Breaking Tamil LIVE : தனது குடும்பத்தைப் பற்றிதான் முதலமைச்சர் கவலைப்படுகின்றார் - எடப்பாடி பழனிசாமி!
Breaking News LIVE: நாடு முழுவதும் நடைபெறும் பல்வேறு முக்கிய நிகழ்வுகளை உடனுக்குடன் காண, ஏபிபி இணைய செய்தி தளத்துடன் தொடர்ந்து இணைந்திருங்கள்
LIVE
Background
நாடாளுமன்ற தேர்தல் வரும் 19 ஆம் தேதி தமிழ்நாட்டில் ஒரே கட்டமாக நடைபெற உள்ளது. இதற்காக தேர்தல் ஆணையமும் அரசியல் கட்சிகளும் தேர்தல் பணிகளை மேற்கொண்டு வருகிறது. அரசியல் கட்சி தலைவர்கள் அனைவரும் சூறாவளி பிரச்சாரத்தில் ஈடுபட்டுள்ளனர். குறிப்பாக பாஜக தமிழ்நாட்டில் காலூன்ற வேண்டும் என தீவிர முயற்சிகளை மேற்கொண்டு வருகிறது. அந்த வகையில் பாஜக தேசிய தலைவர்கள், மத்திய அமைச்சர்கள் தமிழ்நாட்டிற்கு வருகை தந்து பிரச்சாரம் மேற்கொண்டு வருகின்றனர். நடப்பாண்டில் 7வது முறையாக பிரதமர் மோடி இரண்டு நாள் பயணமாக தமிழகம் வருகை தந்துள்ளார்.
நேற்று சென்னையில் பிரதமர் மோடி ரோட் ஷோ நடைபெற்றது. ரோட் ஷோவிற்காக ஏராளமான மக்கள் குவிந்தனர். மேலும், சென்னை மனதை வென்றது என பிரதமர் மோடி உருக்கத்துடன் சமூக வலைத்தளத்தில் பதிவிட்டிருந்தார். இந்நிலையில் இன்று காலை சென்னை ஆளுநர் மாளிகையில் இருந்து புறப்பட்டு தனி ஹெலிகாப்டரில் பயணம் செய்து வேலூர் சென்றடைகிறார். கோட்டை மைதானத்தில் காலை 10.30 மணிக்கு நடைபெறும் பொதுக் கூட்டத்தில் கலந்து கொண்டு வேலூரில், பாஜக கூட்டணி சார்பில் போட்டியிடும் ஏ.சி.சண்முகம் மற்றும் தருமபுரியில் போட்டியிடும் சவுமியா அன்புமணி ஆகியோருக்கு ஆதரவாக வாக்கு சேகரிக்கிறார். அங்கிருந்து பிற்பகல் 1.45 மணியளவில் மேட்டுப்பாளையம் சென்றடைகிறார்.
அங்கு நடைபெறும் பொதுக்கூட்டத்தில் கலந்து கொண்டு நீலகிரி தொகுதி பாஜக வேட்பாளரும், மத்திய இணையமைச்சருமான எல்.முருகனுக்கு வாக்கு சேகரிக்கிறார். இறுதியாக கோவை சூலூர் விமானப்படை விமான தளத்திற்கு செல்லும் பிரதமர் மோடி, அங்கிருந்து மகாராஷ்டிராவிற்கு புறப்படுகிறார். அத்துடன் மோடியின் இரண்டு நாள் தமிழக பயணம் நிறைவடைகிறது.
தமிழ்நாட்டில் அரசியல் களம் அனல் பறக்கவே, டெல்லி முதலமைச்சர் மதுபான கொள்கை வழக்கு தொடர்பாக கைது செய்யப்பட்டுள்ளார். இதனை எதிர்த்து டெல்லி உயர்நீதிமன்றத்தில் மனு தாக்கல் செய்யப்பட்டது. ஆனால் அந்த மனுவை தள்ளுபடி செய்து கைது நடவடிக்கை சட்டவிரோதமானது இல்லை என தெரிவித்தது. இந்நிலையில் உச்சநீதிமன்றத்தில் மனு தாக்கல் செய்ய உள்ளனர். பரபரப்பான சூழலில் இன்றைய நிகழ்வுகளை உடனுக்குடன் காணலாம்.
தனது குடும்பத்தைப் பற்றிதான் முதலமைச்சர் கவலைப்படுகின்றார் - எடப்பாடி பழனிசாமி!
முதலமைச்சர் தமிழ்நாடு மக்களைப் பற்றி கவலைப்படுவதே இல்லை. அவரது கவலை எல்லாம் அவரது குடும்பத்தைப் பற்றியதுதான் என அதிமுக பொதுச்செயலாளர் எடப்பாடி பழனிசாமி பொள்ளாச்சியில் பிரச்சாரம் மேற்கொண்டபோது பேசியுள்ளார்.
Rihana Nun Outfit : இண்டர்வியூ இதழுக்கு, கன்னியாஸ்திரி உடையில் ரிஹானா அளித்திருக்கும் Pose, சர்ச்சையைக் கிளப்பியுள்ளது
Rihana Nun Outfit : இண்டர்வியூ இதழுக்கு, கன்னியாஸ்திரி உடையில் ரிஹானா அளித்திருக்கும் Pose, சர்ச்சையைக் கிளப்பியுள்ளது. சமூக வலைதளத்தில் கிறித்தவ மக்கள் தங்களின் எதிர்ப்பைப் பதிவு செய்து வருகிறார்கள்
சோழிங்கநல்லூர்: நைனார்குப்பம் மீனவர் பகுதியில் வாக்கு சேகரிக்கும் போது மீன் வறுவல் செய்த தமிழிசை செளந்தரராஜன்
சோழிங்கநல்லூர்: நைனார்குப்பம் மீனவர் பகுதியில் வாக்கு சேகரிக்கும் போது மீன் வறுவல் செய்த தமிழிசை செளந்தரராஜன்#Tamilisaisoundararajan #BJP #LokSabhaElections2024 pic.twitter.com/OYP2B41Ppe
— ABP Nadu (@abpnadu) April 10, 2024
ராம் நவமி யாத்திரைக்கு ஐகோர்ட் நிபந்தனை!
ராம் நவமி யாத்திரை இந்த ஆண்டு நடத்துவதற்கு காவல்துறை தரப்பில் அனுமதி மறுக்கப்பட்டுள்ளதையடுத்து மனுதாரர் நீதிமன்றத்தில் வழக்கு தொடர்ந்ததை அடுத்து, காவல்துறை இந்த மனு தொடர்பாக இரண்டு நாட்களுக்குள் முடிவெடுக்கும்படி உத்தரவு பிறபித்துள்ளது.
Breaking Tamil LIVE : ஏசியை 25-27 டிகிரி செல்சியஸில் பயன்படுத்துங்கள் - மின்சார வாரியம்
ஏ.சி. கருவியை 25லிருந்து 27 டிகிரி செல்சியஸ் வைத்து பயன்படுத்த கேரள மக்களுக்கு மின்வாரியம் வேண்டுகோள் விடுத்துள்ளது.
தலைப்பு செய்திகள்
ட்ரெண்டிங் செய்திகள்
