விஜய்யின் கருத்துக்கு எதிர் வினையாற்றுவோம் - அமைச்சர் பெரியகருப்பன்

நடிகர் விஜய் மாநாட்டில் நேற்று திமுகவை விமர்சனம் செய்துள்ளது குறித்த கேள்விக்கு பதிலளித்த அமைச்சர் பெரிய கருப்பன், அரசியல் நிகழ்ச்சிகளில் விஜய்யின் கருத்துக்கு எதிர்வினையாற்றுவோம் என கூறியுள்ளார்.

அமைச்சர் பெரியகருப்பன்

Source : Whats app

தீபாவளி சிறப்பு தொகுப்பு

கூட்டுறவுத் துறை அமைச்சர் பெரிய கருப்பன் தேனாம்பேட்டை , TUCS காமதேனு கூட்டுறவு அங்காடியில் கூட்டுறவுத் துறையின் மூலம் நடைபெறும் கூட்டுறவு கொண்டாட்டம் தீபாவளி சிறப்புத் தொகுப்பு விற்பனையை தொடங்கி வைத்து வாடிக்கையாளர்களுக்கு தீபாவளி தொகுப்பினை வழங்கினார்.

பிரீமியம் , எலைட் - இரண்டு தொகுப்பு

இந்த தீபாவளி சிறப்புத் தொகுப்பில் பிரீமியம் (Premium) மற்றும் எலைட் (Elite) என இரண்டு வகையான தொகுப்புகள் அறிமுகப்படுத்தப்பட்டுள்ளது.

பிரீமியம் ( Premium ) தொகுப்பு 

துவரம் பருப்பு - 200 கிராம் , உளுத்தம் பருப்பு - 200 கிராம் , கடலை பருப்பு- 200 கிராம் , வறுகடலை (குண்டு) - 100 கிராம், மிளகு-25 கிராம் , சீரகம் -25 கிராம் , வெந்தயம் -50 கிராம் , கடுகு - 50 கிராம், சோம்பு -50 கிராம் , நீட்டு மிளகாய் -100 கிராம் , தனியா - 100கிராம் , புளி-100 கிராம் , ரவை - 100கிராம் , ஏலக்காய் -5 கிராம் என 14 வகையான பொருட்கள் அடங்கிய தீபாவளி சிறப்புத் தொகுப்பு ரூ.199/- என்ற விலையில் விற்பனை செய்யப்படவுள்ளது. 

எலைட் (Elite) தொகுப்பு

துவரம் பருப்பு - 250 கிராம் , உளுத்தம் பருப்பு-250கிராம், கடலை பருப்பு- 250 கிராம், வறுகடலை (குண்டு) -200 கிராம், மிளகு-50கிராம், சீரகம்-50கிராம், வெந்தயம் -50 கிராம் , கடுகு-50கிராம் , சோம்பு-50 கிராம், நீட்டு மிளகாய்- 250 கிராம் , தனியா - 200 கிராம் , புளி-100 கிராம் , ரவை -100 கிராம் , ஏலக்காய் -5 கிராம் என 14 வகையான பொருட்கள் அடங்கிய தீபாவளி சிறப்புத் தொகுப்பு ரூ.299/- என்ற விலையில் விற்பனை செய்யப்படவுள்ளது.

பின்னர் செய்தியாளர்களிடம் பேசிய அமைச்சர் பெரியகருப்பன் ;

பட்டாசு உள்ளிட்ட மளிகை பொருட்கள் கூட்டுறவு சங்கங்கள் வாயிலாக எளிய முறையில் குறைந்த விலையில் மக்களுக்கு கிடைக்க ஏற்பாடுகள் செய்யப்படுள்ளது 3 வகையான தொகுப்புகள் பொதுமக்கள் விற்பனைக்கு தொடங்கி வைக்கப்பட்டுள்ளது.

மக்களுடைய நம்பிக்கையை பெற்று தரமான பொருட்களை குறைந்த விலையில் தரமான நிறுவனம் தான் இந்த கூட்டுறவு சங்கம் அதிரசம் முறுக்கு செய்யும் தொகுப்பு 190 ரூபாய்க்கு அளிக்கின்றனர்.

சிறிய குடும்பத்தினரும் பெரிய அளவில் சேமிக்கும் தொகுப்பாக அளித்து வருகிறோம் இது குடும்ப தலைவிகளிடம் மிக பெரிய வரவேற்பை பெற்று உள்ளது.

ரூ.20 கோடி பட்டாசு விற்பனை இலக்கு

பசுமை பட்டாசுகள் கூட்டுறவு சங்கங்கள் வாயிலாக பசுமை பட்டாசுகள் விற்பனையை செய்யப்பட்டு வருகிறது. கூட்டுறவு சங்கங்களின் மூலம் 20 கோடி அளவுக்கு  பட்டாசு விற்பனையை இந்த ஆண்டு எதிர் பார்க்கிறோம்.

தவெக தலைவர் விஜய் மாநாடு 

நடிகர் விஜய் மாநாட்டில் நேற்று திமுக வை விமர்சனம் செய்துள்ளது குறித்த கேள்விக்கு பதிலளித்த அமைச்சர் பெரிய கருப்பன் , அரசியல் நிகழ்ச்சிகளில் விஜய்யின் கருத்துக்கு எதிர்வினையாற்றுவோம்.