கணவன் - மனைவி கருத்து வேறுபாடு !! திருமணத்தை மீறிய பெண்ணின் உறவு !! திடீரென நேர்ந்த சோகம்
காதலனிடம் பேசி கொண்டிருந்த போது ஏற்பட்ட வாக்கு வாதத்தால் , கொலையில் முடிந்த சம்பவம்
கணவன் மனைவி - கருத்து வேறுபாடு
சென்னை ராமாபுரம் செந்தமிழ் நகர் அனெக்ஸ் 2 வது தெருவில் வசித்து வருபவர் புஷ்பா (வயது 37 ) கடந்த சில வருடங்களாகவே தனது கணவருடன் புஷ்பாவுக்கு கருத்து வேறுபாடு ஏற்பட்டு வந்துள்ளது. இதன் காரணமாக கடந்த 10 ஆண்டுகளாக அவரைப் பிரிந்து வசித்து வந்துள்ளார்.
புஷ்பாவுக்கு 16 வயது மகள் உள்ளார். எனவே மகள் மற்றும் உறவினர்களுடன் இணைந்து அந்த வீட்டில் வசித்து வந்தார். இந்த நிலையில் புஷ்பாவிற்கும் மதுரவாயல் ஸ்ரீ தேவி குப்பத்தைச் சேர்ந்த டெய்லர் கார்த்திக் என்ற 34 வயது நபருக்கும் இடையே பழக்கம் ஏற்பட்டுள்ளது.
இந்த பழக்கம் நாளடைவில் திருமணத்தை மீறிய உறவாக மாறியிருக்கிறது. இதனால் கார்த்திக் அடிக்கடி புஷ்பாவின் வீட்டிற்கு வந்து சென்றுள்ளார். சம்பவம் நடந்த இரவு கார்த்திக் வழக்கம் போல புஷ்பாவின் வீட்டிற்கு வந்துள்ளார். இருவரும் வீட்டின் மொட்டை மாடிக்குச் சென்று தனிமையில் பேசிக் கொண்டிருந்ததாகத் தெரிகிறது.
கடுமையான தாக்குதல்
அப்போது அவர்களுக்கு இடையே வாக்குவாதம் ஏற்பட்டு அது பெரிய தகராறாக மாறியுள்ளது. இந்த வாக்குவாதத்தில் ஆத்திரமடைந்த கார்த்திக் புஷ்பாவை கடுமையாகத் தாக்கியுள்ளார். இதில் புஷ்பா படுகாயமடைந்து சம்பவ இடத்திலேயே மயங்கி விழுந்து உயிரிழந்துள்ளார். கொலையை செய்து விட்டு கார்த்திக் அங்கிருந்து தப்பிச் சென்று உள்ளார்
மறுநாள் காலை புஷ்பாவின் மகள் மாடிக்கு சென்றுள்ளார். அப்போது தான் தன்னுடைய அம்மா சடலமாகி கிடப்பதையும், முகம், கைகளில் பலத்த காயங்களுடன் ரத்தம் வழிந்த நிலையில் கிடப்பதையும் கண்டு அதிர்ச்சியடைந்து அலறியுள்ளார். அந்த சத்தத்தை கேட்டு ஓடி வந்த அக்கம் பக்கத்தினர் உடனடியாக ராமாபுரம் போலீசாருக்குத் தகவல் கொடுத்தனர்.
தகவலறிந்து வந்த போலீசார் புஷ்பாவின் உடலை கைப்பற்றி கீழ்ப்பாக்கம் அரசு மருத்துவமனைக்கு அனுப்பி வைத்தனர். போலீசாரின் முதற்கட்ட விசாரணையில், புஷ்பா அடித்துக் கொலை செய்யப்பட்டது உறுதி செய்யப்பட்டது.
இச்சம்பவம் குறித்து ராமாபுரம் போலீசார் வழக்குப் பதிவு செய்து தலைமறைவாக இருந்த உறவினர் கார்த்திக்கை தீவிரமாக தேடி வந்தனர். பின்னர் அவரை கைது செய்த போலீசார் அவரிடம் தீவிர விசாரணை நடத்தி வருகின்றனர்.
தலைப்பு செய்திகள்
ட்ரெண்டிங் செய்திகள்
