”அதிமுக கூட்டத்தில் அடிதடி” முன்னாள் அமைச்சர்கள் முன்னிலையிலேயே மோதல்..!
மதுரையில் நடைபெற்ற அதிமுக கள ஆய்வு கூட்டத்தில் நிர்வாகிகள் மத்தியில் மோதல் ஏற்பட்டதால் அங்கு பரபரப்பான சூழல் நிலவி வருகிறது. அதிமுக துணைப் பொதுச்செயலாளர் நத்தம் விஸ்வநாதன் தலைமையில் நடைபெற்ற கள ஆய்வு கூட்டத்தில் முன்னாள் அமைச்சரும் மாவட்ட செயலாளருமான செல்லூர் ராஜூ உள்ளிட்டோர் பங்கேற்றனர்.
இந்நிலையில், கோஷ்டியாக பிரிந்து வந்த அதிமுகவினர் இருவருக்கும் முன்னிலையிலேயே வாக்குவாதத்தில் தொடங்கி, கைக்கலப்புக்கு சென்று அடிததடி வரை சென்றது மதுரை அதிமுகவில் சலசலப்பை ஏற்படுத்தியுள்ளது. ஏற்கனவே, ஆர்.பி உதயகுமார், செல்லூர் ராஜூ அங்கு இரு அணிகளாக பிரிந்து செயல்பட்டு வரும் நிலையில் கள ஆய்வு கூட்டத்திலேயே கோஷ்டி பூசல் வெடித்து மோதலுக்கு வித்திட்டுள்ளது.
ஏற்கனவே, நெல்லை, கும்பகோணத்தில் நடைபெற்ற கள ஆய்வு கூட்டத்தில் மோதல் வெடித்த நிலையில், மதுரையில் அதே மாதிரியான மோதல் ஏற்பட்டுள்ளது அதிமுக நிர்வாகிகள் மத்தியில் அதிருப்தியை ஏற்படுத்தியுள்ளது
தலைப்பு செய்திகள்
ட்ரெண்டிங் செய்திகள்
