நான்கு முறை தடுப்பூசி போட்ட பெண்ணுக்கு கொரோனா? - ம.பி.யில் குழப்பம்

30 வயதுடைய அந்தப் பெண் நேற்று முன் தினம் மேற்கொள்ளப்பட்ட பரிசோதனையில் கொரோனா நெகட்டிவ் என உறுதி செய்யப்பட்ட நிலையில் தற்போது பாசிட்டிவ் என உறுதி செய்யப்பட்டுள்ளது.

கொரோனா

பல்வேறு நாடுகளில் இதுவரை நான்கு முறை கொரோனா தடுப்பூசி செலுத்தப்பட்ட பெண்ணுக்கு கொரோனா தொற்று உறுதி செய்யப்பட்டிருப்பதாக மத்திய பிரதேச மாநில தலைமை மருத்துவ அதிகாரி குறிப்பிட்டுள்ளார். 30 வயதுடைய அந்தப் பெண் நேற்று முன் தினம் மேற்கொள்ளப்பட்ட பரிசோதனையில் கொரோனா நெகட்டிவ் என உறுதி செய்யப்பட்ட நிலையில் தற்போது பாசிட்டிவ் என உறுதி செய்யப்பட்டிருப்பதாக மருத்துவ அதிகாரி குறிப்பிட்டுள்ளார். தொற்று உறுதி செய்யப்பட்ட நிலையில் தற்போது அந்தப் பெண் மருத்துவமனையில் தீவிர கண்காணிப்பில் வைக்கப்பட்டுள்ளார். இதன்மூலம் தடுப்பூசியின் செயல்பாடு குறித்தான குழப்பத்தை இது ஏற்படுத்தியுள்ளது. 

Madhya Pradesh | A woman of around 30 years of age, who has already been vaccinated 4 times in different countries, tested #COVID19 positive at the airport & was admitted to a hospital. She was asymptomatic & tested negative a day before: Indore CMHO Dr Bhure Singh Setia (29.12) pic.twitter.com/xpfs9bLgbp

— ANI (@ANI) December 30, 2021

முன்னதாக, தடுப்பூசி செலுத்திக்கொள்ள தகுதி உடைய சிறுவர்கள் ஜனவரி 1 ம் தேதி முதல் cowin இணையதளத்தில் முன்பதிவு செய்துகொள்ளலாம் என்று அறிவிக்கப்பட்டது குறிப்பிடத்தக்கது. சமீபத்தில் 15 - 18 வயதான சிறுவர்கள் ஜனவரி 3 ம் தேதி முதல் தடுப்பூசி செலுத்திக்கொள்ளலாம் என்று பிரதமர் மோடி அறிவித்தார் என்பது குறிப்பிடத்தக்கது. 

ஆதார் இல்லாத மாணவர்கள் 10 வகுப்பு பள்ளி அடையாள அட்டையை பயன்படுத்தி கொரோனா தடுப்பூசி செலுத்திக்கொள்ளலாம் என மத்திய அரசு தகவல் தெரிவித்தது.உருமாறிய கொரோனாவாக உருவெடுத்துள்ள ஒமிக்ரான் வைரஸ் தாக்கம் அதிகரித்து வரும் நிலையில், அதனை தடுக்கும் பொருட்டு நேற்று முன் தினம் இரவு பிரதமர் மோடி உரையாற்றினார். அந்த உரையில், “இந்தியாவில் வரும் 2022 ஆம் ஆண்டு ஜனவரி மாதம் 3 ஆம் தேதி முதல் 15 முதல் 18 வயதுடைய சிறுவர் சிறுமியர்களுக்கு கொரோனா தடுப்பூசி செலுத்தப்படும். அதே போல ஜனவரி 10 ஆம் தேதி முதல் பூஸ்டர் தடுப்பூசி செலுத்தப்படும். முதற்கட்டமாக மருத்துவபணியாளர்களுக்கும், முன்கள பணியாளர்களுக்கும் இணை நோய் உள்ள 60 வயதுக்கு மேற்பட்டவர்களுக்கு பூஸ்டர் தடுப்பூசி செலுத்தப்படும்” என்று பேசினார். 

மேலும் “ஒமிக்ரான் தொற்று குறித்து அச்சம் கொள்ளத் தேவையில்லை என்று குறிப்பிட்ட அவர், மக்கள் விழிப்புணர்வுடன் இருக்க வேண்டும் என்றும் கேட்டுக் கொண்டார் . உலகம் முழுவதும் ஒமிக்ரான் தொற்று அதிகரித்து வருவதையும் அவர் சுட்டிக் காட்டினார்.  

இதையடுத்து, தமிழ்நாட்டில் சிறார்களுக்கு கொரோனா தடுப்பூசி போடுவதற்கு தொடர்பாக மருத்துவத்துறை அமைச்சர் மா.சுப்பிரமணியன் செய்தியாளர்களுக்கு பேட்டியளித்தார். அப்போது, 15-18 வயதினருக்கு தடுப்பூசி செலுத்தும் பணி ஜனவரி 3ஆம் தேதி சென்னை சைதாப்பேட்டை பெண்கள் மாநகராட்சி பள்ளியில் தொடங்கும் என்றும், 15-18 வயதை சேர்ந்த சுமார் 33 லட்சம் பேர்  கொரோனா தடுப்பூசி செலுத்திக்கொள்ள தகுதியானவர்கள் என்று தெரிவித்தார்.