Tamil Nadu Coronavirus LIVE News : தமிழ்நாட்டில் இன்று 17,321 பேருக்கு உறுதியான கொரோனா தொற்று.

தமிழ்நாடு மற்றும் இந்தியாவில் மேற்கொள்ளப்படும் கொரோனா நோய்த் தொற்று மேலாண்மை மற்றும் தடுப்பு நடவடிக்கைகள் குறித்த செய்திகளை உடனுக்குடன் இந்த லைவ் ப்ளாக்கில் தெரிந்து கொள்ளலாம்.

Background

Tamil Nadu Coronavirus Live News : தமிழ்நாட்டில் கொரோனா தொற்றால் கடந்த 24 மணி நேரத்தில் பாதிக்கப்பட்டவர்களின் எண்ணிக்கை 18,023 ஆக உள்ளது. இது, கடந்த 38 நாட்களில் மிகக்குறைவு.  தற்போது, மாநிலம் முழுவதும் 2,18,595 பேர் கொரோனா நோய்த் தொற்றுக்கு சிகிச்சைப் பெற்று வருகின்றனர். கடந்த 24 மணி நேரத்தில் 31,045 பேர் குணமடைந்தனர்.

தொடர்ந்து 12-ஆவது நாளாக தினசரி புதிய பாதிப்புகளை விட, குணமடைபவர்களின் எண்ணிக்கை அதிகரித்துள்ளது. 

19:37 PM (IST)  •  09 Jun 2021

தமிழ்நாட்டில் இன்று 17,321 பேருக்கு உறுதியான கொரோனா தொற்று.

தமிழ்நாட்டில் இன்று 17,321 பேருக்கு கொரோனா தொற்று உறுதியானது

17:29 PM (IST)  •  09 Jun 2021

உருமாறிய கொரோனாவுக்கு எதிரானதா கோவாக்சின்? ஆய்வு சொல்வது என்ன?

புதிய வகை உருமாறிய கொரோனா தொற்றான பி.1.617 டெல்டா மற்றும் பி.1.351 பீட்டாவுக்கு எதிரான நோய்த்தீவிரத் தன்மையின் தாக்கம் (titer for neutralizing antibodies) முறையே 3 மற்றும் 2.7 மடங்கு குறைந்து இருப்பது கண்டறியப்பட்டது.

13:48 PM (IST)  •  09 Jun 2021

கோவின் செயலியை தமிழில் மொழியாக்கம் செய்தமைக்கு நன்றி - எடப்பாடி பழனிசாமி

கோவின் செயலியில் தமிழ் மொழியை பயன்பாட்டு மொழியாக்கம் செய்தமைக்கு எடப்பாடி பழனிசாமி நன்றி தெரிவிதுள்ளார்

இதுகுறித்து, அவர் வெளியிட்ட ட்விட்டர் குறிப்பில், " கொரோனா துயர்துடைக்க நாட்டில் உள்ள 75% மக்களுக்கு உயிர் காக்கும்  தடுப்பூசியை இலவசமாக வழங்கியதற்கும், நவம்பர் மாதம் வரை  குடும்ப அட்டைதாரர்களுக்கு விலையில்லா உணவு தானியங்கள் வழங்கப்படும் என்று அறிவித்துள்ளமைக்கும், கோவின் செயலியில் தமிழ் மொழியை பயன்பாட்டு மொழியாக்கம்  செய்தமைக்கும் பிரதமர் மோடிக்கு எனது நன்றியினை தெரிவித்து கொள்கிறேன்" என்று பதிவிட்டார்.  

13:33 PM (IST)  •  09 Jun 2021

தமிழ்நாட்டில் கொரோனா தடுப்பூசி போட்டுக் கொள்ள மக்கள் தயக்கம் காட்டவில்லை - பிரதீப் கவுர்

தமிழ்நாட்டில் கொரோனா தடுப்பூசி போட்டுக் கொள்ள மக்கள் தயக்கம் காட்டவில்லை என ஐசிஎம்ஆர் தமிழகப் பிரிவு துணை இயக்குநர் பிரதீப் கவுர் தெரிவித்தார். 

கொரோனா தடுப்பூசி திட்டத்தில், தற்போது தமிழ்நாடு சந்திக்கும் மூன்று பிரச்சனைகளையும் அவர் பட்டியலிட்டார்.      

 தடுப்பூசி விநியோகத்தில் உள்ள தட்டுபாடுகள் 
 எங்க தடுப்பூசி டோஸ்கள் போடப்படுகிறது போன்ற முழுமயான தகவல்கள்  மக்களிடம் இல்லை, 
 தடுப்பூசி மையங்களுக்கு செல்ல முதியவர்கள் சிரமங்களை சந்திக்கின்றனர். 

12:59 PM (IST)  •  09 Jun 2021

தேவையில்லாமல் மக்கள் வெளியே நடமாடக்கூடாது - சென்னை உயர் நீதிமன்றம் உத்தரவு

ஊரடங்கிலிருந்து தளர்வு மட்டுமே அளிக்கப்பட்டுள்ள நிலையில், தேவையில்லாமல் வெளியில் வாகனங்களில் வரும் மற்றும் நடமாடும் நபர்களை கட்டுப்படுத்த வேண்டுமென தமிழ்நாடு அரசிற்கு சென்னை உயர் நீதிமன்றம் உத்தரவிட்டுள்ளது.