E-Sevai Maiyam: மாற்றுத்திறனாளிகளே... நீங்களும் இ - சேவை மையம் அமைக்கலாம்: விண்ணப்பிப்பது எப்படி? முழு விவரம்!

E-Sevai Maiyam: மதுரையில் தனியார் இ-சேவை மையம் அமைக்க மாற்றுத்திறனாளிகள் விண்ணப்பிக்கலாம் என மாவட்ட ஆட்சியர் தெரிவித்துள்ளார்.

இ-சேவை மையம் (கோப்புப்படம்)

மதுரையில் தனியார் இ-சேவை மையம் அமைக்க மாற்றுத்திறனாளிகள் விண்ணப்பிக்கலாம் என மாவட்ட ஆட்சியர் தெரிவித்துள்ளார்.

மாற்றுத்திறனாளிகளின் வாழ்வாதாரத்தை உயர்த்தும் வகையில்  மதுரையில் வருவாய் கிராமங்கள் தோறும் தனியார் இ-சேவை மையம் அமைக்க உரிமம் வழங்கப்படும் என்று தெரிவிக்கப்பட்டுள்ளது.

இதற்கு மதுரையைச் சேர்ந்த மாற்றுத்திறனாளிகள் http://www.tnesevai.tn.gov.in/ - என்ற இணையதளத்தில் விண்ணப்பிக்கலாம். 

என்னென்ன தகுதிகள்:

• விண்ணப்பதாரர்கள் தமிழ்நாடு மின் ஆளுமை முகமை வழங்கும் ப்ரீபெய்ட் இ-வாலட் மாதிரி (Prepaid ewallet model), ஆதார் பயோமெட்ரிக் உள்நுழைவு, போன்ற வழிகாட்டுதல்களைபூர்த்தி செய்ய வேண்டும். 
• விண்ணப்பதாரர்கள் 12-ம் வகுப்பில் தேர்ச்சி பெற்றதுடன், கணினி பயன்படுத்த தெரிந்திருக்க வேண்டும். 
• தமிழ் மற்றும் ஆங்கிலம் மொழி படிக்க, எழுதவும் தெரிந்திருக்க வேண்டும்.
• 100 சதுர மீட்டர் பரப்பளவு கொண்ட இசேவை மைய கட்டடத்தில் கணினி பிரிண்டர், எப்கேனர்,மற்றும் பயோமெட்ரிக் கருவிகள் கட்டாயம் இருக்க வேண்டும். 
• குறைந்தபட்சம் 2 Mbps, அதிவேசு அலைவரிசையுடன் தொடர்ச்சியான, தடையற்ற இன்டர்நெட் இணைப்பு இருக்க வேண்டும். 
• தமிழ்நாடு மின் ஆளுமை முகமையால் ஏற்றுக் கொள்ளப்பட்ட இடத்தில் இ-சேவை மையம் இருக்க வேண்டும்.
• தேர்வு செய்யப்படும் மாற்றுத்திறனாளி ஆப்ரேட்டர்களுக்கு ஐ.டி., எண் பற்றும் பயிற்சி அளிக்கப்பட்டு இ - சேவை மையம் அமைக்க உரியம் வழங்கப்படும். 
• தகுதியான மாற்றுத்திறனாளிகளுக்கு வங்கிகளில் சுய வேலைவாய்ப்புக்கடன் பெறுவதற்கு பரிந்துரை செய்யப்படும்.
• மதுரை மாவட்டத்தில் படித்த கணினி பயிற்சி பெற்றுள்ள மாற்றுத்திறனாளிகள்  இணையதளத்தில் விண்ணப்பித்து இ-சேவை மையம் அமைத்து வருமானம் ஈட்டி பயன்பெறலாம்.

விண்ணப்பிக்க கடைசி தேதி- 30.06.2023

---

மேலும் வாசிக்க..