சோனியா காந்தியின் தனிச் செயலர் மீது பாலியல் புகார்? நடந்தது என்ன?
பாலியல் வன்முறையில் ஈடுபட்டதாக சோனியா காந்தியின் தனிச் செயலர் பி.பி மாதவன் மீது புகார் அளிக்கப்பட்டுள்ளது.
பாலியல் வன்முறையில் ஈடுபட்டதாக சோனியா காந்தியின் தனிச் செயலர் பி.பி மாதவன் மீது புகார் அளிக்கப்பட்டுள்ளது.
காங்கிரஸ் கட்சியின் மூத்த தலைவர் சோனியா காந்தியின் தனிச் செயலர் பி.பி. மாதவன் பாலியல் வன்முறையில் ஈடுபட்டதாக டெல்லி போலீசில் பெண் ஒருவர் புகார் அளித்துள்ளார். புகாரினை ஏற்றுக்கொண்ட டெல்லி போலீஸ் பி.பி மாதவன் மீது குற்றநடவடிக்கை வழக்கை பதிவு செய்துள்ளது. புகாருக்கு உள்ளாக்கப்படுள்ள பி.பி மாதவனுக்கு வயது 71 என்பது குறிப்பிடத்தக்கது.
பி.பி மாதவன் மீது புகார் அளித்துள்ள பெண்ணின் புகாரில், எனது கணவர் 2020ல் இறந்துவிட்டார். இவரது கணவர் காங்கிரஸ் அலுவலகத்தில் போர்டுகள் வைப்பது, பதாகைகள் கட்டுவது போன்ற பணிகளைச் செய்து வந்தவர். அவர் இறந்ததும், குடும்பத்தினை வழி நடத்த நான் வேலை தேட ஆரம்பித்தேன். அப்போது பி.பி மாதவனை தொடர்பு கொண்டேன். முதலில் நேர்காணலுக்கு அழைத்தார். அதன் பின்னர் என்னுடன் வாட்ஸ் அப் வீடியோ காலில் அடிக்கடி தொடர்பு கொண்டு பேசுவார். மேலும் எனக்கு அடிக்கடி போன் செய்து பேசுவார். பிறகு தன்னை காதலிப்பதாகவும், திருமணம் செய்துள்ள ஆசைப்படுவதாகவும் தெரிவித்தார். என்னை உத்தம் நகர் மெட்ரோ ரயில் நிலையத்திற்கு அருகில் உள்ள ஒரு மறைவான இடத்தில் காரில் வைத்து பாலியல் வல்லுறவுக்கு இணங்கும்படி வற்புறுத்தினார். அதன் பின்னர் 2022 பிப்ரவரி மாதத்தில் சுந்தர் நகரில் உள்ள அடுக்குமாடி குடியிருப்பில் என் விருப்பம் இல்லாமல் பாலியல் உறவு கொண்டார் எனவும் தனது புகாரில் கூறியுள்ளார்.
இந்த புகார் குறித்து பி.பி மாதவனை தொடர்பு கொள்ள முயன்ற செய்தியாளர்களிடம் தான் ஒரு கூட்டத்தில் உள்ளாத தெரிவித்துள்ளார். அவரது உதவியாளரை தொடர்பு கொண்டு கேட்ட போது, அவர்மீது அளிக்கப்பட்ட புகார் பொய்யானது மற்றும் ஆதாரமற்றது எனவும் தெரிவித்துள்ளார். இந்த புகார் பற்றிய செய்தி டெல்லி காங்கிரஸ் அலுவலகத்தில் பரபரப்பாக பேசப்பட்டு வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
