மதுரை - நத்தம் பறக்கும் பாலத்தின் 188 தூண்களிலும், கலை வெளிப்பாடுகள் இடம்பெறும் - எம்.பி சு.வெங்கடேசன்

பாலத்தின் தூண்களில் தமிழ்நாடு மற்றும் மதுரையின் பண்பாட்டு பெருமையை விளக்கும் கலைப்படைப்புகள் 188 தூண்களில் இடம்பெற உள்ளதாக தெரிவித்தார் மதுரை எம்.பி

மதுரை எம்.பி சு.வெங்கடேசன்

மதுரை-நத்தம் பறக்கும் பாலத்தின் 188 தூண்களிலும் தமிழ்நாடு- மதுரையின் கலை வெளிப்பாடுகள் இடம்பெற உள்ளது என மதுரையில் பாலப்பணிகளை ஆய்வு செய்த எம்.பி., சு.வெங்கடேசன் செய்தியாளர்களுக்கு பேட்டி..

 

தேசிய நெடுஞ்சாலைத்துறை ஆணையம், மத்திய அரசின் பாரத் மாலா திட்டத்தின் கீழ் மதுரை தல்லாகுளம் பகுதியில் இருந்து நத்தம் வரை 35 கிலோமீட்டருக்கு 1,028 கோடி ரூபாயில் நான்குவழிச் சாலையாக விரிவாக்கம் செய்யும் பணி கடந்த 2018ம் ஆண்டு செப்டம்பர் மாதம் தொடங்கியது. இதற்காக மதுரை பாண்டியன் ஓட்டலில் இருந்து ஊமச்சிகுளம் இடையேயான 7.3 கிமீ தூரத்திற்கு பறக்கும் மேம்பாலம் அமைக்கப்பட்டு வருகிறது.  பறக்கும் பாலப்பணி 2018 நவம்பரில் துவங்கிய நிலையில், 2 ஆண்டுகளில் முடிக்க வேண்டிய இப்பணி கொரானா காரணமாக 4 ஆண்டுகளாக நடந்து வருகிறது.  மொத்தம் பறக்கும் பாலத்திற்காக192 தூண்கள் அமைக்கப்பட்டுள்ளன. தற்போது இந்த தூண்களை அழகு படுத்தும் விதமாக மதுரையின் அடையாளமாக திகழும் மதுரை மீனாட்சியம்மன், வைகை ஆற்றில் தங்கக்குதிரையோடு எழுந்தருளும் அழகர் போன்வற்றின் சிலைகள் அமைக்கப்பட்டு வருவதோடு, ஜல்லிக்கட்டு, திருவள்ளுவர் ஒவியங்களும் வரையப்பட்டு வருகின்றன. தூண்களில் சுவரொட்டிகள் ஒட்டுவதை தவிர்க்கும் விதமாக இத்தகைய பணி மேற்கொள்ளப்பட்டு வருகிறது.

 

 

இந்த நிலையில் மதுரை கலைஞர் நூலகப்பகுதியில் இருந்து செட்டிகுளம் வரையிலான 7 கிலோமீட்டர் தூரத்தில் உள்ள 188 தூண்களில் நடைபெற உள்ள கலை வேலைப்பாடுகள் குறித்து மதுரை நாடாளுமன்ற உறுப்பினர் சு.வெங்கடேசன் தேசிய நெடுஞ்சாலைத்துறை அதிகாரிகளுடன் ஆலோசனை செய்து ஆய்வு மேற்கொண்டார்.

 

பாலத்தின் அனைத்து தூண்களின் நாற்புறத்திலும் தமிழ்நாடு மற்றும் மதுரையின் பெருமை விளக்கும் கலைநயமிக்க சிலைகள் மற்றும் ஒவியங்கள் அமைக்கப்பட உள்ளது குறித்து கேட்டறிந்தார். குறிப்பாக தமிழ்நாடு மற்றும் மதுரையின் பண்பாட்டு கலைப்படைப்புகள் இடம்பெற வேண்டும் என அதிகாரிகளிடம் தெரிவித்தார்.

 

தொடர்ந்து செய்தியாளர்களிடம் பேசுகையில், “மதுரை-நத்தம் பறக்கும் பால பணிகள் முடிந்துவிட்டன. விரைவில் மத்திய அமைச்சர்கள் பாலத்தை திறந்து வைக்க உள்ளனர். பாலத்தின் தூண்களில் தமிழ்நாடு மற்றும் மதுரையின் பண்பாட்டு பெருமையை விளக்கும் கலைப்படைப்புகள் 188 தூண்களில் இடம்பெற உள்ளது” என தெரிவித்தார்.

 

மேலும் செய்திகள் படிக்க - watch video: கொளுத்தும் வெயிலை சமாளிக்க அழகர்கோயில் யானைக்கு குளு, குளு குளியல் தொட்டி

 

 

இதைப் படிக்க மிஸ் பண்ணாதீங்க பாஸ் - 30 ஆயிரம் முதலீடு செஞ்சா ஒரு பவுன் தங்க காசு , ரூ. 7500 லாப பணம் - மோசடி கும்பலிடம் சிக்கியவர்கள் வேதனை !

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண