NIA Raid: தேனி, திண்டுக்கல் மாவட்டத்தில் என்.ஐ.ஏ சோதனை - இருவர் கைது
தேனி, திண்டுக்கல் மாவட்டத்தில் உள்ள பாப்புலர் ஃப்ரண்ட் ஆஃப் இந்தியாவின் நிர்வாகிகள் வீட்டில் என்.ஐ.ஏ சோதனை இருவர் கைது.
தேனி மாவட்டம் கம்பம் நகரில் கம்பம்மெட்டு சாலையில் உள்ள எஸ்.டி.பி.ஐ கட்சியின் மாவட்ட பொது செயலாளர் சாதிக் அலி வீட்டில் என்.ஐ.ஏ அதிகாரிகள் திடீர் சோதனை மேற்கொண்டனர். நீண்ட நேர சோதனைக்கு பின் சாதிக் அலியை NIA அதிகாரிகள் விசாரணைக்கு அழைத்து சென்றனர்.அப்போது சாதிக் அலியின் உறவினர்கள் NIA அதிகாரிகளின் வாகனம் முன் முற்றுகையிட்டு கோஷம் எழுப்பினர். இந்த சோதனையின் போது கூடலூர் காவல் ஆய்வாளர் பிச்சை பாண்டி தலைமையில் இருபதுக்கும் மேற்பட்ட போலீசார் பாதுகாப்பு பணியில் ஈடுபட்டனர். இந்த சோதனையின் போது சில ஆவணங்கள் கைபற்றபட்டதாக தகவல் தெரிவிக்கின்றன. அதிகாலை திடீரென தேசிய புலனாய்வு முகமை மற்றும் போலீசார் ஆய்வு மேற்கொண்டது அந்த பகுதியில் பரபரப்பை ஏற்படுத்தியது.
இதேபோல திண்டுக்கல் மாவட்டம் பழனியில் ,பாப்புலர் ஃப்ரண்ட் ஆஃப் இந்தியாவின் முன்னாள் மதுரை மண்டல தலைவர் முகமது கைசரை வீட்டில் இருந்து என்.ஐ ஏ.அதிகாரிகள் கைது செய்து அழைத்து சென்றனர்.
திண்டுக்கல் மாவட்டம் பழனி நேதாஜி நகரை சேர்ந்தவர் முகமது கைசர் (50). பழனியில் டீக்கடை நடத்திவரும் முகமதுகைசர் தடைசெய்யப்பட்ட பாப்புலர் ஃப்ரண்ட் ஆஃப் இந்தியாவின் மதுரை மண்டல தலைவராக உள்ளார். இந்நிலையில் கடந்த ஜனவரி மாதம் 15 ம் தேதி அன்று டீக்கடையில் இருந்த முகமதுகைசரை (என்.ஐ.ஏ)தேசிய புலனாய்வு முகமையை சேர்ந்த அதிகாரிகள் பழனி நகர காவல்நிலையத்திற்கு அழைத்து சென்று மூன்று நாட்களாக விசாரணை நடத்திய நிலையில் எஸ்டிபிஐ கட்சியை சேர்ந்த சதாம் என்பவரிடமும் விசாரணை நடத்தினர்.
Shikhar Dhawan, IPL Record: சாதனை மேல் சாதனை.. ஐபிஎல் தொடரில் ஆதிக்கம் செலுத்தும் ஷிகர் தவான்...!
மேலும் பழனி சண்முகநதி அருகே உள்ள தக்வா பள்ளிவாசல் மற்றும் ஈத்கா மைதானம் ஆகிய பகுதிகளுக்கு அழைத்து சென்று விசாரணை நடத்தினர். டில்லியில் இருந்து வந்துள்ள 5 பேர் கொண்ட என்.ஐ.ஏ அதிகாரிகள் குழுவினர் ஜனவரி மாதம் விசாரணையில் தடைசெய்யபட்ட பாப்புலர் ப்ர்ண்ட் ஆஃப் இந்தியா மதுரை மண்டல தலைவர் முகமது கைசர், கட்சியின் உறுப்பினர்கள் சதாம், ஜியாவுல்ஹக் மற்றும் கேம்பஸ் ஃப்ரண்ட் ஆஃப் இந்தியா அமைப்பை சேர்ந்த ஹபீப் ரகுமான் ஆகிய நால்வரிடம் ஜனவரி மாதம் விசாரணை நடத்திய நிலையில் என்ஐஏ அதிகாரிகள் பழனியில் மூன்று மாதங்களுக்கு பிறகு மீண்டும் முகமது கைசர் வீட்டில் என்.ஐ.ஏ அதிகாரிகள் இரண்டு மணி நேர சோதனைக்கு பின் முகமது கைசரை கைது செய்து சென்னைக்கு அழைத்து சென்ற சம்பவம் பரபரப்பை ஏற்படுத்தியுள்ளது.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
