சென்னையில் இரண்டாவது விமான நிலையம் காஞ்சிபுரம் மாவட்டம் பரந்தூர் மற்றும் அதன் சுற்றுவட்டார பகுதியில் உள்ள 12 கிராமத்தின் எல்லை பகுதிகளில் அமைய உள்ளதாக தகவல்கள் வெளியாகி உள்ளன. இது தொடர்பாக தமிழக அரசும் விளக்கம் அளித்துள்ள நிலையில், விமான நிலையம் தங்கள் கிராமப் பகுதியில் அமைவதற்கு தொடர்ந்து அப்பகுதி மக்கள் எதிர்ப்பு தெரிவித்து வருகின்றனர். இதனைத் தொடர்ந்து அப்பகுதி மக்களை சந்தித்து கருத்து கேட்பதற்காக பல சங்கத்தை சேர்ந்தவர்கள் மற்றும் கட்சியை சேர்ந்த நிர்வாகிகள் கிராமத்தை நோக்கி படையெடுக்க துவங்கியுள்ளனர்.
இந்நிலையில் பொதுமக்களின் போராட்டம் நாளுக்கு நாள் தீவிரம் அடைந்து வருகிறது. குறிப்பாக ஏகனாபுரம் கிராம மக்கள் தங்களுடைய போராட்டத்தை தீவர படுத்தியுள்ளதால் , கிராம சுற்றுவட்டார பகுதிகளில் புற காவல் நிலையத்தை காவல்துறையினர் நிறுவியுள்ளனர். ஏகனாபுரம், கண்ணதாங்கள், உள்ளிட்ட பகுதிகளில் புற காவல் நிலையம் அமைத்து கண்காணிக்கப்பட்டு வருகின்றனர். இந்த நிலையில் கடந்த சில நாட்களுக்கு முன்பு கிராம மக்களை சந்திக்க வந்த விவசாய சங்கத்தை சேர்ந்த இருவர் கைது செய்யப்பட்டு பின்னர் விடுவிக்கப்பட்டனர்.
இதனை அடுத்து இன்று எஸ்டிபிஐ கட்சியை சேர்ந்த நிர்வாகிகள் கிராம பொதுமக்களை சந்தித்து கருத்து கேட்க வந்திருந்தனர். அப்பொழுது காவல்துறையினர் கண்ணதாங்கள் என்ற பகுதியில் தடுத்து நிறுத்தப்பட்டு காவல்துறையினர் கைது செய்யப்பட்டனர். எஸ் டி பி ஐ கட்சியின் மாநில செயலாளர் கரீம், வர்த்தக அணி தலைவர் அன்சாரி மற்றும் மாவட்ட மாவட்ட நிர்வாகி ஜாஃபர் உள்ளிட்ட 30-க்கும் மேற்பட்டவரை காவல் துறை கைது செய்து சுகாசத்திரம் திருமண மண்டபத்தில் அடைத்தனர்.
இதனைக் கேட்டு அதிர்ச்சி அடைந்த ஏகனாபுரம், கிராம மக்கள் 50க்கும் மேற்பட்டோர் அப்பகுதியில் உள்ள அம்பேத்கர் சிலை பகுதியில் அமர்ந்து காவல்துறையினருக்கு எதிராக கண்டன கோஷங்கள் எழுப்பி போராட்டத்தில் ஈடுபட்டனர். காவல்துறையினர் தங்கள் பகுதியில் அமைந்துள்ள புறநகர் காவல் நிலையத்தை உடனடியாக அகற்ற வேண்டும். நாங்கள் அப்பகுதியில், சிறை வைக்கப்பட்டதாக உணர்கிறோம் எனக்கூறி இப் போராட்டத்தில் ஈடுபட்டனர். இதனை எடுத்து காவல்துறை அவர்களுடன் சமாதான பேச்சுவார்த்தையில் ஈடுபட்டதை தொடர்ந்து அவர்கள் கலந்து சென்றனர். இதனால் அப்பகுதியில் பெரும் பரபரப்பு ஏற்பட்டது.
காவல் சட்டம் 30 (ii)
காஞ்சிபுரம் மாவட்டத்தில் 15 நாட்களுக்கு 30 (ii) காவல் சட்டம் அமல்படுத்தப்பட்டுள்ளது. காஞ்சிபுரம் மாவட்டத்தில் எதிர்வரும் நாட்களில் முக்கிய விழாக்கள், பண்டிகைகள் மற்றும் அரசியல், சாதி மற்றும் மதத் தலைவர்களின் பிறந்த நினைவு நாட்கள், தொடர்ந்து வரவுள்ள நிலையில், அரசியல் கட்சியினர், சாதி மற்றும் மத அமைப்புகளைச் சேர்ந்தவர்கள் பெருமளவில் பங்கேற்பதற்கு வாய்ப்புள்ளது.
இச்சமயங்களில் இரு பிரிவினரிடையே மோதல் சம்பவங்கள் ஏற்பட்டு சட்டம்-ஒழுங்கு பிரச்சனை ஏற்பட வாய்ப்புள்ளதால், காஞ்சிபுரம் மாவட்ட காவல் கண்காணிப்பாளர் டாக்டர். M.சுதாகர் , 30 ( ii ) காவல் சட்டத்தினை காஞ்சிபுரம் மாவட்டத்தில் அமல்படுத்த உத்தரவிட்டார்.காஞ்சிபுரம் மற்றும் ஸ்ரீபெரும்புதூர் உட்கோட்ட காவல் துணைக் கண்காணிப்பாளர்கள் எல்லைக்குட்பட்ட பகுதிகளில் ( 24.08.22 ) முதல் 15 நாட்களுக்கு 30 ( ii ) காவல் சட்டத்தினை அமல்படுத்தியிள்ளனர். இதன்படி ஒரு கூட்டத்தைக் கூட்டவோ, பேரணி நடத்தவோ, அமைதியை சீர்குலைக்கும் வகையில் சாத்தியம் உள்ள நிகழ்ச்சிளோ மற்றும் மேற்கண்ட கூட்டத்தை கூட்ட ஊக்குவிப்பவர்கள் காவல் துறையினரிடம் முறையாக அனுமதி பெறவேண்டும் என காவல் சட்டத்தில் கூறப்பட்டுள்ளது.
