Kamalhassan: எப்போது டிஸ்சார்ஜ்? மருத்துவமனை வெளியிட்ட அறிக்கையால் கவலையடைந்த ரசிகர்கள்

ராமச்சந்திரா மருத்துவமனை வெளியிட்டுள்ள அறிக்கையில், கமல் லேசான காய்ச்சல், சளி, இருமல் போன்றவற்றால் பாதிக்கப்பட்டுள்ளதாகவும், அவர் ஓரிரு நாட்களில் வீடு திரும்புவார் எனவும் தெரிவிக்கப்பட்டுள்ளது.

கமல்ஹாசன்

 ராமச்சந்திரா மருத்துவமனை வெளியிட்டுள்ள அறிக்கையில், கமல் லேசான காய்ச்சல், சளி, இருமல்  போன்றவற்றால் பாதிக்கப்பட்டுள்ளதாகவும், அவர் ஓரிரு நாட்களில் வீடு திரும்புவார் எனவும் தெரிவிக்கப்பட்டுள்ளது. 

கடந்த சில தினங்களுக்கு முன்பு நடிகரும், மக்கள் நீதிமய்ய தலைவருமாகிய கமல்ஹாசன் ஹைதராபாத் சென்றார். அங்கு சில நிகழ்ச்சிகளில் கலந்துகொண்டு நேற்று மதியம் சென்னை திரும்பினார். அப்போது அவருக்கு திடீரென உடல்நலக்குறைவு ஏற்பட்டதாக தெரிகிறது. இதையடுத்து அவர் சென்னையில் உள்ள பிரபல தனியார் மருத்துவமனையில் அனுமதிக்கப்பட்டார். அங்கு அவருக்கு சிகிச்சை அளித்த மருத்துவர்கள் அவரை ஓய்வு எடுக்குமாறு அறிவுறுத்தியுள்ளனர். 

மருத்துமனையிலேயே அனுமதிக்கப்பட்ட கமல்ஹாசன் சற்றுமுன் மருத்துவமனையில் இருந்து வீடு திரும்பினார். இது வழக்கமான பரிசோதனைதான் என கமல்ஹாசன் வட்டாரங்கள் தகவல் தெரிவிக்கின்றன. தற்பொழுது இந்தியன் பாகம் 2 படத்தில் நடித்து வரும் கமல்ஹாசன், கடந்த இரண்டு நாட்களுக்கு முன்பு ஹைதராபாத்தில் பிரபல இயக்குனர் கே.விஸ்வநாதன் பிறந்தநாள் விழாவில் கலந்து கொண்டார். இந்த நிகழ்ச்சியில் பங்கேற்று சென்னை திரும்பிய சூழலில், கமல்ஹாசனுக்கு உடல்நலக்குறைவு ஏற்பட்டது என்பது குறிப்பிடத்தக்கது. தனியார் தொலைக்காட்சியில் ஒளிபரப்பாகும் பிக்பாஸ் சீசன் 6 நிகழ்ச்சியின் தொகுப்பாளராகவும் உள்ள கமல்ஹாசன், வாரந்தோறும் அதன் படப்பிடிப்பிலும் பங்கேற்று வருகிறார்.