By: சசிகலா | Updated at : 10 Mar 2024 12:06 PM (IST)
பாசி பயறு கொழுக்கட்டை
பாசி பயறு - 1 கப்
தேங்காய் துருவல் -அரை கப்
நாட்டுச் சர்க்கரை - முக்கால் கப்
உப்பு - 3 சிட்டிகை
நெய்- 2 டீஸ்பூன்
வாழை இலை 1
பச்சரிசி மாவு இரண்டு கப்
தண்ணீர் தேவையான அளவு
ப்ரஷர் குக்கரை அடுப்பில் வைத்து சூடானதும், 1 கப் முழு பாசி பயரை அதில் சேர்த்து 3 நிமிடம் வறுத்துக்கொள்ள வேண்டும். பின் அடுப்பை அணைத்து விட்டு அந்த குக்கரில் இரண்டு கப் அளவு தண்ணீர் சேர்த்துக்கொள்ள வேண்டும். அதில் சிறிதளவு உப்பையும் சேர்த்து குக்கரை மூடி 5 விசில் வரும் வரை வேக வைக்க வேண்டும். பின் பாசி பருப்பை ஒன்றும் பாதியுமாக மசித்துக் கொள்ள வேண்டும்.
ஒரு கடாயில் இரண்டு ஸ்பூன் நெய் சேர்த்து அது உருகியதும் அரை கப் தேங்காய் துருவலை சேர்த்து வதக்க வேண்டும். இரண்டு நிமிடத்திற்கு பின் அதில் முக்கால் கப் நாட்டுச் சர்க்கரை சேர்த்து மீண்டும் ஒன்று அல்லது இரண்டு நிமிடம் வதக்க வேண்டும். இனிப்பு அதிகம் விரும்புபவராக இருந்தால் 1 கப் நாட்டுச் சர்க்கரை சேர்த்துக் கொள்ளலாம். பின் மசித்து வைத்துள்ள பாசி பருப்பு மற்றும் சிறிதளவு ஏலக்காய் பொடி சேர்த்து கலந்து விட்டு அடுப்பை அணைத்து விட்டு , இந்த கலவையை ஆற வைக்க வேண்டும்.
ஒரு பாத்திரத்தில் இரண்டு கப் பச்சரிசி மாவு எடுத்துக் கொள்ள வேண்டும். இதில் சிறிதளவு உப்பும் ஒரு ஸ்பூன் நெய்யும் சேர்த்து மாவை நன்றாக கலந்து விட வேண்டும். இந்த மாவில் கொதிக்க வைத்த சூடான தண்ணீரை சேர்த்து சப்பாத்தி மாவு பதத்திற்கு பிசைந்து கொள்ள வேண்டும்.
வாழை இலைகளை உள்ளங்கையை விட சற்று பெரிய துண்டுகளாக கிழித்து வைத்துக் கொள்ள வேண்டும். இப்போது கையில் எண்ணெய் தடவிக் கொண்டு, மாவில் இருந்து சிறு உருண்டை பிடித்து இதை வாழை இலை மீது வைத்து அடைபோல் மெல்லியதாக தட்ட வேண்டும். இப்போது இதன் நடுவில் 1 ஸ்பூன் அளவு பாசி பருப்பு கலவையை வைத்து வாழை இலையை சாப்பிட்டு விட்டு மடிப்பதுபோல் இரண்டாக மடிக்க வேண்டும். இப்போது உள்ளே இருக்கும் அடை தோசையை இரண்டாக மடித்தது போன்ற வடிவில் இருக்கும்.
இதே போன்று அனைத்து மாவையும் தயார் செய்து அதை இட்லி பாத்திரத்தில் இட்லி அவிப்பது போல் அவித்து எடுத்துக்கொள்ள வேண்டும். அவ்வளவுதான் சுவையான பாசிப்பருப்பு கொழுக்கட்டை தயார். இதன் சுவை மிகவும் அருமையாக இருக்கும்.
Tomato Dosa: தோசை பிரியரா? உடுப்பி ஸ்டைல் தக்காளி தோசை - ரெசிபி இதோ!
Paneer Pulao: புரதச் சத்து நிறைந்த பனீர் புலாவ் - ரெசிபி இதோ!
Immunity booster Juice:நோய் எதிர்ப்பு மண்டலம் சீராக இயங்க வேண்டுமா? இதை ட்ரை பண்ணுங்க!
Summer Drink: கோடைக்கு ஏற்ற குளுகுளு மாம்பழம், இளநீர் ஜூஸ் ரெசிபி!
Dal Recipe:சப்பாத்திக்கு சூப்பர் காம்போ- பருப்பு மசியல் செய்முறை இதோ!
KKR vs MI LIVE Score: அடுத்தடுத்து விக்கெட்டுகளை இழக்கும் கொல்கத்தா..பந்து வீச்சில் அசத்தும் மும்பை!
Accident: சாலையில் கவிழ்ந்த சரக்கு வாகனம்! ரோட்டில் கொட்டிக் கிடந்த 7 கோடி - ஆந்திராவில் பரபரப்பு
வெற்றி மாறன், பா.ரஞ்சித்தே தமிழ் சினிமா தளர்ச்சிக்கு காரணம் - பிரசாந்த் பட இயக்குனர் குற்றச்சாட்டு
தேர்தலில் முறைகேடா? தேர்தல் ஆணையத்திற்கு பிரஸ் கிளப் ஆஃப் இந்தியா பரபர கடிதம்!
Sabarimala Temple: ஐயப்ப பக்தர்களே.. வைகாசி மாத பூஜைக்கான சபரிமலை கோயில் நடை திறப்பு தேதி அறிவிப்பு