ஆயுத பூஜை எதிரொலி: தேனியில் உச்சம் தொட்ட பூக்கள் விலை... மல்லி கிலோ ரூ. 1500 க்கு மேல் விற்பனை..!

ஆயுத பூஜை , சரஸ்வதி பூஜை , விஜய தசமி நாட்கள் எதிரொலி ஒரே நாளில் உச்சம் தொட்ட பூக்களின் விலை. மல்லி பூ கிலோவிற்கு 1500 ருபாய்க்கு மேல் வரை விலையேற்றம்.

பூக்கள் விலை நிலவரம்

தமிழக, கேரள எல்லை இரு மாநிலத்தை இணைக்கும் எல்லை மாவட்டமாக தேனி மாவட்டம் உள்ளது. இந்த மாவட்டத்தில் உள்ள பூ மார்க்கெட்டுகளிலிருந்து அதிகமாக கேரள மாநிலத்தில் உள்ள குமுளி, கட்டப்பனை, வண்டிபெரியார் உள்ளிட்ட பகுதிகளுக்கு அதிகளவில் பூக்கள் ஏற்றுமதி செய்யப்பட்டு வருகிறது.

தேனி மாவட்டம் கம்பம், சீலையம்பட்டி பகுதியில் உள்ள பூ மார்க்கெட்டுகளில் கடந்த ஒரு மாத காலமாக பூக்களின் விலை மந்தமாக இருந்த நிலையில் ஆயுத பூஜை, சரஸ்வதி பூஜை, விஜயதசமி மற்றும் தொடர் சுப முகூர்த்த தினங்கள் நடைபெறுவதாலும் பூ மார்க்கெட்டுகளில் பூக்களின் விலையேற்றம் உச்சம் தொட்டுள்ளது.

தேனி மாவட்டத்தில் சின்னமனூர், ஆண்டிபட்டி, பூமலைக்குண்டு, வயல்பட்டி, கொடுவிலார்பட்டி, சீலையம்பட்டி உள்ளிட்ட பகுதிகளில் பூக்கள் விவசாயம் பரவலாக நடந்து வருகிறது. இதில் மல்லிகை, முல்லை, ஜாதி, சம்மங்கி, கோழிக்கொண்டை, அரளி, சாமந்தி உள்ளிட்ட பூக்கள் வகை விவசாயம் நடந்து வருகிறது. இப்பகுதிகளில் விளையும் பூக்கள் தேனி பூ மார்க்கெட்டிற்கு கொண்டு வரப்பட்டு மொத்தமாகவும், சில்லறையாகவும் விற்பனை செய்யப்படுகிறது.

இதில் கேரள மாநிலத்திற்கு ஏற்றுமதியாகும் பூக்கள் கம்பம் பூ மார்க்கெட்டிற்கு கொண்டு வரப்படும். பரவலாக கேரள மாநிலத்திற்கு கம்பம் பகுதியில் இருந்தே பூக்கள் ஏற்றுமதி செய்யப்படுவது குறிப்பிடத்தக்கது. தற்போது தொடர்ச்சியாக சுப முகூர்த்த நாட்கள் வருவதாலும், கம்பம் பள்ளத்தாக்கில் மல்லிகை பூ கிலோ ஒன்றுக்கு ரூ.1100 முதல் 1500க்கு மேல் விற்பனை செய்யப்படுகிறது. அதேபோல முல்லை பூ கிலோவிற்கு 1500 ரூபாயும், ஜாதி பூ கிலோவிற்கு 1000 ரூபாயும், பட்டன் ரோஸ் கிலோவிற்கு 500 ரூபாயும், செவ்வரளி கிலோ 500 ரூபாயும், செவ்வந்தி கிலோ 1500 ரூபாயும், பன்னீர் ரோஸ் கிலோ 350, சென்ற மாதம் குறைந்த அளவில் விலையுடன் விற்பனையாகி வந்த பூக்களின் விலை இன்று ஒரே நாளில் உச்சம் தொட்டதால் விவசாயிகள் மகிழ்ச்சி அடைந்துள்ளனர்.