Breaking News Tamil LIVE: பாஜக கூட்டணியின் குடியரசுத் துணை தலைவர் வேட்பாளராக ஜெகதீப் தங்கர் அறிவிப்பு
இன்றைய தினத்தின் முக்கியச் செய்திகள் உடனுக்குடன்..
LIVE
Background
சென்னையில் இன்றும் பெட்ரோல், டீசல் விலையில் மாற்றமில்லாமல் விற்பனை செய்யப்படுவதால் வாகன ஓட்டிகள் நிம்மதியடைந்துள்ளனர்.
சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.
இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியைக் குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 56 வது நாளாக விலை மாற்றமின்றி விற்பனை செய்யப்படுகிறது.
இந்நிலையில் 56வது நாளாக இன்று ( ஜூலை 16) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையைக் குறைப்பார்களா என்று பொதுமக்கள் கேள்வி எழுப்பி வருவது குறிப்பிடத்தக்கது.
தமிழ்நாட்டில் கடந்த 24 மணி நேரத்தில் 2,340 பேருக்கு கொரோனா தொற்று உறுதியானது...
தமிழ்நாட்டில் கடந்த 24 மணி நேரத்தில் கொரோனாவால் பாதிக்கப்பட்டவர்களின் எண்ணிக்கை 2,340 ஆக பதிவாகியுள்ளது. நேற்று 2,312 ஆக இருந்த தொற்று பாதிப்பு இன்று 2,340 ஆக உயர்ந்துள்ளது. நேற்று தொற்று பாதிப்பினால் ஒருவர் உயிரிழந்த நிலையில் இன்று தொற்று பாதிப்பினால் யாரும் உயிரிழக்கவில்லை என தெரிவிக்கப்பட்டுள்ளது. தொற்று பாதிப்பிலிருந்து குணமாகி 2,599 பேர் இன்று டிஸ்சார்ஜ் ஆகியுள்ளனர் என சுகாதாரத்துறை தெரிவித்துள்ளது. தொற்று பாதிப்பு அதிகபட்சமாக சென்னையில் 607 ஆக பதிவாகியுள்ளது.
பாஜக கூட்டணியின் குடியரசுத் துணை தலைவர் வேட்பாளராக ஜெகதீப் தங்கர் அறிவிப்பு
பாஜக கூட்டணியின் குடியரசுத் துணை தலைவர் வேட்பாளராக ஜெகதீப் தங்கர் போட்டியிடுவதாக அறிவிக்கப்பட்டுள்ளது
ஆன்லைன் ரம்மியால் காவலர் மரணம் - இபிஎஸ் கண்டனம்
ஆன்லைன் ரம்மியால் காவலர் காளிமுத்து உயிரிழந்த விவகாரத்தில் இபிஎஸ் கண்டனம் தெரிவித்துள்ளார். ஆன்லைன் ரம்மியை ஒடுக்க நடவடிக்கை எடுக்க வேண்டும் என அதிமுக இடைக்கால பொதுச் செயலாளர் எடப்பாடி பழனிசாமி தெரிவித்துள்ளார்.
என்னை ஏன் அம்மா கூடவே ஒப்பிட்டாங்க.. நயன்தாரா கூட ஒப்பிடுவது எதிர்ப்பார்த்ததுதான்.. பழகிவிட்டது - ஸ்ரீதேவி மகள் ஜான்வி கபூர்
என்னை ஏன் அம்மா கூடவே ஒப்பிட்டாங்க.. நயன்தாரா கூட ஒப்பிடுவது எதிர்ப்பார்த்ததுதான்.. பழகிவிட்டது - ஸ்ரீதேவி மகள் ஜான்வி கபூர்
200 கோடி டோஸ் செலுத்தப்பட்டது
நாடு முழுவதும் 200 கோடி கொரோனா தடுப்பூசி டோஸ் செலுத்தப்பட்டது- மத்திய சுகாதாரத்துறை தகவல்
தலைப்பு செய்திகள்
ட்ரெண்டிங் செய்திகள்
