Fire Accident: அச்சச்சோ.. சென்னை கே.கே.நகர் ஆ.டி.ஓ., அலுவலக திடீர் தீ விபத்து - 6 வாகனங்கள் தீயில் நாசம்..!

Fire Accident: சென்னை கே.கே. நகர் ஆர்.டி.ஓ. அலுவலகத்தில் நிறுத்தி வைக்கப்பட்டிருந்த வாகனங்கள் திடீரென தீப்பிடித்து எரிந்ததால் பெரும் பரபரப்பு ஏற்பட்டது.

தீ விபத்து (கோப்புப்படம்)

சென்னையின் உள்ள முக்கிய பகுதி கே.கே.நகர். இது விருகம்பாக்கம் அருகே உள்ளது.இங்குள்ள வட்டாரப் போக்குவரத்து அலுவலகத்தில் மைதானத்தில் வாகனங்கள் நிறுத்தி வைக்கப்பட்டிருப்பது வழக்கம். அதேபோல, இன்று வாகனங்கள் நிறுத்தி வைக்கப்பட்டிருந்தபோது நின்று கொண்டிருந்த வாகனங்கள் திடீரென தீப்பற்றி எரிந்ததில் 6 வாகனங்கள் சேதமடைந்தன. அதிர்ஷ்டவசமாக உயிரிழப்பு ஏதும் ஏற்படவில்லை. 

தீ விபத்து:

கே.கே. நகர் பகுதியில் ஆர்.டி.ஓ. அலுவலகம் அமைந்துள்ளது. இதன் அருகே ராஜமன்னார் சாலை சந்திப்பு மைதானத்தில் பறிமுதல் செய்யப்பட்ட வாகனங்கள் நிறுத்தி வைக்கப்பட்டிருக்கும். திடீரென அங்கே நிறுத்தி வைக்கப்பட்டிருந்த வாகனம் ஒன்று தீப்பிடித்து எரிய தொடங்கியது.  தீ பரவி மற்ற வாகனங்களும் எரிந்தன. இது குறித்து தகவலறிந்த அசோக் நகர், கே.கே.நகர் பகுதி தீயணைப்பு வீரர்கள் சம்பவ இடத்திற்கு விரைந்தனர். தீயணைப்பு  வீரர்கள் தீயை அணைத்தனர். தீ விபத்திற்கான காரணம் குறித்து காவல் துறையினர் விசாரனை மேற்கொண்டு வருகின்றனர். 

---