Zika Virus: ஜிகா வைரஸ் உயிர்க்கொல்லியா? ஜிகா வைரஸ் பாதித்தால் என்ன செய்ய வேண்டும்?

ஜிகா வைரஸ் ஓர் உயிர்க்கொல்லியா? இந்த வைரஸ் நம்மை தாக்காமல் தற்காத்துக் கொல்வது எப்படி? என்பதை நீங்கள் தெரிந்து கொள்ள வேண்டியது அவசியமாகிறது. 

ஜிகா வைரஸ்

கர்நாடக மாநிலத்தில் உள்ள ராய்ச்சூர் மாவட்டத்தில் 5 வயது சிறுமிக்கு 10 நாட்களுக்கு மேலாக காய்ச்சல் இருந்து வந்த நிலையில், அவரது பரிசோதனை மாதிரிகளை சோதனை செய்ததில், ஜிகா வைரஸ் தொற்று இருப்பது கண்டறியப்பட்டுள்ளது. 

இந்த நிலையில், ஜிகா வைரஸ் ஓர் உயிர்க்கொல்லியா? இந்த வைரஸ் நம்மை தாக்காமல் தற்காத்துக் கொள்வது எப்படி? என்பதை நீங்கள் தெரிந்து கொள்ள வேண்டியது அவசியமாகிறது. ஜிகா வைரஸ் ஒரு கொரோனா வைரஸ் அல்லது வேறு ஏதேனும் தொற்று போன்றது அல்ல என்பதை புரிந்து கொள்ள வேண்டியது அவசியம்.

இது கண்டறியக்கூடியது. கொசு மூலமே இந்த வைரஸ் பரவுகிறது. நோய்த்தொற்றைச் சுமந்துவரும் ஏடிஸ் எஜிப்டி கொசு உங்களைக் கடித்த பிறகு இது பரவுகிறது. நோய்த்தொற்றுக்கு முக்கிய காரணம் கொசு கடிப்பது தான் என்றாலும், பாலியல் ரீதியாகவும், இரத்தமாற்றம் மற்றும் ஆய்வக வெளிப்பாடு போன்ற பல சந்தர்ப்பங்களில் இது பரவுகிறது.

பொதுவாக பாதிக்கப்பட்ட நபரிடம் தனித்தனி அறிகுறிகள் காணப்படுவதில்லை. இருப்பினும், காய்ச்சல், உடலில் தடிப்புகள், தலைவலி, மூட்டுவலி போன்ற லேசான அறிகுறிகள் மற்றும் சில சந்தர்ப்பங்களில், கடித்த சில நாட்களுக்குள் வெண்படல அழற்சி தோன்றும்.

ஜிகா வைரஸ் மரணத்தை ஏற்படுத்துமா?

நோய் கட்டுப்பாடு மற்றும் தடுப்பு மையங்கள் (CDC) வெளியிட்டுள்ள அறிக்கையின்படி, ஜிகா வைரஸால் மரணங்கள் ஏற்படுவது என்பது குறைவு தான். இருப்பினும்,  ஜிகா வைரஸால் ஏற்படும் இறப்புகள் குறைவாக இருந்தாலும் நான்கு வழிகளில் மக்களைக் கொல்லும் திறனை ஜிகா வைரஸ் கொண்டுள்ளது.
வைரஸைத் தாக்கும் நோயெதிர்ப்பு மண்டல செல்கள் உடலின் சொந்த இரத்தத் தட்டுகளையும் தாக்கத் தொடங்குகின்றன.

இதன் விளைவாக, பிளேட்லெட்டுகள் அழிக்கப்பட்டு, உட்புற இரத்தப்போக்கு அல்லது பிற கடுமையான சுகாதார நிலைமைகளின் வளர்ச்சிக்கு வழிவகுக்கும் மற்றும் இறுதியில், மரணத்திற்கு வழிவகுக்கும். சில சமயங்களில் ஜிகா வைரஸ் நரம்புகளைத் தாக்கத் தொடங்குகிறது. இது சில சமயங்களில் பக்கவாதத்திற்கு வழிவகுக்கும். இந்த நோய்க்குறியால் பாதிக்கப்பட்ட ஒரு நோயாளி இறக்கலாம்.

கர்ப்பிணிப் பெண் பாதிக்கப்பட்டால், ஜிகா வைரஸ் குழந்தையின் மூளையை சேதப்படுத்தும். இது தாயின் வயிற்றில் குழந்தையின் மரணத்திற்கு சில சமயங்களில் வழி வகுக்கிறது.

கொசுக்கள் மூலம் பரவும் ஜிகா வைரஸ் முதல் முறையாக 1947ஆம் ஆண்டு கண்டறியப்பட்டது. 2015ஆம் ஆண்டு இந்த நோய் பரவல் மிகவும் அதிகமாக காணப்பட்டது. குறிப்பாக பிரேசில் உள்ளிட்ட சில நாடுகளில் ஸிகா வைரஸ் பரவல் அதிகரித்தது. 

ஸிகா வைரஸ் நோய் தொற்று பாதிப்பு உரிய மருத்துவ ஆலோசனைகள் மற்றும் மருந்துகளை எடுத்துக் கொண்டால் விரைவில் குணமாகும். 1 சதவிகிதம் பேர் மட்டுமே தற்போது வரை ஸிகா வைரஸ் பாதிப்பு ஏற்பட்டு உயிரிழந்துள்ளனர். ஆகவே ஸிகா வைரஸ் பாதிப்பால் உயிருக்கு பெரிய ஆபத்து இல்லை என்று மருத்துவ வல்லுநர்கள் தெரிவிக்கின்றனர். 

ஜிகா வைரஸ் பாதிப்புக்கு எதிராக தடுப்பூசி எதுவும் இதுவரை  கண்டுபிடிக்கப்படவில்லை. ஆகவே டெங்கு, சிக்கன் குனியா போன்ற நோய்களுக்கு எடுக்கும் தடுப்பு நடவடிக்கையே, இதற்கும் கடைபிடிக்கப்படுகிறது. அதாவது முடிந்த வரை எங்கும் நீர் தேங்காமல் இருக்கும் படி நடவடிக்கை எடுக்க வேண்டும். நோயை பரப்பும் கொசுக்கள் பகல் நேரத்திலேயே அதிகம் கடிப்பதால் அந்த சமயத்தில் மக்கள் பாதுகாப்புடன் இருக்க வேண்டும் என மருத்துவர்கள் தெரிவித்துள்ளனர்.