Track Alagar: சித்திரைத் திருவிழா: கள்ளழகர் இருக்கும் இடத்தை தெரிந்துகொள்ள “மதுரை காவலன்” செயலி!

“ஸ்பாட்டர்ஸ்” எனப்படும் குற்றங்களை கட்டுப்படுத்துவதில் அனுபவமிக்க காவல்துறையினர் மஃப்டியில் மக்களோடு மக்களாகக் கலந்து பாதுகாப்பு வழங்க உள்ளனர்.

டிராக்_அழகர்_-_track_alagar_app

கொரோனா பரவல் காரணமாக இரு ஆண்டுகளாக பக்தர்கள் அனுமதியின்றி நடைபெற்ற விழாவானது இந்த ஆண்டு பக்தர்கள் அனுமதியுடன் நடைபெற்ற உள்ளது மதுரை மக்களுக்கு மிகுந்த மகிழ்ச்சியை அளித்துள்ளது. சித்திரை திருவிழாவின் முக்கிய நிகழ்வாக வரும் 12ஆம் தேதி பட்டாபிஷேகமும், 14ஆம் மினாட்சி சுந்தரேசுவரர் திருக்கல்யாணமும், 15ஆம் தேதி தேரோட்டமும், 16ஆம் தேதி கள்ளழகர் வைகை ஆற்றில் எழுந்தருளல் நிகழ்ச்சிகளும் நடைபெற உள்ளது.  சித்திரை திருவிழாவின்போது மதுரை மக்களின் நலன் கருதி மதுரை காவலன் என்ற செயலியில் உள்ள Track Alagar என்ற வசதி ஏற்படுத்தப்பட்டுள்ளது. 

#Abpnadu | சித்திரை திருவிழாவின்போது மதுரை மக்களின் நலன் கருதி மதுரை காவலன் என்ற செயலியில் உள்ள Track Alagar என்ற வசதி ஏற்படுத்தப்பட்டுள்ளது. Further reports to follow - @abpnadu | @SRajaJourno | #maduraipolice | #MaduraiChithiraiFestival2022 | #alagar | #trackalagar pic.twitter.com/lebRDAiXDZ

— Arunchinna (@iamarunchinna) April 9, 2022

 

இது குறித்து  மதுரை மாவட்ட காவல்துறை எஸ்.பி பாஸ்கரன் செய்தியாளர்களிடம் கூறும் போது, “மதுரை மாவட்ட மக்களின் பாதுகாப்பு வசதிக்காக  “மதுரை காவலன்” என்ற செயலி அறிமுகப்படுத்தப்பட்டு ஏற்கனவே நடைமுறையிலுள்ளது. இந்நிலையில், சித்திரை திருவிழாவின் போது இச்செயலியின் உள்ளே Track Alagar என்ற வசதி ஏற்படுத்தப்பட்டுள்ளது. இதன் மூலம் வரும் 14ம் தேதி வைகை ஆற்றில் இறங்குவதற்காகக் கள்ளழகர், அழகர் மலையிலிருந்து புறப்பட்டு மீண்டும் அழகர் கோவில் செல்லும்வரை, கள்ளழகர் எந்த வழித்தடத்தின் வழியாகச் செல்கிறார், எந்த இடத்தில் இருக்கிறார் என்பதை தங்கள் செல்போனில் Map உதவியுடன் தெரிந்து கொள்ளலாம். 

இதனால், எந்தவிதமான இடையூறும் இல்லாமல் குறித்த நேரத்தில் கள்ளழகரை தரிசிக்க முடியும். மேலும் போக்குவரத்து நெரிசலைத் தவிர்த்து, கள்ளழகரை தரிசிக்க இந்த வசதி பயன்படும். கள்ளழகர் இருக்கும் இடம் பத்து நொடிகளுக்கு ஒருமுறை செயலியில் புதுப்பிக்கப்படும். இன்டர்நெட் வேகம் குறையும் பட்சத்தில் “மதுரை காவலன்” செயலியில் எழுத்து வடிவில் தமிழ் அல்லது ஆங்கில மொழிகளில் கள்ளழகர் இருக்கும் இடத்தை தெரிந்துகொள்ளும் வசதியும் உள்ளது.

கள்ளழகர் வருகையினை முன்னிட்டு அழகர் கோயிலிருந்து மதுரை மாநகர் வரை உரிய பாதுகாப்பு ஏற்பாடுகள் செய்யப்பட்டுள்ளது. இந்த பாதுகாப்புப் பணிக்கு சுமார் 1000 காவலர்கள் ஈடுபடுத்தப்பட உள்ளனர். கள்ளழகர் வைகை ஆற்றை அடைந்து மீண்டும் அழகர் மழைக்கு திரும்பும் வரை பொதுமக்களின் பாதுகாப்பிற்காகப் பலத்த காவல்துறை பாதுகாப்பு போடப்பட்டுள்ளது. மேலும், “ஸ்பாட்டர்ஸ்” எனப்படும் குற்றங்களை கட்டுப்படுத்துவதில் அனுபவமிக்க காவல்துறையினர் மப்டியில் மக்களோடு மக்களாகக் கலந்து பாதுகாப்பு வழங்க உள்ளனர். ஒவ்வொரு மண்டபப்படிகளிலும் பீட் காவல்துறையினர் பாதுகாப்பிற்காக நிறுத்தப்பட உள்ளனர்” என்றார்.

 

இதை படிக்க மிஸ் பண்ணாதீங்க பாஸ் - சித்திரை திருவிழாவில் அமைச்சராக இருந்தாலும் அனுமதி சீட்டு இல்லை என்றால் அனுமதிக்க கூடாது - பிடிஆர் பழனிவேல் தியாகராஜன்