திண்டுக்கல் : 350 ஆண்டுகள் பழமை வாய்ந்த கோயிலில் விடிய விடிய அசைவ அன்னதானம்.. அப்படி என்னங்க சிறப்பு?
விடிய விடிய அசைவ அன்னதானம்.. 350 ஆண்டுகள் பழமை வாய்ந்த கோயில் திருவிழாவை முன்னிட்டு 2 லட்சம் பேர் உணவருந்தும் நிகழ்வு நடைபெற்றது.
திண்டுக்கல் மலைக்கோட்டையின் பின்புறமாக அமைந்துள்ள கிராமம் முத்தழகுப்பட்டி. இங்கு புனித செபஸ்தியார் ஆலயம் உள்ளது. இந்த ஆலயம் 350 ஆண்டுகள் பழமையானது. புனித செபஸ்தியார் ஆலயத்தில் வருடந்தோறும் ஆடி மாதத்தில் மூன்று நாட்கள் திருவிழா நடைபெறும். கடந்த 30- ம் தேதி கொடியேற்றத்துடன் துவங்கிய திருவிழாவின் முக்கிய நிகழ்வாக இன்று பல்வேறு பகுதிகளிலிருந்து வரக்கூடிய லட்சக்கணக்கான மக்களுக்கு விடிய விடிய அசைவ அன்னதானம் வழங்கும் நடைபெற்றது.
அதற்கு முன்னதாக அன்னதானத்திற்கு தேவைப்படும் பொருட்களை பொதுமக்கள் காணிக்கையாக வழங்குவர். இந்தாண்டு ஆயிரத்திற்கும் மேற்பட்ட ஆடுகள் மற்றும் 2000-க்கும் மேற்பட்ட கோழிகள், 500 கிலோ தக்காளி ஆயிரம் கிலோ கத்திரிக்காய் 300 கிலோ இஞ்சி பூண்டு 500 கிலோ சின்ன வெங்காயம் தேவைக்கேற்ப கிலோ கணக்கில் மசாலா பொருட்கள் காணிக்கையாக வழங்கப்பட்டுள்ளது. இந்த உணவு சமைக்கும் பணியில் ஊர் பொதுமக்கள், மகளிர் சங்கங்கள் என நூற்றுக்கணக்கானோர் ஈடுபட்டனர்.
மேலும் ஆடு மற்றும் கோழிகளை ஒன்றாக சமைக்கக்கூடிய இன்று இரவு முழுவதும் விடிய விடிய இந்த அசைவ அன்னதான விருந்தானது நடைபெற்றது. இதில் திண்டுக்கல் மாவட்டம் முழுவதும் இருந்து லட்சக்கணக்கான இறைமக்கள் வருகை புரிந்து காத்திருந்து அன்னதானத்தில் பங்கேற்று வருகின்றனர். மேலும் இந்த திருவிழாவில் முக்கிய நிகழ்வுகளில் ஒன்றான குழந்தைகள் ஏலத்தில் விடும் நிகழ்வானது நடைபெற்றது . குழந்தை வரம் வேண்டி நேர்த்திக்கடன் வைத்தவர்கள் குழந்தை பாக்கியம் பெற்ற பின் அந்த குழந்தையை கோவிலில் ஒப்படைத்து ஏலத்தில் விட்டு அக்குழந்தையை அவர்களே ஏலத்தில் எடுத்துச் செல்வது வழக்கமாக நடைபெற்று வருகிறது . இன்று நடந்த குழந்தைகள் ஏலம் அதிகபட்சமாக 600 ரூபாய்க்கு ஏலம் கேட்கப்பட்டது.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/abpnaduofficial என்ற இணைப்பை க்ளிக் செய்யவும்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
and tablets
