TVKக்கு வேட்பாளர்கள் கிடைக்கலையா.? – எஸ்.பி வேலுமணி கடும் விமர்சனம்

ஸ்டாலின் மீது மக்கள் வெறுப்பு அதிகம் என கோவையில் எஸ் பி வேலுமணி கடும் விமர்சனம்.

எஸ்பி வேலுமணி

Source : abp nadu

234 தொகுதிகளுக்கும் வேட்பாளர்கள் கிடைத்திருக்க மாட்டார்கள் அதனால் தான் வேட்பாளர்களை அறிவிப்பதில் இவ்வளவு தாமதம் என தமிழக வெற்றிக்கழகம் குறித்து அதிமுக முன்னாள் அமைச்சர் எஸ்.பி வேலுமணி விமர்சனம் செய்தார்.

210 இடங்களில் அதிமுக வெற்றி

கோவை விமான நிலையத்தில் பிரதமரை வரவேற்க வருகை புரிந்த அதிமுக முன்னாள் அமைச்சர் எஸ் பி வேலுமணி செய்தியாளர்களை சந்திதார். அப்போது பேசிய அவர், அதிமுக 210 தொகுதிகளில் வெற்றி பெறும் என தெரிவிதார் .  இதில் கோவையை பொறுத்த அளவில் அவிநாசியில் அதிமுக வெற்றி பெறுவது உறுதி என தெரிவித்தார். 5 ஆண்டுகளாக திமுக ஆட்சியில் மக்களின் வெறுப்பை தான் ஸ்டாலின் சம்பாதித்திருபபதாகவும் , திமுக ஆட்சியை முடிவு கட்ட மக்கள் முடிவெடுத்துள்ளதாக எஸ்பி வேலுமணி தெரிவித்தார்.

தமிழகத்தில் 4 முனை போட்டி என கூறுவது தவறு அதிமுகவுக்கும், திமுகவுக்கும் தான் போட்டி  என தெரிவித்த அவர்,  10 நாட்களாக  விஜய் எங்கிருந்தார் என தெரியவில்லை, தற்போது திடீரென வேட்பாளர்களை அறிவித்திருக்கிறார்.  வேட்பாளர்களை கண்டறியவே அவர்கள் சிரமம் அடைந்து இருப்பார்கள்  என தமிழக வெற்றிக் கழகம் குறித்து எஸ்பி வேலுமணி விமர்சித்தார்.