"நீங்கதான் எதிர்கால ஹீரோக்கள்" பாராட்டி தள்ளிய ராஜ்நாத் சிங்.. பூரித்து போன மாணவர்கள்!

இளைஞர்களின் மிகப்பெரிய பலம் அவர்களின் நம்பிக்கை என்றும், ஒவ்வொரு கஷ்டத்திலும் வாய்ப்பைப் பார்க்கும் ஆற்றலை அது வழங்குவதாகவும் பாதுகாப்பு அமைச்சர் ராஜ்நாத் சிங் கூறியுள்ளார்.

ராஜ்நாத் சிங்

Source : Twitter

2047ஆம் ஆண்டுக்குள் 'வளர்ச்சியடைந்த பாரதம் '  பயணத்தில், இளைஞர்கள் தங்கள் திறனைத் தழுவி, அவர்களின் அபிலாஷைகளை சீரமைக்க வேண்டும் என்று பாதுகாப்புத்துறை அமைச்சர் ராஜ்நாத் சிங் அழைப்பு விடுத்துள்ளார்.

உத்தரப் பிரதேசம் மீரட் ஐஐஎம்டி பல்கலைக்கழகத்தின் பட்டமளிப்பு விழாவில் பாதுகாப்புத்துறை அமைச்சர் உரையாற்றினார். இந்தியாவை வளர்ந்த நாடாக மாற்றுவதற்கான தேசிய உறுதியை நனவாக்குவதில் நாட்டின் இளைஞர்கள் தீர்க்கமான பங்கை ஆற்ற வேண்டும் என கோரிக்கை விடுத்தார். இளைஞர்களின் கனவுகள், அர்ப்பணிப்பு மற்றும் சிந்தனை ஆகியவை இந்தியாவுக்கு உலகில் ஒரு புதிய அடையாளத்தை வழங்கும், ஒரு நாட்டின் வலிமை அதன் இளைஞர்களின் அறிவு, திறன் மற்றும் உறுதியுடன் உள்ளது என்று கூறினார்.

"ஒவ்வொரு கஷ்டத்திலும் வாய்ப்பு இருக்கு"

‘ஒவ்வொரு யுகத்திற்கும் அதன் சொந்த ஹீரோக்கள் உண்டு’ என்ற பழமொழியை மேற்கோள் காட்டிய ராஜ்நாத் சிங், இளைஞர்களை நாட்டின் எதிர்கால ஹீரோக்கள் என்று வர்ணித்தார். இந்த நிகழ்ச்சியில் கலந்து கொண்ட மாணவர்களிடம், இளைஞர்களின் மிகப்பெரிய பலம் அவர்களின் நம்பிக்கை என்றும், ஒவ்வொரு கஷ்டத்திலும் வாய்ப்பைப் பார்க்கும் ஆற்றலை வழங்குவதாகவும் கூறினார்.

உலக அரங்கில் தேசத்தின் வளர்ந்து வரும் அந்தஸ்தை பாதுகாப்பு அமைச்சர் எடுத்துக்காட்டி, "இன்று, இந்தியா பேசும்போது, முழு உலகமும் கேட்கிறது" என்றார். இந்தியா தனது சொந்த மண்ணில் அதிநவீன பாதுகாப்பு உபகரணங்களை தயாரித்து மற்ற நாடுகளுக்கு ஏற்றுமதி செய்யும் வலுவான, பாதுகாப்பான மற்றும் தன்னம்பிக்கை தேசமாக மாறுவதற்கு மாபெரும் முன்னேற்றம் கண்டுள்ளது என்றும் அவர் கூறினார்.

மூன்றாவது பெரிய ஸ்டார்ட்-அப் மையமாக இந்தியா தனது இடத்தைப் பெற்றுள்ளது. மேலும் 100 யுனிகார்ன்களுடன், புதுமை மற்றும் தொழில்முனைவோரின் எதிர்காலத்தை வடிவமைத்து வருகிறது என்றும் அவர் கூறினார்.

மாணவர்களிடம் உரையாடிய பாதுகாப்பு அமைச்சர்:

நாட்டை மேலும் உயரத்திற்கு கொண்டு செல்லும் ஆற்றல் இளைஞர்களுக்கு உள்ளது என்பதை வலியுறுத்திய ராஜ்நாத் சிங், அரசின் முயற்சியால் நாட்டில் உருவாகியுள்ள வாய்ப்புகளை இளம் மனங்கள் சிறப்பாகப் பயன்படுத்திக்கொள்ள வேண்டும் என்று வலியுறுத்தினார். வாழ்க்கையில் எந்தவொரு சவால்களையும் சமாளிக்க கடவுள் நம்பிக்கை, ஒருவரின் சொந்த திறன்களில் நம்பிக்கை மற்றும் சிறந்த முடிவுகளுக்கான நம்பிக்கை ஆகிய மூன்று விஷயங்களை எப்போதும் நினைவில் கொள்ளுமாறு மாணவர்களை அவர் வலியுறுத்தினார்.

“இன்று, இந்தியா வலிமையான நாடுகளில் ஒன்றாக தன்னை நிலைநிறுத்திக் கொள்கிறது. நமது இளைஞர்கள் புதிய நம்பிக்கையுடனும் ஆற்றலுடனும் நாட்டைப் பிரதிநிதித்துவப்படுத்த முடியும். உங்களிடம் யோசனை மற்றும் திறமை இருந்தால், கடினமாக உழைக்கத் தயாராக இருந்தால், உங்களுக்கு வாய்ப்புகள் அல்லது வளங்களுக்குப் பஞ்சம் இருக்காது.

இன்று, இந்தியா மாற்றம், புதுமை இயக்கம் ஆகியவற்றைக் கண்டு வருகிறது. இது ஒரு தலைவர் மற்றும் பின்தொடர்பவரை வேறுபடுத்துவது புதுமை மற்றும் சுறுசுறுப்பு மற்றும் மாற்றத்திற்கான திறன்" என்று பாதுகாப்பு அமைச்சர் மாணவர்களிடம் கூறினார்.