TN Weather Update: சில்லென மாறப்போகும் தமிழ்நாடு.. அடுத்த 4 நாட்களுக்கு மழைக்கு வாய்ப்பு.. லேட்டெஸ்ட் அப்டேட் இதோ..

வடஉள் தமிழக பகுதிகளின் மேல் நிலவும்  வளி மண்டல கீழடுக்கு சுழற்சி காரணமாக,  அடுத்த 4 தினங்களுக்கு மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது. 

தமிழகத்தில் மழை (கோப்பு புகைப்படம்)

வடஉள் தமிழக பகுதிகளின் மேல் நிலவும்  வளி மண்டல கீழடுக்கு சுழற்சி காரணமாக,  அடுத்த 4 தினங்களுக்கு மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது. 

15.03.2023:  தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு  இடங்களில் லேசான / மிதமான மழை   பெய்யக்கூடும். 

16.03.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய  லேசான / மிதமான மழை   பெய்யக்கூடும். 

17.03.2023 முதல் 19.03.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில்  இடி மின்னலுடன் கூடிய  லேசானது முதல்  மிதமான மழை   பெய்யக்கூடும். 

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 33-34 டிகிரி செல்சியஸ் மற்றும்  குறைந்தபட்ச வெப்பநிலை 23-24 டிகிரி செல்சியஸ் அளவில் இருக்கக்கூடும். 

கடந்த 24 மணி நேரத்தில் பதிவான மழை அளவு (சென்டிமீட்டரில்) அல்லது மீனவர்களுக்கான எச்சரிகை  ஏதுமில்லை என வானிலை ஆய்வு மையம் தெரிவித்துள்ளது. 

தமிழ்நாட்டில் கடந்த சில நாட்களாக வெயிலின் தாக்கம் அதிகரித்து வரும் நிலையில் நண்பகல் நேரத்தில் வெப்ப அலை வீசி வருகிறது. இந்நிலையில் அடுத்த 4 தினங்களுக்கு மிதமான மழை பெய்யும் என வானிலை மையம் தெரிவித்துள்ளது. இந்த செய்தி மக்களிடையே மகிழ்ச்சியை ஏற்படுத்தியுள்ளது.