"அக்னிபத் திட்டத்திற்கு எதிரான போராட்டங்கள் திட்டமிட்டு தூண்டப்படுகிறது" - மத்திய அமைச்சர் எல்‌.முருகன்

அக்னிபத் திட்டத்திற்கு எதிரான போராட்டங்கள் திட்டமிட்டு தூண்டப்படுகிறது என மத்திய அமைச்சர் எல்‌.முருகன் பேட்டி

எல்.முருகன்

அக்னிபத் திட்டத்திற்கு எதிரான போராட்டங்கள் திட்டமிட்டு தூண்டப்படுகிறது - மத்திய அமைச்சர் எல்‌.முருகன். மக்கள் மத்தியில் அக்னிபத் குறித்து தவறாகத் திரிக்கப்பட்டுள்ளது.  இளைஞர்களில் நலனுக்காக ஏற்படுத்தப்பட்ட இந்த திட்டத்திற்கு எதிராக சில இடங்களில் ஆர்பாட்டம் செய்கின்றனர். ஆனால் அவர்கள் இளைஞர்கள் கிடையாது, என்று எல்.முருகன் தெரிவித்துள்ளார். புதுச்சேரி மாநில பாராளுமன்ற தேர்தல் பொருப்பாளராக பாஜக சார்பில் நியமிக்கப்பட்ட மத்திய இணை அமைச்சர் எல்.முருகன் பாஜக மாநிலத் தலைமை அலுவலகத்தில் கட்சி நிர்வாகிகளுடன் ஆலோசனை நடத்தினார்.

இதனைத்தொடர்ந்து செய்தியாளர்களைச் சந்தித்த எல்.முருகன், பாராளுமன்ற தேர்தல் வருவதையொட்டி அதனை பலப்படுத்தும் விதமாக ஜூலை 7, 8, மற்றும் 9ஆம் தேதிகளில் சுற்றுப்பயணம் மேற்கொள்ள இருப்பதாக தெரிவித்தார். மேலும் நாடு முழுவதும் சென்னை காசிமேடு, கொச்சி உட்பட 5 துறை முகங்கள் தேர்வு செய்யப்பட்டு சர்வதேச அளவிற்கு தரம் உயர்த்த நடவடிக்கை எடுத்து வருவதாக எல். முருகன் தெரிவித்தார். தொடர்ந்து பேசிய அவர், அக்னிபத் திட்டத்தின் மூலம் நிறைய இளைஞர்கள் ராணுவத்தில் கிடைப்பதற்கு வாய்ப்பாக இருக்கிறது.

அக்னிபத் திட்டத்தில் இணையும் இளைஞர்களுக்குச் சிறந்த பேக்கேஜ், தலைசிறந்த கல்வி நிறுவனத்தில் படிக்கக்கூடிய வாய்ப்பு ஏற்படுகிறது. அவர்களது அறிவுத் திறனை நன்கு மேம்படுத்தவும், வேலைவாய்ப்பு ஏற்படுத்தும் சூழலை இந்த திட்டம் உருவாக்குகிறது. இதில் இளைஞர் இணைந்து பணிபுரிய ஆர்வம் காட்டுகின்றனர். மக்கள் மத்தியில் அக்னிபத் குறித்து தவறாகத் திரிக்கப்பட்டுள்ளது. பல ராணுவ உயர் அதிகாரிகள் மூலம், பல மட்டங்களில் கலந்து ஆலோசிக்கப்பட்டது. அனைத்து தரப்பிலும் பேசி தீர்க்கமான முடிவு எடுக்கப்பட்டுள்ளது.

இளைஞர்களில் நலனுக்காக ஏற்படுத்தப்பட்ட இந்த திட்டத்திற்கு எதிராக சில இடங்களில் ஆர்ப்பாட்டம் என்கின்றனர். ஆனால் அவர்கள் இளைஞர்கள் கிடையாது, என்றார். இந்த திட்டத்திற்கு பாஜக ஆளும் மாநிலங்களில் வலுவான எதிர்ப்பு வருகிறது என்று பத்திரிக்கையாளர் எழுப்பிய கேள்விக்குப் பதிலளித்த அவர், "திட்டமிட்டுத் தூண்டப்படும் எதிர்ப்பானது அப்படித்தான் இருக்கும்," என்று தெரிவித்தார். மேலும், அதிமுக ஒற்றை தலைமை விவகாரம் குறித்து பத்திரிக்கையாளர் எழுப்பிய கேள்வி பதிலளித்த அவர், அது அதிமுக உள்கட்சி விவகாரம் என்பதால் அதுகுறித்து கருத்து கூற இயலாது," என எல்.முருகன் தெரிவித்துள்ளார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண