தென்காசி : மாப்பொடி, மஞ்சள்.. உலக நன்மைக்காக வேண்டி நடத்தப்பட்ட ஆற்றுத்திருமுழுக்கு ஆரத்தி விழா நிகழ்வு..

உலக நன்மைக்காக வேண்டி நடத்தப்பட்ட ஆற்றுத்திருமுழுக்கு ஆரத்தி விழாவில் ஏராளமான பக்தர்கள் கலந்துகொண்டார்கள்

ஆரத்தி விழா

தென்காசி மாவட்டம் கடையநல்லூரில் உள்ள சொக்கம்பட்டி அருகே உள்ள மேற்கு தொடர்ச்சி மலை அடிவாரத்தில் அமைந்துள்ள பெரியசாமி அய்யனார் கோயிலில் உலக நன்மைக்காக ஸ்ரீ முண்டக கண்ணி அம்மன் சக்தி பீடம் அறக்கட்டளை சார்பிலும், மெய்த்தவப் பொற்சபை சார்பிலும் ஆற்றுத் திருமுழுக்கு ஆரத்தி விழா நடைபெற்றது. இந்த விழாவில், ஆயிரக்கணக்கான பொதுமக்கள் கலந்து கொண்டு ஆற்றுத் திருமுழக்கு விழாவினை பரவசத்துடன் கண்டு களித்தனர்.

தென்காசி மாவட்டம் கடையநல்லூர் - சொக்கம்பட்டி அருகே உள்ள மேற்கு தொடர்ச்சி மலை அடிவாரத்தில் அமைந்துள்ள பெரியசாமி அய்யனார் கோவிலில் உலக நன்மைக்காக ஸ்ரீ முண்டககண்ணி அம்மன் சக்தி பீடம் அறக்கட்டளை ஏற்பாட்டில், மெய்த்தவப் பொற்சபை சார்பில் ஆற்றுத் திருமுழுக்கு ஆரத்தி விழா நடைபெற்றது. pic.twitter.com/eNUVJM9Yqa

— Arunchinna (@iamarunchinna) April 1, 2022

முன்னதாக, விழாவின் போது சிவாச்சாரியார்கள் மந்திரம் முழங்க பெரியசாமி அய்யனாருக்கு சிறப்பு பூஜைகள் நடைபெற்றது. அதனைத் தொடர்ந்து, கோவில் முன்பு உள்ள கருப்பாநதி ஆற்றுப்படித்துறையில், காசி கங்கை ஆற்றில் நடைபெறுவது போல, பல்வேறு மடத்தினை சேர்ந்த சிவாச்சாரியர்கள் முன்னிலையில் சங்கு சத்தங்கள் முழங்க பக்தவாக்கிய இசையுடன் சிறப்பு பூஜைகள் நடத்தப்பட்டு ஆற்றுத் திருமுழக்கு ஆரத்தி விழா வெகு சிறப்பாக கொண்டாடப்பட்டது.

#Abpnadu | தென்காசி மாவட்டம் கடையநல்லூரில் உலக நன்மைக்காக கருப்பாநதி நதிக்கரையில் ஆற்றுத் திருமுழுக்கு ஆரத்தி விழா நடைபெற்றது. இதில் நூற்றுக்கணக்கான பக்தர்கள் பங்கேற்று தரிசனம் செய்தனர்.
| Further reports to follow - @abpnadu | - @RevathiM92 | @NagarajanPT1 | @PMarisamy1 .... pic.twitter.com/IU9BEhXjdi

— Arunchinna (@iamarunchinna) April 1, 2022

இந்த விழாவில், உள்ளூர் பொதுமக்கள் மட்டுமல்லாது வெளிநாட்டை சேர்ந்தவர்களும், பல்வேறு அரசியல் கட்சி பிரமுகர்களும் கலந்து கொண்டனர்.

 

இது குறித்து பக்தர்கள் சிலர் கூறுகையில்..,’  உலக நன்மைக்காக ஆற்றுத்திருமுழுக்கு ஆரத்தி திருவிழா சிறப்பாக நடைபெற்றது. இதில் ஏராளமான பக்தர்கள் கலந்துகொண்டார்கள். கடையநல்லூரில் முதல்முறையாக திருமூலருக்கு ஆரத்தி திருவிழா நடைபெற்றுள்ளது. சாமி - அம்பாளை நதிக்கரையில் வைத்து மாப்பொடி, மஞ்சள், பால் உட்பட 16- வகையான சிறப்பு அபிஷேகம் நடைபெற்றது. இந்த விழா மிகச் சிறப்புடையதாக கருதப்படுகிறது” என்றனர்.

 

இதை படிக்க மிஸ் பண்ணாதீங்க பாஸ் - Madurai Chithirai Festival : சித்திரை திருவிழா முகூர்த்தக்கால் நடும் விழா நிகழ்வுடன், கோலாகலமாக தொடக்கம்..