Hair Loss : தலைமுடியை பளபளப்பாவும், மென்மையாவும் பாதுகாக்கணுமா? இந்த 5 பானங்களும் குடிச்சா அவ்வளவு ரிசல்ட்
சரியான பராமரிப்பு என்று சொன்னால், என்ன ஷாம்பூ, கண்டிஷனர், எண்ணெய் உபயோகிக்கலாம் என கூகுளுளில் ஒரு அலசு அலசுவோம்...
வலுவான மற்றும் ஆரோக்கியமான தலைமுடி என்பது நம் ஒவ்வொருவரின் கனவு. தொலைக்காட்சி விளம்பரங்களில் வருவது போல நமது முடியும் இருக்க வேண்டும் என அனைவருமே பிரியப்படுவோம். முடியின் தரம் நமது மரபியல் சார்ந்தது என்பது ஒருபுறம், ஆனால் அதனை சரியாகப் பராமரிப்பதும் ஒருபக்கம் அவசியம்.
சரியான பராமரிப்பு என்று சொன்னால், என்ன ஷாம்பூ, கண்டிஷனர், எண்ணெய் உபயோகிக்கலாம் என கூகுளுளில் ஒரு அலசு அலசுவோம். ஆனால் வீட்டில் இருக்கும் உணவுப் பொருட்களின் உதவியுடனே அதனை செய்யலாம் என்னும்போது நாம் ஏன் கண்ட ரசாயனங்களுக்கு நமது தலைமுடியை பலியாக்க வேண்டும்.
தலைமுடி பராமரிப்புக்கு பருகவேண்டிய 5 முக்கியச் சாறுகள்
கீரை சாறு: கீரை என்பது இரும்பு மற்றும் பயோட்டின் ஆகியவற்றின் களஞ்சியமாகும். இவை இரண்டும் மயிர்க்கால்கள் உட்பட திசுக்களுக்கு ஆக்ஸிஜன் விநியோகத்தை ஊக்குவிக்க உதவுகின்றன. கீரையில் ஃபெரிடின் என்ற மற்றொரு கலவை உள்ளது, இது ஆரோக்கியமான முடி வளர்ச்சிக்கு சமமாக முக்கியமானதாக கருதப்படுகிறது.
வெள்ளரிக்காய் சாறு: வெள்ளரிக்காய் ஆன்டிஆக்ஸிடன்ட்கள் மற்றும் வைட்டமின் ஏ மூலம் செறிவூட்டப்பட்டுள்ளது, இது நச்சுகளை வெளியேற்றவும், நீரேற்றத்தை அதிகரிக்கவும் உதவுகிறது. கூடுதலாக, இதன் ஊட்டச்சத்துக்கள் சருமத்தை உற்பத்தி செய்வதற்காக உச்சந்தலையில் உள்ள தோல் சுரப்பிகளை ஆதரிக்கின்றன.
நெல்லிச்சாறு: நெல்லி ஒரு சூப்பர்ஃபுட்.அதாவது உடலின் ஒட்டுமொத்த ஆரோக்கியத்திற்கு சிறந்ததாக கருதப்படுகிறது. இதில் வைட்டமின் சி நிறைந்துள்ளது. இது செல் சேதத்தைத் தடுக்கும் மற்றும் ஆரோக்கியமான முடி வளர்ச்சியை ஊக்குவிக்கும் சக்திவாய்ந்த ஆக்ஸிஜனேற்றியாகும்.
View this post on Instagram
கேரட் ஜூஸ்: கேரட் வைட்டமின்கள் ஏ, ஈ மற்றும் பி மற்றும் ஆக்ஸிஜனேற்றங்களின் களஞ்சியமாகும். இந்த ஊட்டச்சத்துக்கள் ஒவ்வொன்றும் முடி வளர்ச்சிக்கு உதவுகிறது மற்றும் இது முடி முன்கூட்டியே நரைப்பதைத் தடுத்து இளநரையைக் கட்டுப்படுத்துகிறது.
கற்றாழை சாறு: நம் கொல்லைப்புறத்தில் காட்டுத்தனமாக வளர்க்கப்படும் கற்றாழை, நம் தலைமுடி மற்றும் சருமத்திற்கு சிறந்ததாக அறியப்படுகிறது. இதில் வைட்டமின்கள் ஏ, சி மற்றும் ஈ உள்ளது. இது ஆரோக்கியமான செல் வளர்ச்சியை ஊக்குவிக்கும் மற்றும் வலுவான மற்றும் பளபளப்பான முடியைப் பெற உதவும்.
தலைப்பு செய்திகள்
ட்ரெண்டிங் செய்திகள்
