இப்போ எப்படி திருடுவீங்கனு பார்த்திடுவோம் - திருடர்களுக்கு செக் வைக்கும் காவல்துறை...!

Mayiladuthurai : நகை மற்றும் அடகு கடைகளில் பழைய லாக்கர்களை மாற்றி புதிய வகை கோத்ரேஜ் லாக்கர் உடனடியாக பொருத்த வேண்டும் என காவல்துறை அறிவுத்தியுள்ளனர்‌.

காவல்துறையினர் நகைக்கடை காரர்கள் ஆலோசனை கூட்டம்

Source : ABP

நகை மற்றும் அடகு கடைகளில் பழைய லாக்கர்களை மாற்றி புதிய வகை கோத்ரேஜ் லாக்கர் உடனடியாக பொருத்த வேண்டும் என காவல்துறை அறிவுத்தியுள்ளனர்‌.

தொடரும் திருட்டு சம்பவங்கள் 

தமிழகத்தில் நாள்தோறும் திருட்டு, கொள்ளை சம்பவங்கள் அரங்கேறி வருவது தொடர் கதையாக இருந்து வருகிறது. இதனை தடுக்க காவல்துறையினர் தரப்பில் இருந்து பல்வேறு நடவடிக்கைகளை மேற்கொண்டு வந்தாலும், காவல்துறையினர் கண்களில் மண்ணைத் தூவும் விதமாக திருட்டு சம்பவங்கள் தொடர்ந்து வருகிறது. இதனால் நாள்தோறும் பல்வேறு நடவடிக்கைகளை மேற்கொண்டு குற்ற சம்பவங்களை குறைக்க காவல்துறையினர் முயன்று வருகின்றனர்.

இதையும் படிங்க : AI Chatbots: AI சாட்போட்ஸ்..! சொல்லக்கூடாத, கேட்கக்கூடாத விஷயங்கள் - தவறினால் உடைமைக்கும், உயிருக்கும் ஆபத்து..!

நகை கடைகாரர்களுடன் காவலர்கள் ஆலோசனை 

அதன் ஒரு நிகழ்வாக மயிலாடுதுறை மாவட்டம் சீர்காழி காவல்துறை கண்காணிப்பாளர் அலுவலகத்தில் நகைக்கடை உரிமையாளர்கள் மற்றும் அடகு கடை உரிமையாளர்களின் பாதுகாப்பு சம்பந்தமான அறிவுறுத்தல்களை கடைபிடிக்க வேண்டிய ஆலோசனைக் கூட்டம் நடைபெற்றது.

இதையும் படிங்க: Bharat Mobility Global Expo 2025: 6 நாட்கள், 14 நிறுவனங்கள், பாரத் மொபிலிட்டி எக்ஸ்போ, எங்கு? எப்போது? முன்பதிவு எப்படி?

டிஎஸ்பி அறிவுறுத்தல் 

கூட்டத்தில் சீர்காழி காவல் துணை கண்காணிப்பாளர் ராஜ்குமார் பேசுகையில் கூறியதாவது; நகை மற்றும் அடகு கடைகளில் பாதுகாப்பு கருவி கண்டிப்பாக ஒன்றன்பின் ஒன்றாக இரண்டு கதவுகள் அமைக்க வேண்டும், நகை மற்றும் அடகு கடைகளில் கண்டிப்பாக உறுதியான ஸ்ட்ராங் ரூம் அமைத்து பொருட்களை பாதுகாப்பாக வைத்திருக்க வேண்டும். எச்சரிக்கை அலாரம் அமைத்திருக்க வேண்டும், அடகு கடைகளில் பழைய லாக்கர்களின் மாற்றி புதிய வகை கோத்ரேஜ் லாக்கர் உடனடியாக பொருத்தப்பட வேண்டும். 

பல்வேறு நடவடிக்கைகள் 

தனியாக காவலாளியை நியமித்து கண்காணிக்க வேண்டும், கடையில் பணியாற்றும் நபர்களின் முழு விவரங்களையும் உறுதிப்படுத்தி காவல் நிலையத்திற்கு ஒரு நகல் வழங்க வேண்டும், கடையின் உள்ளே வருபவர்கள் கேமராவில் பதிவு செய்யும் வகையில் நான்கு பக்கங்களிலும் தொடர்ந்து தானாகவே பதிவு செய்து கொண்டிருக்க கூடிய வீடியோ கேமராக்களை பொருத்த வேண்டும், கடையில் கொள்ளையர்கள் நுழைந்து குற்ற செயல்களில் செயல்களில் ஈடுபடும் பட்சத்தில் பொதுமக்களின் கவனத்தை ஈர்க்கும் வகையில் சத்தமாக ஒலியட்பக் கூடிய கருவிகளை பொருத்த வேண்டும் உள்ளிட்ட ஆலோசனைகளை வழங்கி இவைகளை உடனடியாக கடை உரிமையாளர்கள் பின்பற்ற வேண்டும் என அறிவுறுத்தினார்.

இந்த கூட்டத்தில் சீர்காழி, கொள்ளிடம், பூம்புகார், திருவெண்காடு, புதுப்பட்டினம் உள்ளிட்ட பல்வேறு பகுதிகளை சேர்ந்த சுமார் நூற்றுக்கு மேற்பட்ட நகை மற்றும் அடகு கடை உரிமையாளர்கள் பங்கேற்றனர்.