Rajinikanth Health LIVE Updates : நண்பர் ரஜினி நலமுடன் இல்லம் திரும்ப விழைகிறேன் - முதலமைச்சர் ஸ்டாலின்
Rajinikanth Health Live Updates Kauvery Hospital: மருத்துவமனையில் அனுமதிக்கப்பட்டுள்ள நடிகர் ரஜினிகாந்தின் உடல்நிலை குறித்த தகவல்களை உடனுக்குடன் கீழே காணலாம்.
LIVE
Background
சென்னை, ஆழ்வார்பேட்டையில் உள்ள தனியார் மருத்துவமனையில் அனுமதிக்கப்பட்டுள்ள நடிகர் ரஜினிகாந்த் முழு உடல்நலத்துடன் உள்ளார் என்றும், வதந்திகளை நம்ப வேண்டாம் என்று ரஜினிகாந்த் ரசிகர் மன்ற நிர்வாகி சுதாகர் டுவிட்டரில் தகவல் தெரிவித்துள்ளார்.
தலைவர் நலமாக இருக்கின்றார் , வதந்திகளை நம்பவேண்டம்
— Sudhakar (@SudhakarVM) October 28, 2021
வழக்கமான மருத்துவ பரிசோதனைக்காக நடிகர் ரஜினிகாந்த் காவேரி மருத்துவமனையில் அனுமதிக்கப்பட்டுள்ளதாக அவரது மனைவி லதா ரஜினிகாந்த் தெரிவித்துள்ளார். சென்னை ஆழ்வார்ப்பேட்டையில் உள்ள காவேரி மருத்துவமனையில் நடிகர் ரஜினிகாந்த் அனுமதிக்கப்பட்டுள்ளார். இதையடுத்து லதா ரஜினிகாந்த்திடம் இது தொடர்பாக கேட்டபோது ரெகுலர் மாஸ்டர் செக்கப்பிற்காகவே காவிரி மருத்துவமனைக்கு ரஜினி வந்திருக்கிறார் என ABP நாடு செய்தி நிறுவனத்திற்கு லதா ரஜினிகாந்த் தொலைபேசி மூலம் தகவல் தெரிவித்துள்ளார். ரஜினிகாந்த் நலமாக இருக்கிறார் என்றும் லதா ரஜினிகாந்த் தெரிவித்துள்ளார். மேலும் ரஜினிக்கு ஒவ்வொரு ஆண்டும் முழு உடல் மருத்துவ பரிசோதனை செய்வது வழக்கம் என்றும் அவர் தெரிவித்துள்ளார்.
தாதா சாகேப் பால்கே விருதுபெற்ற நிலையில் டெல்லியிலிருந்து தமிழகம் திரும்பினர் நடிகர் ரஜினிகாந்த். இந்நிலையில் வழக்கமான மருத்துவ பரிசோதனைக்காக மருத்துவமனைக்கு சென்றுள்ளார் என அவரது குடும்பத்தினர் தெரிவித்துள்ளனர்.
முன்னதாக இன்று காலை குடும்பத்துடன் அண்ணாத்த படத்தை பார்த்ததாக தெரிவித்திருந்தார். தீபாவளி வெளியீடாக திரைக்கு வரவிருக்கும் அண்ணாத்த திரைப்படத்தின் விளம்பரப் பணிகள் நடந்து வருகிறது. பர்ஸ்ட் சிங்கிளில் தொடங்கி நேற்று வெளியான ட்ரெய்லர் வரை படத்தின் மீதான எதிர்பார்ப்பை எகிற வைத்துள்ளது. இந்நிலையில் படத்தை தனது குடும்பத்துடன் பார்த்துள்ளார் ரஜினிகாந்த் . இது குறித்து ஹூட் செயலியில் பகிந்துள்ள ரஜினிகாந்த் “ நான் என் மகள்கள் , மருமகன் விஷால் , மனைவி, சம்பந்தி மற்றும் பேரன்களுடன் அண்ணாத்த படத்தை பார்த்தோம். குறிப்பாக என் பக்கத்தில் உட்காந்து என பேரன் முதன் முறையாக படம் பார்த்தான். படம் பார்த்து முடித்தவுடன் எனது பேரன் என்னை விடவே இல்லை. கட்டிப்பிடித்து தாத்து தாத்து படம் வெரி நைஸ் என்றான்.அவன் மிகுந்த மகிழ்ச்சியில் இருந்தால் என்னை தாத்து என அழைப்பது வழக்கம். படம் முடித்து வெளியே வந்த பிறகு கலாநிதி மாறன் திரையரங்கிற்கு வெளியே காத்திருந்தார். அதிர்ச்சியாக இருந்தது.. மணி 10க்கு மேல் இருக்கும்..அப்போது என்ன சார் இங்க என கேட்டேன்...இல்லை உங்களை பார்க்கணும் என்றார்.. பிஸியான ஆளாக இருப்பவர் , என்னை சந்திக்கனும் என்றார். எப்போதும் மேன் மக்கள் மேன் மக்களே!” என குறிப்பிட்டார்.
நண்பர் ரஜினி நலமுடன் இல்லம் திரும்ப விழைகிறேன் - முதலமைச்சர் ஸ்டாலின்
உடல்நலக் குறைவால் மருத்துவமனையில் அனுமதிக்கப்பட்டுள்ள அருமை நண்பர் @rajinikanth அவர்கள் விரைந்து நலம் பெற்று இல்லம் திரும்ப விழைகிறேன்.
— M.K.Stalin (@mkstalin) October 29, 2021
ரஜினிகாந்த் நலமுடன் உள்ளார் - லதா ரஜினிகாந்த் தகவல்
மருத்துவமனையில் அனுமதிக்கப்பட்டுள்ள ரஜினிகாந்த் நலமுடன் இருப்பதாக அவரது மனைவி லதா ரஜினிகாந்த் தகவல் தெரிவித்துள்ளார்.
ரஜினிகாந்த் நலமுடன் உள்ளார் - அமைச்சர் மா.சுப்பிரமணியன் தகவல்
நடிகர் ரஜினிகாந்த் நலமுடன் இருப்பதாக மருத்துவர்கள் கூறியுள்ளனர் என்று மருத்துவத்துறை அமைச்சர் மா.சுப்பிரமணியன் செய்தியாளர்களிடம் தெரிவித்தார்.
Rajinikanth Health Condition LIVE: ரஜினி உடல்நிலை தொடர்பாக அறிக்கை எதிர்பார்க்கும் ரசிகர்கள்
Actor @rajinikanth at Kauvery Hospital
— Smitha T K (@smitha_tk) October 28, 2021
Sources close to the actor said that he was at the hospital for a routine check up.
He will most likely be staying overnight . No official statement expected.#Rajini
Rajinikanth Health Condition LIVE: ‛அண்ணாத்த படத்தை தியேட்டரில் பார்ப்பார் ரஜினி - ஒய்ஜி.மகேந்திரன்
‛ரஜினிகாந்த் நலமோடு இருக்கிறார். குடும்ப உறவினர் என்கிற முறையில்அவரை சந்தித்த நலம் விசாரக்க வந்தேன். அவரது மகள்களிடம் பேசினேன். அவரது உடல்நிலை குறித்து விளக்கினார். அவருக்கு எந்த பிரச்சனையும் இல்லை. சிகிச்சை முடிந்து, அண்ணாத்த படம் ரிலீஸ் ஆகும் போது அவர் தியேட்டரில் இருப்பார்,’ என்றார் ஒய்.ஜி.மகேந்திரன்
தலைப்பு செய்திகள்
ட்ரெண்டிங் செய்திகள்
