தியுள்ளது. இதுகுறித்து காவல் ஆணையர் அருண் நேரடியாக சென்று விசாரணை மேற்கொண்டார். இதையடுத்து செய்தியாளர்களுக்கு பேட்டியளித்த அவர், “சென்னையில் உள்ள 4 அரசு மருத்துவமனைகளில் தனித்தனி காவல்நிலையங்கள் செயல்படுகின்றன. கிண்டி அரசு மருத்துவமனையில் போலீஸ் பாதுகாப்பை அதிகரிக்க நடவடிக்கை எடுக்கப்படும். மருத்துவர்கள் மீதான தாக்குதல் தொடர்ந்து நடக்கவில்லை. இது முதன்முறையாக நடந்துள்ளது. மருத்துவரை கத்தியால் குத்திய இளைஞரின் தாயார் 6 மாதமாக மருத்துவமனையில் சிகிச்சையில் உள்ளார்” என தெரிவித்துள்ளார்.
சென்னை கிண்டி பன்னோக்கு மருத்துவமனையில் மருத்துவர் பாலாஜியை நோயாளியின் மகன் ஒருவர் கத்தியால் குத்திவிட்டு அங்கிருந்து தப்ப முயன்றார். இதையடுத்து அங்கிருந்த ஊழியரகள் அவரை மடக்கி பிடித்து சரமாரியாக தாக்கினர். கத்திக்குத்துக்குள்ளான மருத்துவர் தீவிர சிகிச்சைப்பிரிவில் சிகிச்சை பெற்று வருகின்றனர்.
இதுகுறித்து முதலமைச்சர் ஸ்டாலின் வெளியிட்டுள்ள பதிவில், “கிண்டி கலைஞர் நூற்றாண்டு உயர்சிறப்பு மருத்துவமனையில் பணிபுரியும் மருத்துவர் திரு. பாலாஜி அவர்களை நோயாளியின் குடும்ப உறுப்பினர் ஒருவர் கத்தியால் குத்திய சம்பவம் அதிர்ச்சியளிக்கிறது.
கிண்டி கலைஞர் நூற்றாண்டு உயர்சிறப்பு மருத்துவமனையில் பணிபுரியும் மருத்துவர் திரு. பாலாஜி அவர்களை நோயாளியின் குடும்ப உறுப்பினர் ஒருவர் கத்தியால் குத்திய சம்பவம் அதிர்ச்சியளிக்கிறது.
— M.K.Stalin (@mkstalin) November 13, 2024
இக்கொடுஞ்செயலில் ஈடுபட்ட நபர் உடனடியாகக் கைது செய்யப்பட்டுள்ளார். மருத்துவர் திரு. பாலாஜி…
இக்கொடுஞ்செயலில் ஈடுபட்ட நபர் உடனடியாகக் கைது செய்யப்பட்டுள்ளார். மருத்துவர் திரு. பாலாஜி அவர்களுக்குத் தேவையான அனைத்து சிகிச்சைகளை அளித்திடவும், இச்சம்பவம் குறித்து விரிவான விசாரணை நடத்திடவும் ஆணையிட்டுள்ளேன்.
அரசு மருத்துவமனைகளை நாடி வரும் நோயாளிகளுக்கு நேரம் - காலம் பார்க்காமல் உரிய சிகிச்சை அளிப்பதில் நமது அரசு மருத்துவர்களின் தன்னலமற்ற பணி அளப்பரியது. இப்பணியின்போது அவர்களின் பாதுகாப்பை உறுதி செய்தல் நம் அனைவரின் கடமையாகும்.
இதுபோன்ற சம்பவங்கள் எதிர்காலத்தில் நிகழாமல் தடுத்திடுவதற்கான அனைத்து நடவடிக்கைகளையும் அரசு மேற்கொள்ளும்” எனத் தெரிவித்துள்ளார்.
மருத்துவருக்கு கத்திகுத்து விழுந்ததையடுத்து அனைத்து மருத்துவர்களும் போராட்டத்தை அறிவித்துள்ளனர். மேலும் பல அரசியல் கட்சித் தலைவர்களும் கடும் கண்டனங்களை தெரிவித்து வருகின்றனர். இதனிடையே துணை முதலைமைச்சர் உதயநிதி ஸ்டாலின் மருத்துவமனைக்கு நேரில் சென்று பார்வையிட்டார். பின்னர் செய்தியாளர்களைச் சந்தித்த அவர், தாக்கப்பட்ட அரசு மருத்துவர் பாலாஜியின் உடல்நிலை சீராக உள்ளது எனத் தெரிவித்தார். மேலும் போராட்டம் அறிவித்துள்ள அரசு மருத்துவர்களுடன் தலைமைச் செயலகத்தில் மாலை 4 மணிக்கு பேச்சுவார்த்தை நடைபெறும் எனவும் குறிப்பிட்டார்.
தலைப்பு செய்திகள்
ட்ரெண்டிங் செய்திகள்
