மயிலாடுதுறை அரசு பள்ளிகளில் ஆசிரியர் பணி: விண்ணப்பிக்கும் முறை மற்றும் கடைசி தேதி.. முழு விவரம் இதோ
மயிலாடுதுறை மாவட்டத்தில் உள்ள ஆதிதிராவிடர் மற்றும் பழங்குடியினர் நலத்துறையின் கீழ் இயங்கி வரும் மூன்று பள்ளிகளில் காலியாக உள்ள ஆசிரியர் பணியிடங்களை நிரப்ப மாவட்ட நிர்வாகம் முடிவு செய்துள்ளது.
மயிலாடுதுறை மாவட்டத்தில் உள்ள ஆதிதிராவிடர் மற்றும் பழங்குடியினர் நலத்துறையின் கீழ் இயங்கி வரும் மூன்று அரசு மேல்நிலைப் பள்ளிகளில் காலியாக உள்ள 6 முதுகலைப் பட்டதாரி ஆசிரியர் பணியிடங்களை, பள்ளி மேலாண்மைக் குழு மூலம் தற்காலிகமாக, தொகுப்பூதிய அடிப்படையில் நிரப்ப மாவட்ட நிர்வாகம் முடிவு செய்துள்ளது. இந்தப் பணியிடங்களுக்கு ஜூன் 24, 2025 முதல் ஜூன் 26, 2025 வரை விண்ணப்பிக்கலாம் என மயிலாடுதுறையில் மாவட்ட ஆட்சியர் ஹெச்.எஸ்.ஸ்ரீகாந்த் தெரிவித்துள்ளார்.
ஆசிரியர் காலிபணியிட விவரம்
மயிலாடுதுறை மாவட்ட ஆதிதிராவிடர் மற்றும் பழங்குடியினர் நலத்துறையின் கீழ் செயல்படும் கீழ்க்கண்ட பள்ளிகளில் முதுகலைப் பட்டதாரி ஆசிரியர் பணியிடங்கள் காலியாக உள்ளன:
-
காரைமேடு அரசு
ஆதிதிராவிடர் நல மேல்நிலைப் பள்ளி
- வணிகவியல் – 1 காலியிடம்
- பொருளாதாரம் – 1 காலியிடம்
(மொத்தம்: 2 காலியிடங்கள்)
-
மாதானம் அரசு ஆதிதிராவிடர் நல மேல்நிலைப் பள்ளி
- ஆங்கிலம் – 1 காலியிடம்
- கணக்கு – 1 காலியிடம்
- இயற்பியல் – 1 காலியிடம்
(மொத்தம்: 3 காலியிடங்கள்)
கொண்டல் அரசு ஆதிதிராவிடர் நல மேல்நிலைப் பள்ளி
- இயற்பியல் – 1 காலியிடம்
(மொத்தம்: 1 காலியிடம்)
மேற்கண்ட மூன்று பள்ளிகளிலும் சேர்த்து மொத்தம் 6 முதுகலைப் பட்டதாரி ஆசிரியர் பணியிடங்கள் நிரப்பப்பட உள்ளன.
விண்ணப்பிக்கும் முறை மற்றும் கடைசி தேதி
முற்றிலும் தற்காலிக தொகுப்பூதிய அடிப்படையில் ஆசிரியர்களை நியமனம் செய்வதற்கு ஆர்வமும், உரிய கல்வித்தகுதியும் உடைய விண்ணப்பதாரர்கள் விண்ணப்பிக்க அறிவுத்தப்பட்டுள்ளது.
விண்ணப்பம் சமர்ப்பிக்கும் காலம்: ஜூன் 24, 2025 முதல் ஜூன் 26, 2025 தேதி வரை விண்ணப்பங்களைச் சமர்ப்பிக்க வேண்டும்.
விண்ணப்பங்கள் சமர்ப்பிக்க வேண்டிய முகவரி:
மாவட்ட ஆதிதிராவிடர் மற்றும் பழங்குடியினர் நல அலுவலகம், மாவட்ட ஆட்சியர் அலுவலக வளாகம், இரண்டாவது தளம், மயிலாடுதுறை.
விண்ணப்பிக்க கடைசி தேதி மற்றும் நேரம்: ஜூன் 26, 2025 அன்று மாலை 05:45 மணிக்குள்.
விண்ணப்பதாரர்கள் தங்களது எழுத்து மூலமான விண்ணப்பங்களை உரிய கல்வித்தகுதி சான்றிதழ்களின் நகல்களுடன் நேரடியாகவோ அல்லது அஞ்சல் மூலமாகவோ மேற்கண்ட முகவரிக்கு அனுப்பலாம் என மாவட்ட ஆட்சியர் ஹெச்.எஸ்.ஸ்ரீகாந்த் தெரிவித்துள்ளார்.
தகுதி மற்றும் பிற தகவல்கள்
இந்தப் பணியிடங்கள் தற்காலிகமானவை என்றும், தொகுப்பூதிய அடிப்படையில் நியமனம் செய்யப்பட உள்ளன என்றும் அறிவிக்கப்பட்டுள்ளது. பள்ளி மேலாண்மைக் குழு மூலம் இந்த நியமனங்கள் நடைபெறவுள்ளன.
விண்ணப்பதாரர்கள், தாங்கள் விண்ணப்பிக்கும் பாடப்பிரிவுக்குரிய முதுகலைப் பட்டப்படிப்புடன், பி.எட் (B.Ed) பட்டமும் பெற்றிருக்க வேண்டும் என எதிர்பார்க்கப்படுகிறது. மேலும் விவரங்களுக்கு, மாவட்ட ஆதிதிராவிடர் மற்றும் பழங்குடியினர் நல அலுவலகத்தை அணுகித் தெரிந்து கொள்ளலாம்.
இந்த அறிவிப்பு, ஆசிரியர் பணி வாய்ப்பு தேடும் இளைஞர்களுக்கு ஒரு நல்ல வாய்ப்பாக அமைந்துள்ளது. ஆர்வமுள்ள மற்றும் தகுதியுள்ள விண்ணப்பதாரர்கள் குறிப்பிட்ட கால அவகாசத்திற்குள் விண்ணப்பித்து இந்த வாய்ப்பைப் பயன்படுத்திக் கொள்ளுமாறு மாவட்ட நிர்வாகம் சார்பில் கேட்டுக்கொண்டுள்ளனர்.
மேலும், விவரங்களுக்கு,
மயிலாடுதுறை மாவட்ட ஆதிதிராவிடர் மற்றும் பழங்குடியினர் நல அலுவலகத்தை நேரடியாகத் தொடர்பு கொள்ளலாம்.
தலைப்பு செய்திகள்
ட்ரெண்டிங் செய்திகள்
