ஏதேனும் ஒரு டிகிரி இருக்கா? தமிழக அரசில் 11 காலிப்பணியிடங்கள். உடனே அப்ளை பண்ணிடுங்க!
விண்ணப்பதாரர்களின் கல்வித்தகுதி, அனுபவம் மற்றும் நேர்முகத்தேர்வின் அடிப்படையில் தகுதியானவர்கள் தேர்வு செய்யப்படுவார்கள் என அறிவிப்பில் தெரிவிக்கப்பட்டுள்ளது.
தமிழ்நாடு நகர்ப்புற வாழ்விட மேம்பாட்டு வாரியத்தில் காலியாக உள்ள பல்வேறு பணியிடங்களை தற்காலிக அடிப்படையில் நிரப்புவதற்கான அறிவிப்பு வெளியாகியுள்ளது. எனவே ஆர்வமும், தகுதியும் உள்ளவர்கள் வருகின்ற ஏப்ரல் 22 ஆம் தேதிக்குள் விண்ணப்பித்துக்கொள்ளவும்.
தமிழகத்தில் வீட்டுவசதி, ஊரக வீட்டுவசதி, நகரமைப்புத்திட்டமிடல் மற்றும் வீட்டுவசதி மேம்பாடு, இட வசதி கட்டுப்பாடு, நகரத்திட்டமிடல், நகர்பகுதி வளர்ச்சி போன்ற பணிகளை தமிழ்நாடு நகர்ப்புற வாழ்விட மேம்பாட்டு வாரியம் மேற்கொண்டுவருகிறது. இந்நிலையில் இவ்வாரியத்தின் கீழ் பல்வேறு பணியிடங்களை நிரப்புவதற்கான அறிவிப்பு வெளியாகியுள்ளது. இதற்கானத் தகுதி என்ன? விண்ணப்பிக்கும் முறை? குறித்து இங்கே தெரிந்துக்கொள்வோம்.
காலிப்பணியிட விபரங்கள்:
மொத்த காலிப்பணியிடங்கள் – 11
Urban Planner /Town Planning Specialist பணிக்கானத் தகுதிகள்:
காலியிடங்களின் எண்ணிக்கை – 2
கல்வித் தகுதி :
விண்ணப்பதாரர்கள் Degree in Urban Planning or Regional Planning or Geography. மற்றும் 3 ஆண்டு பணி முன் அனுபவம் பெற்றிருப்பது அவசியம்.
Capacity building/Institutional Strengthening Specialist பணிக்கானத் தகுதிகள்:
மொத்த காலிப்பணியிடங்கள் - 2
கல்வித் தகுதி :
இப்பணிக்கு விண்ணப்பிக்கும் விண்ணப்பதாரர்கள் Degree or Diploma in the development sector படித்திருக்க வேண்டும். இதோடு விண்ணப்பதாரர்கள் 3 ஆண்டு பணி முன் அனுபவம் அவசியம்.
MIS Specialist பணிக்கானத் தகுதிகள்
காலியிடங்களின் எண்ணிக்கை – 5
கல்வித் தகுதி :
இப்பணிக்கு விண்ணப்பிக்கும் விண்ணப்பதாரர்கள் Degree or Diploma in Computer Science/Electronics or MCA/PGDCA படித்திருக்க வேண்டும். இதோடு விண்ணப்பதாரர்கள் 3 ஆண்டு பணி முன் அனுபவம் பெற்றிருப்பது அவசியம்.
Social Development Specialist பணிக்கானத் தகுதிகள்:
காலிப்பணியிடங்கள் - 1
கல்வித் தகுதி :
இப்பணிக்கு விண்ணப்பிக்கும் விண்ணப்பதாரர்கள் Degree or Diploma in Social Sciences முடித்திருக்க வேண்டும். இதோடு விண்ணப்பதாரர்கள் 3 ஆண்டு பணி முன்அனுபவம் பெற்றிருப்பது அவசியம்.
Information, Education and Communication (IEC) Specialist பணிக்கானத் தகுதிகள்:
காலிப்பணியிடங்கள் - 1
கல்வித் தகுதி :
விண்ணப்பதாரர்கள் Graduate/Diploma in Mass Communication/ Public relations/Journalism/Social Work/Development முடித்திருக்க வேண்டும். மேலும் 3 ஆண்டு பணி முன்அனுபவம் அவசியம்.
வயது வரம்பு:
இப்பணிக்கு விண்ணப்பிக்கும் விண்ணப்பதாரர்கள் 45 வயதிற்கு உட்பட்டவர்கள் விண்ணப்பிக்கலாம் எனத் தெரிவிக்கப்பட்டுள்ளது.
விண்ணப்பிக்கும் முறை:
மேற்கண்ட தகுதியும், ஆர்வமும் உள்ள நபர்கள் இப்பணியிடங்களுக்கு விண்ணப்பிக்க வேண்டும் என்றால், http://www.tnscb.org/wp-content/uploads/2022/04/TNUHDB_HFA_Notification_2022.pdf என்ற இணையதளப்பக்கத்திற்கு கீழே கொடுக்கப்பட்டுள்ள விண்ணப்பத்தினை பதிவிறக்கம் செய்து பிரிண்ட் அவுட் எடுத்துக்கொள்ள வேண்டும்.
இதன் பின்னர் விண்ணப்பத்தினை எவ்வித தவறும் இல்லாமல் பூர்த்தி செய்து தேவையான ஆவணங்களுடன் கீழ்க்கண்ட முகவரிக்கு அனுப்பி வைக்க வேண்டும்.
அனுப்ப வேண்டிய அஞ்சல் முகவரி:
The Executive Engineer,
(HFA Cell) Tamil Nadu Urban Habitat Development Board (TNUHDB),
5, Kamarajar Salai,
Chennai – 600 005
விண்ணப்பங்கள் அனுப்ப வேண்டிய கடைசி தேதி – ஏப்ரல் 22, 2022
தேர்வு செய்யும் முறை:
விண்ணப்பதாரர்களின் கல்வித்தகுதி, அனுபவம் மற்றும் நேர்முகத்தேர்வின் அடிப்படையில் தகுதியானவர்கள் தேர்வு செய்யப்படுவார்கள் என அறிவிப்பில் தெரிவிக்கப்பட்டுள்ளது.
சம்பளம் – மாதந்தோறும் ரூபாய் 25 ஆயிரம் என நிர்ணயம்.
மேலும் இந்த வேலைவாய்ப்பு குறித்த கூடுதல் விபரங்களை, http://www.tnscb.org/wp-content/uploads/2022/04/TNUHDB_HFA_Notification_2022.pdf என்ற இணையதளப்பக்கத்தின் வாயிலாக முழுமையாக அறிந்துக்கொள்ளலாம்.
தலைப்பு செய்திகள்
ட்ரெண்டிங் செய்திகள்
