Breaking News Live: தமிழ்நாட்டில் இன்று 21 பேருக்கு கொரோனா பாதிப்பு
Breaking News LIVE: இன்றைய முக்கிய மற்றும் ப்ரேக்கிங் செய்திகளை உடனுக்குடன் தெரிந்துகொள்ளலாம்.
LIVE
Background
18 வயதுக்கு மேற்பட்டோருக்கு பூஸ்டர் தடுப்பூசி செலுத்தும் பணி நாளை தொடங்க உள்ள நிலையில் கொரோனா தடுப்பூசிகளின் விலை குறைக்கப்பட்டுள்ளது.
தனியார் மருத்துவமனைகளுக்கு கோவிஷீல்டு தடுப்பூசி ஒரு டோஸ் விலை 600 லிருந்து 225 ஆக சீரம் நிறுவனம் குறைத்துள்ளது.
கோவாக்சின் தடுப்பூசி ஒரு டோஸ் விலை 1,200 லிருந்து 225 ஆக குறைத்துள்ளது பாரத் பயோடெக் நிறுவனம்.
இலங்கை மக்கள் அனைவருக்கு உதவ வேண்டும் என தமிழக முதலமைச்சர் மு.க.ஸ்டாலினுக்கு தமிழ் தேசிய கூட்டமைப்பு வேண்டுகோள் விடுத்துள்ளது. அனைத்து மக்களும் ஒன்றுபடும் வேளையில் தமிழ் மக்களுக்கு மட்டும் உதவுவது பிளவை ஏற்படுத்தும் எனவும் இலங்கை தமிழ் தேசிய கூட்டமைப்பு தெரிவித்துள்ளது.
இந்தியாவில் கடந்த 130 நாட்களுக்கு மேலாக பெட்ரோல் மற்றும் டீசல் விலை ஒரே விலையில் நீடித்து வந்தது. இந்த நிலையில், 5 மாநில சட்டசபை தேர்தல்கள் முடிவுகள் வெளியான நிலையில் சென்னையில் கடந்த 16 நாட்களில் 14ஆவது முறையாக பெட்ரோல் மற்றும் டீசல் விலையை தொடர்ந்து எண்ணெய் நிறுவனங்கள் உயர்த்தி வந்தன.
இந்த நிலையில், சென்னையில் 3வது நாளாக இன்று ஒரு லிட்டர் பெட்ரோல் விலை மாற்றமின்றி 110.85 ரூபாய்க்கு விற்கப்பட்டு வருகிறது. அதேபோல், டீசல் விலை லிட்டருக்கு மாற்றமின்றி 100.94 ரூபாய்க்கு விற்பனை செய்யப்பட்டு வருகிறது.
தமிழ்நாட்டில் இன்று 21 பேருக்கு கொரோனா பாதிப்பு
தமிழ்நாட்டில் நேற்று 22 பேருக்கு கொரோனா பாதிப்பு உறுதி செய்யப்பட்ட நிலையில், இன்று 21 பேருக்கு கொரோனா பாதிப்பு உறுதி செய்யப்பட்டுள்ளது. சென்னையில் மேலும் 9 பேருக்கு புதியதாக கொரோனா பாதிப்பு உறுதி செய்யப்பட்டுள்ளது. தமிழ்நாட்டில் இன்றும் கொரோனாவால் எந்த உயிரிழப்பும் ஏற்படவில்லை. தமிழ்நாட்டில் இதுவரை கொரோனாவால் உயிரிழந்தோர் எண்ணிக்கை 38 ஆயிரத்து 25 ஆக பதிவாகியுள்ளது. தமிழ்நாட்டில் கொரோனாவால் சிகிச்சை பெறுவோர் எண்ணிக்கை 300க்கும் கீழ் குறைந்துள்ளது. இன்றைய நிலவரப்படி 229 பேர் மட்டுமே கொரோனாவால் சிகிச்சை பெற்று வருகின்றனர். இன்று 29 பேர் கொரோனா தொற்றில் இருந்து மீண்டு வீடு திரும்பியுள்ளனர்.
கோவிஷீல்டு, கோவாக்சின் தடுப்பூசி விலை குறைப்பு
தனியார் மருத்துவமனைகளுக்கு கோவிஷீல்டு தடுப்பூசி ஒரு டோஸ் விலை ரூ.600-லிருந்து ரூ.225 ஆக குறைப்பு: சீரம்
கோவாக்சின் தடுப்பூசி ஒரு டோஸ் விலை ரூ.1200-லிருந்து ரூ.225 ஆக குறைப்பு: பாரத் பயோடெக் நிறுவனம்
நாமக்கல்லில் ஆலங்கட்டி மழை
நாமக்கல் மாவட்டம் மோகனூர் மற்றும் அதன் சுற்று வட்டார பகுதிகளில் பலத்த காற்றுடன் ஆலங்கட்டி மழை
ராமேஸ்வரத்தில் 1 கோடி மதிப்புள்ள போதைப்பொருட்கள் பறிமுதல்
இலங்கைக்கு கடத்த முயன்ற ரூ.1 கோடி மதிப்புள்ள போதைப்பொருள் ராமேஸ்வரத்தில் பறிமுதல் - ஒருவர் கைது
நர்சிங் கல்லூரி தாளாளர் குண்டர் சட்டத்தில் கைது
திண்டுக்கல் தனியார் நர்சிங் கல்லூரி தாளாளர் ஜோதிமுருகன் மீது குண்டர் சட்டத்தில் நடவடிக்கை. ஏற்கெனவே ஜோதிமுருகன் போக்சோவில் கைதாகி நீதிமன்ற காவலில் உள்ள நிலையில் ஆட்சியர் விசாகன் உத்தரவு
தலைப்பு செய்திகள்
ட்ரெண்டிங் செய்திகள்
