G20 Summit: முடிந்தது ஜி20 மாநாடு..! ஆனால், மீண்டும் நவம்பரில் ஜி20 கூட்டம் - பிரதமர் மோடி அறிவிப்பு

இந்தியா தலைமையில் டெல்லியில் நடைபெற்ற ஜி20 மாநாடு முடிவுற்றதாக பிரதமர் நரேந்திர மோடி அறிவித்துள்ளார்.

ஜி20 உச்சி மாநாடு

இந்தியா தலைமையில் டெல்லியில் நடைபெற்ற ஜி20 மாநாடு முடிவுற்றதாக பிரதமர் நரேந்திர மோடி அறிவித்துள்ளார்.

பிரதமர் மோடி அறிவிப்பு:

டெல்லியில் நேற்று தொடங்கிய ஜி20 கூட்டமைப்பின் உச்சி மாநாட்டின், இரண்டாவது நாள் அமர்வு இன்று தொடங்கியது. பிரகதி மைதானத்தில் நடைபெற்ற நிகழ்ச்சியில் பேசிய பிரதமர் மோடி, “நவம்பர் 2023 வரை ஜி20 தலைவர் பதவியில் இந்தியா பொறுப்பு வகிக்கும் என்பது உங்கள் அனைவருக்கும் தெரியும். இந்த இரண்டு நாட்களில், நீங்கள் அனைவரும் நிறைய ஆலோசனைகள் மற்றும் முன்மொழிவுகளை வழங்கினீர்கள். வழங்கப்பட்ட பரிந்துரைகளை மீண்டும் ஆய்வு செய்வது எங்களது கடமையாகும். அந்த பரிந்துரைகளை எவ்வாறு செயல்படுத்துவது என்பது குறித்து விவாதிக்கலாம்.

இதற்காக நவம்பர் மாத இறுதியில், G20-இன் காணொலி கூட்டத்தை நடத்த வேண்டும் என்று நான் முன்மொழிகிறேன். இந்த உச்சிமாநாட்டில் முடிவு செய்யப்பட்ட தலைப்புகளை அந்த காணொலி அமர்வில் மதிப்பாய்வு செய்யலாம். நீங்கள் அனைவரும் மெய்நிகர் அமர்வில் இணைவீர்கள் என்று நம்புகிறேன், இத்துடன் G20 உச்சிமாநாட்டின் முடிவை அறிவிக்கிறேன்” என பிரதமர் மோடி அறிவித்தார்.

#WATCH | G 20 in India | Prime Minister Narendra Modi says, "...As you all know India has the responsibility of G20 presidency till November 2023. In these two days, all of you gave a lot of suggestions and placed proposals. It is our duty that the suggestions we have received be… pic.twitter.com/qvdoCyKnXq

— ANI (@ANI) September 10, 2023

பிரேசில் அதிபர் பேச்சு:

தொடர்ந்து, அடுத்த ஆண்டு ஜி20 கூட்டமைப்பிற்கு பொறுப்பேற்க உள்ள, பிரேசிலின் அதிபரான லூலா டா சில்வா ரீடிடம் ஜி20 தலைவர் பதவியை பிரதமர் மோடி ஒப்படைத்தார். முன்னதாக நிகழ்ச்சியில் பேசிய லூலா டா சில்வா, “பிரேசிலில் உள்ள ஐந்து பிராந்தியங்களிலும் உள்ள பல நகரங்களில் தொழில்நுட்பக் குழுக்கள் மற்றும் ஆயத்த அமைச்சர்கள் மூலம் ஜி20 கூட்டமைப்பின் கூட்டங்கள் நடத்தப்படும். 2024ம் ஆண்டு நவம்பர் மாதம் ரியோ டி ஜெனெரியோவில் நடைபெற உள்ள கூட்டத்திற்கு உங்கள் அனைவரையும் வரவேற்பதில் நான் மிகவும் பெருமைப்படுகிறேன்.

பிரேசிலின் தலைமையிலான ஜி20 கூட்டமைப்பில் மூன்று விஷயங்களுக்கு முன்னுரிமை அளிக்கப்படுகின்றன.

அதில் முதலாவது ஒருங்கிணைந்த சமூகம் மற்றும் பசிக்கு எதிரான போராட்டம். இரண்டாவது, ஆற்றல் மாற்றம் மற்றும் அதன் மூன்று அம்சங்களில் நிலையான வளர்ச்சி. மூன்றாவது உலகளாவிய சீர்திருத்தம் ஆளுகை நிறுவனங்கள், இந்த முன்னுரிமைகள் அனைத்தும் பிரேசில் தலைமையின் முழக்கத்தின் ஒரு பகுதியாகும். 'நியாயமான உலகத்தையும் நிலையான கிரகத்தையும் உருவாக்குதல்' பிரேசில் ஜி20 தலைமையின் நோக்கமாக இருக்கும். பசி மற்றும் வறுமைக்கு எதிரான உலகளாவிய கூட்டணி & காலநிலை மாற்றத்திற்கு எதிரான உலகளாவிய அணிதிரள்வு என இரண்டு பணிக்குழுக்கள் உருவாக்கப்படும்” என்றும் பிரேசில் அதிபர் தெரிவித்துள்ளார்.

”