Crispy Dosa : தோசை மாவை எப்படி ரெடி பண்ணா, மொறு மொறு தோசையை ஜமாய்க்கலாம்.. டிப்ஸ் இங்க இருக்கு..

எளிதாக முறுவலாக தோசை ஊற்ற சில டிப்ஸ்கள் இதோ...

தோசை

எந்நாளும் எந்நேரத்துக்கும் ஒருவர் ‘நோ’ சொல்லாமல் சாப்பிடும் உணவுகளில் ஒன்று தோசை. ஆனால் தோசை சாப்பிடத் தெரிந்த அளவுக்கு எல்லோருக்கும் சரிவர தோசை ஊற்ற வராது... எளிதாக முறுவலாக தோசை ஊற்ற சில டிப்ஸ்கள் இதோ...

உங்களுக்கு நேரமும் விருப்பமும் இருந்தால், நீங்களே உங்களுக்கான மாவினைத் தயார் செய்யலாம். முக்கியமாக மாவினை நைஸாக அரைக்காமல் நரநரவென்னும் பதத்தில் அரைக்க வேண்டும். ஒரு சில நிபுணர்களின் கூற்றுப்படி, துருப்பிடிக்காத எஃகு பாத்திரத்தில் மாவு சற்று வேகமாகப் புளித்துவிடும், எனவே சீல் செய்யப்பட்ட பிளாஸ்டிக் அல்லது பீங்கான் பாத்திரத்தைப் பயன்படுத்துவது எளிதில் புளிக்காமல் பார்த்துக்கொள்ளும்.

தோசை ஊற்றத் தொடங்குவதற்கு முன்பு தோசைக்கல் சூடாக இருக்கிறதா என்பதை உறுதிசெய்துகொள்ளுங்கள். போதுமான அளவு சூடாக இருக்கிறதா என்பதை அறிய ஒரு எளிய சோதனை, அதன் மீது சிறிது தண்ணீர் தெளிப்பது. தண்ணீரை அது விரைவாக உறிஞ்சும்போது கல் தயாராக உள்ளது என்பது தெளிவாகிறது. தோசை தயாரிப்பதற்கு முன் குறைந்தது 15 நிமிடங்களுக்கு முன்பே ஃபிரிட்ஜில் இருந்து மாவை எடுத்து வெளியே வைக்கவும். 

வெங்காயத்தை குறுக்குவட்டில் வெட்டி அதனை எண்ணெயில் தோய்த்து தோசைக்கல் மீது நன்கு தடவவும்; இது தோசை ஒட்டாமல் இருக்கும். இதன் விளைவாக, உங்கள் தோசை  சுவையாகவும் மிருதுவாகவும் மாறும்.எளிதில் கல்லில் இருந்து எடுக்க வரும். 

தோசை செய்முறை: தேவையான பொருட்கள்

தண்ணீர்

உப்பு

எண்ணெய்

1 கப் தோசை அரிசி (பச்சை அரிசி)

2 கப் இட்லி அரிசி (வேகவைத்த அரிசி)

¾ கப் முழு உளுத்தம் பருப்பு

1 தேக்கரண்டி மேத்தி / வெந்தய

தோசை மாவு: செய்முறை

இட்லி அரிசி, உளுத்தம் பருப்பு, மற்றும் வெந்தயம் ஆகியவற்றைப் போதுமான தண்ணீரில் 6-8 மணி நேரம் ஊற வைக்கவும்.

வெட் கிரைண்டர் அல்லது மிக்சியில், தேவையான அளவு தண்ணீர் சேர்த்து மிருதுவாக அரைக்கவும்.

தேவையான அளவு உப்பு சேர்த்து கையால் கிளறவும். மாவை ஒரே இரவில் புளிக்க அனுமதிக்கவும்; இதனால் அதன் அளவு இரட்டிப்பாகும்.

தோசையைத் தயாரிக்கும் போது, மாவை நன்றாகக் கலந்து, தேவைப்பட்டால், கூடுதல் தண்ணீரைச் சேர்க்கவும். தோசை ஊற்றுவதற்கான மாவு இட்லியை விட மெல்லியதாக இருக்க வேண்டும்.

தோசை செய்முறை: 

மிருதுவான தோசைகளை உருவாக்க தோசை கல்லை மிதமான தீயில் சூடாக்கவும். அது போதுமான அளவு சூடாக இருக்கும்போது, ​​சில துளிகள் எண்ணெய் சேர்த்து வெங்காயம் கொண்டு கல்லைத் தேய்க்கவும். 

தோசைக் கடாயின் மையத்தில், ஒரு கரண்டி தோசை மாவை ஊற்றவும்.பிறகு அதனை கல்லில் நன்கு வட்டமாகத் தேய்க்கவும்.

வட்டமான தோசையைச் சுற்றி சில துளிகள் எண்ணெயை ஊற்றவும், தோசையின் அடிப்பகுதி பொன்னிறமாகும் வரை வேகவைக்கவும்.

அதை கவனமாக கல்லில் இருந்து எடுக்கவும் பிறகு அதனை இரண்டாக மடித்து தட்டில் வைக்கவும்

இதனை தேங்காய் சட்னி, சட்னி பொடி அல்லது சாம்பார் உடன் பரிமாறவும்.