Corona Updates : வெளியூர் செல்ல பேருந்து முன் பதிவு செய்யலாம்

தமிழ்நாட்டில் வரும் 10ஆம் தேதி காலை 4 மணி முதல் 24ஆம் தேதி காலை 4 மணி வரை முழு ஊரடங்கு உத்தரவு பிறப்பிக்கப்பட்டுள்ளது.

Background

கடந்த 24 மணி நேரத்தில் உலகளவில் கொரோனா தொற்றால் 15 கோடியே 75 லட்சத்து 25 ஆயிரத்து 414 பேர் பாதிக்கப்பட்டுள்ளனர். கொரோனாவால் உயிரிழந்தவர்களின் எண்ணிக்கை 32 லட்சத்து 83 ஆயிரத்து 196 ஆக அதிகரித்துள்ளது. குணமடைந்தவர்களின் எண்ணிக்கை 13 கோடியே 47 லட்சத்து 79 ஆயிரத்து 45  உள்ளது. ஒரு கோடியே 94 லட்சத்து 63 ஆயிரத்து 173 பேர் சிகிச்சை பெற்று வருகின்றனர். இதில், ஒரு லட்சத்து 8 ஆயிரத்து 600 பேரின் நிலைமை கவலைக்கிடமாக உள்ளது. கொரோனா பாதிப்பு அதிகம் உள்ள நாடுகள் பட்டியலில் அமெரிக்கா முதலிடத்தில் உள்ளது. இந்தியா 2வது இடத்திலும் பிரேசில் 3வது இடத்திலும் உள்ளது குறிப்பிடத்தக்கது.

20:29 PM (IST)  •  08 May 2021

முழு ஊரங்கு காரணமாக மெட்ரோ ரயில் சேவை ரத்து

முழு ஊரடங்கு காரணமாக மே 10ம் தேதி காலை 4 மணி முதல் - மே 24ம் தேதி காலை 4 மணி வரை - மெட்ரோ ரயில் சேவை நிறுத்தப்படுவதாக மெட்ரோ நிர்வாகம் அறிவிப்பு

08:10 AM (IST)  •  09 May 2021

வெளியூர் செல்ல பேருந்து முன் பதிவு செய்யலாம்

சொந்த ஊர்களுக்குப் பயணம் மேற்கொள்ள இருக்கும் பொதுமக்கள், கடைசி நேர கூட்ட நெரிசலைத் தவிர்க்கும் பொருட்டு, www.tnstc.in இணையதளத்தில் மற்றும் tnstc official app ஆகியவற்றின் மூலமாக முன்பதிவு செய்து கொள்ளலாம். மேலும், கோயம்பேடு பேருந்து நிலையத்தில் செயல்படும் முன்பதிவு மையங்களிலும் முன்பதிவு செய்து கொள்ள வசதிகள் மேற்கொள்ளப்பட்டுள்ளது.

19:12 PM (IST)  •  08 May 2021

சென்னையிலிருந்து புறப்படும் சிறப்பு பேருந்துகள் விபரம்

சென்னையில் இருந்து நாளை (ஞாயிறு) புறப்படும் பேருந்துகளின் விவரம்:

சென்னை – மார்த்தண்டம் – 6.00 pm; சென்னை – நாகர்கோவில் - 7.00 pm; சென்னை – தூத்துக்குடி - 7.00 pm; சென்னை – செங்கோட்டை - 7.30 pm; சென்னை – திருநெல்வேலி - 8.00 pm; சென்னை – திண்டுக்கல் - 8.00 pm; சென்னை – மதுரை - 11.30pm; சென்னை – திருச்சி - 11.45 pm

16:56 PM (IST)  •  08 May 2021

கொல்கத்தா அணியின் வேகப்பந்து வீச்சாளர் பிரசித் கிருஷ்ணாவுக்கு கொரோனா

கொல்கத்தா நைட் ரைடர்ஸ் அணி வீரர்கள், ‘மிஸ்டிரி ஸ்பின்னர்’  வருண் சக்கரவர்த்தி, பந்து வீச்சாளர் சந்தீப் வாரியர் மற்றும் நீயூசிலாந்து வீரர் டிம் செய்ஃபெர்ட் ஆகியோருக்கு கொரோனா தொற்று உறுதி உறுதி செய்யப்பட்டது. இவர்களை தவிர்த்து பரிசோதனை செய்து கொண்ட மற்ற கொல்கத்தா அணி வீரர்களுக்கு கொரோனா இல்லை என தகவல் வெளியானது.

அதனை தொடர்ந்து, ஐபிஎல் தொடர் காலவரையின்றி ஒத்திவைக்கப்பட்டுள்ளதால், ஐபிஎல் அணிகளைச் சேர்ந்த இந்திய மற்றும் வெளிநாட்டு வீரர்கள் பாதுகாப்பான முறையில் அவரவர் சொந்த ஊர்களுக்கு திரும்பி கொண்டிருக்கின்றனர்.

இந்நிலையில், மற்றொரு கொல்கத்தா நைட் ரைடர்ஸ் அணி வீரரான, வேகப்பந்து வீச்சாளர் பிரசித் கிருஷ்ணாவுக்கு இன்று கொரோனா தொற்று உறுதி செய்யப்பட்டுள்ளது. இதன் மூலம் கொல்கத்தா அணியில் கொரோனாவால் பாதிக்கப்பட்ட நான்காவது வீரரானார்.

15:27 PM (IST)  •  08 May 2021

பாசிட்டிவ் சான்றிதழ் இல்லை என்பதற்காக மருத்துவமனையில் அனுமதி மறுக்க கூடாது

கொரொனா பாசிட்டிவ் சான்றிழ் இல்லை என்பதற்காக யாருக்கும் மருத்துவமனையில் அனுமதி மறுக்கப்படக்கூடாது. மத்திய அரசு மாநிலங்களுக்கு அறிவுறுத்தியுள்ளது. பல மாநிலங்களில் கொரோனா பாசிட்டிவ் இல்லை என்று கூறி, அறிகுறியோடு வருவோரை மருத்துவமனையில் அனுமதிக்க மறுப்பதாக வந்த புகாரின் அடிப்படையில் மத்திய அரசு இந்த அறிவுரையை வழங்கியுள்ளது.