Breaking News LIVE 1st Nov : ஆண்டுக்கு 3 இலவச கியாஸ் சிலிண்டர் வழங்கும் திட்டம் - தொடங்கி வைத்தார் ஆந்திர முதல்வர்
Breaking News LIVE: நாடு முழுவதும் நடைபெறும் முக்கிய நிகழ்வுகளை கீழே லைவ் ப்ளாக்கில் உடனுக்குடன் அறிந்து கொள்ளலாம்.
LIVE
Background
ஆண்டுக்கு 3 இலவச கியாஸ் சிலிண்டர் வழங்கும் திட்டம் - தொடங்கி வைத்தார் ஆந்திர முதல்வர்
ஆண்டுக்கு 3 இலவச கியாஸ் சிலிண்டர் வழங்கும் திட்டத்தை தொடங்கி வைத்தார் ஆந்திரா முதலமைச்சர் சந்திரபாபு நாயுடு. ஆந்திர மாநிலம் ஸ்ரீகாக்குளம் மாவட்டத்தில் உள்ள பயனாளியின் வீட்டிற்கே சென்று கியாஸ்-ஐ இணைத்து அவரே தேநீர் செய்து அருந்தினார்.
அடுத்த 2 மணி நேரம்! 18 மாவட்டங்களில் மழைக்கு வாய்ப்பு - சென்னை வானிலை ஆய்வு மையம்
தமிழ்நாட்டில் அடுத்த 2 மணி நேரத்தில் 18 மாவட்டங்களில் மழை பெய்வதற்கு வாய்ப்பு உள்ளதாக வானிலை ஆய்வு மையம் தகவல் தெரிவித்துள்ளது.
Breaking News LIVE: வங்கக் கடலில் புதிய காற்றழுத்த தாழ்வுப் பகுதி - வானிலை மையம்
வங்கக் கடலில் புதிய காற்றழுத்த தாழ்வுப் பகுதி உருவாக உள்ளதாக இந்திய வானிலை ஆய்வு மையம் தெரிவித்துள்ளது. காற்றழுத்த தாழ்வு தமிழ்நாடு - ஆந்திரா நோக்கி நகரும். இதனால் நவம்பர் 2வது வாரத்தில் தமிழ்நாடு, ஆந்திராவில் வடகிழக்கு பருவமழை தீவிரமடையும். அடுத்த 2 வாரத்துக்கு தமிழ்நாடு உள்ளிட்ட தென் மாநிலங்களில் அதிக மழை இருக்கும் என வானிலை மையம் தெரிவித்துள்ளது.
Breaking News LIVE: நவம்பரில் வடகிழக்கு பருவமழை தீவிரமடையும் - இந்திய வானிலை ஆய்வு மையம்
நவம்பரில் வடகிழக்கு பருவமழை இயல்பைவிட அதிகமாக இருக்கும் என இந்திய வானிலை ஆய்வு மையம் தெரிவித்துள்ளது. இதுகுறித்து இந்திய வானிலை ஆய்வு மைய இயக்குநர் மொஹபத்ரா கூறுகையில் நவம்பரில் வடகிழக்கு பருவமழை தீவிரமடையும் எனவும் நவம்பரில் வடகிழக்கு பருவமழை இயல்பைவிட அதிகமாக இருக்கும் எனவும் தெரிவித்துள்ளார்.
குறிப்பாக நவம்பர் 2வது வாரத்தில் இயல்பை விட மழை பெய்யும் எனத் தெரிவித்துள்ளது.
Breaking News LIVE: வங்கியில் தேவர் தங்கக் கவசத்தை வங்கியில் ஒப்படைக்கும் அதிமுகவினர்
மதுரை அண்ணா நகரில் உள்ள பாங்க் ஆஃப் இந்தியா வங்கிக் கிளையில் தேவர் தங்கக் கவசத்தை அ.தி.மு.க., பொருளாளர் திண்டுக்கல் சீனிவாசன் தலைமையில் முன்னாள் அ.தி.மு.க., அமைச்சர்கள், வங்கி அதிகாரிகளிடம் ஒப்படைக்க உள்ளனர். தேவர் குரு பூஜை முன்னிட்டு கடந்த 25-ம் தேதி தேவரின் தங்கக் கவசத்தை அதிமுகவினர் வங்கியில் இருந்து பெற்று, பசும்பொன் தேவர் நினைவாலய பொறுப்பாளர் காந்தி மீனாளிடம் இந்நிலையில் ஒப்படைக்கப்பட்டது. குரு பூஜை முடிந்த நிலையில் மீண்டும் பசும்பொன்னில் இருந்து தங்கக் கவசத்தை வங்கியில் ஒப்படைக்க உள்ளனர். தொடர்ந்து செய்தியாளர் சந்திக்க வாய்ப்புள்ளது.
தலைப்பு செய்திகள்
ட்ரெண்டிங் செய்திகள்
