தேர்தல் வீரனாக அவதாரம் எடுத்த இருவாச்சி பறை – கோவை Election Icon வெளியீடு...

கோவை மாவட்டத்திற்கான தேர்தல் அடையாளமாக ‘இருவாச்சி’ பறவை அறிமுகம்.

கோவை தேர்தல் அடையாளமாக ‘இருவாச்சி’ பறவை

Source : abp nadu

2026 சட்டமன்றத் தேர்தல் நெருங்கி வரும் நிலையில், தேர்தல் ஆணையம் மற்றும் மாவட்ட நிர்வாகங்கள் சார்பில் தேர்தல் பணிகள் தீவிரமாக முன்னெடுக்கப்பட்டு வருகின்றன. அதன் ஒரு பகுதியாக, வாக்காளர் விழிப்புணர்வை ஏற்படுத்தும் வகையில், அந்தந்த மாவட்டங்களுக்கு தனித்துவமான தேர்தல் அடையாளங்கள் (Election Icon) அறிமுகம் செய்யப்பட்டு வருகின்றன.

அந்த வகையில், கோவை மாவட்டத்திற்கான தேர்தல் அடையாளமாக ‘இருவாச்சி’ பறவை தேர்வு செய்யப்பட்டுள்ளது. இதனை மாவட்ட ஆட்சியரும் மாவட்ட தேர்தல் அலுவலருமான பவன்குமார் இன்று (பிப்.25)அதிகாரப்பூர்வமாக அறிமுகம் செய்தார். கோவை மாவட்ட ஆட்சியர் அலுவலகத்தில் நடைபெற்ற இந்த நிகழ்வில், மாவட்ட தேர்தல் பணியில் ஈடுபட்ட அலுவலர்கள் பலர் கலந்து கொண்டனர். கோவை மாவட்டத்தில் அரிதாக காணப்படும் இருவாச்சி பறவை, தேர்தல் அடையாளமாக தேர்வு செய்யப்பட்டு, ‘தேர்தல் வீரன்’ என பெயரிடப்பட்டுள்ளது.

வாக்காளர் விழிப்புணர்வை வெளிப்படுத்தும் வகையில், இந்த Election Icon காட்டன் பனியன், பட்டு வேட்டி அணிந்து, விரலில் வாக்களித்த மையுடன் வடிவமைக்கப்பட்டுள்ளது. தேர்தல் தேதி அறிவிக்கப்பட்டதும், பொதுமக்கள் அதிகம் கூடும் இடங்களில் இந்த Election Icon வைக்கப்பட்டு, வாக்காளர் விழிப்புணர்வு நிகழ்வுகள் நடத்தப்பட உள்ளதாக மாவட்ட நிர்வாகம் தெரிவித்துள்ளது.