டிப்ளமோ முடித்தவர்களா நீங்கள்? தமிழக மருத்துவத்துறையில் 238 காலிப்பணியிடங்கள். உடனே அப்ளை பண்ணிடுங்க!
தமிழக மருத்துவத்துறை பணிக்கு விண்ணப்பிக்கும் விண்ணப்பதாரர்கள் எழுத்துத்தேர்வின் அடிப்படையில் தேர்வு செய்யப்படுவார்கள் என அறிவிப்பில் தெரிவிக்கப்பட்டுள்ளது.
தமிழ்நாடு மருத்துவத்துறையில் காலியாக உள்ள இளநிலை ஆய்வாளர் மற்றும் இருட்டறை உதவியாளர் என 238 பணியிடங்களை நிரப்புவதற்கான அறிவிப்பு வெளியாகியுள்ளது. எனவே ஆர்வமும், தகுதியும் உள்ள இளைஞர்கள் உடனடியாக இந்த வாய்ப்பைப் பயன்படுத்திக்கொள்ளவும்.
தமிழ்நாடு மருத்துவத்துறையில் செவிலியர்கள், மருத்துவர்கள், என பல்வேறு துறைகளில் பணிக்கு சேர வேண்டும் என்றால், மருத்துவ வாரியம் நடத்தும் தேர்வில் தேர்ச்சிப்பெற்றிருக்க வேண்டும். அவ்வப்போது பல்வேறு பணிகளுக்கான அறிவிப்பு வெளியாகும் நிலையில், தற்போது இளநிலை ஆய்வாளர் மற்றும் இருட்டறை உதவியாளர் ஆகிய பணியிடங்களை நிரப்புவதற்கான அறிவிப்பு வெளியாகியுள்ளது. எனவே இப்பணிக்கானத் தகுதி? விண்ணப்பிக்கும் முறை? குறித்து இங்கே தெரிந்துகொள்வோம்..
இளநிலை ஆய்வாளர் பணிக்கானத் தகுதிகள்: ( Junior Analyst)
காலிப்பணியிடங்கள் : 29
கல்வித்தகுதி:
Master’s Degree in chemistry or Biochemistry or Microbiology or Dairy chemistry or Food Technology
Food and Nutrition or bachelor’s Degree in Technology in Dairy /Oil or veterinary sciences
வயது வரம்பு:
இந்தப்பணியிடங்களுக்கு விண்ணப்பிக்கும் விண்ணப்பதாரர்கள் 32 வயதிற்குள் இருக்க வேண்டும்.
ST / SCA/ SC/ MBC(V) / MBC&DNC/ MBC/ BCM /BC பிரிவினர் 59 வயது வரை விண்ணப்பிக்கலாம் என அறிவிப்பில் தெரிவிக்கப்பட்டுள்ளது.
சம்பளம் : மாதம் ரூபாய் 36, 400 முதல் 1,15, 700 என நிர்ணயம்.
இருட்டறை உதவியாளர் பணிக்கானத் தகுதிகள் (Dark Room Assistant):
மொத்த காலிப்பணியிடங்கள் : 209
கல்வித்தகுதி:
இப்பணிக்கு விண்ணப்பிக்கும் விண்ணப்பதாரர்கள் 12 ஆம் வகுப்பில் அறிவியல் பாடங்கள் படித்ததோடு தேர்ச்சிப்பெற்றிருக்க வேண்டும்.
இதோடு Dark Room assistant சான்றிதழ் படிப்பு படித்திருக்க வேண்டும்.
வயது வரம்பு:
இப்பணிக்கு விண்ணப்பிக்கும் விண்ணப்பதாரர்கள் 32 வயதிற்கு உட்பட்டவர்களாக இருக்க வேண்டும்.
ST / SCA/ SC/ MBC(V) / MBC&DNC/ MBC/ BCM /BC பிரிவினர் 59 வயது வரை விண்ணப்பிக்கலாம் என அறிவிப்பில் தெரிவிக்கப்பட்டுள்ளது.
சம்பளம் : ரூ.19,500 – 62,000
விண்ணப்பிக்கும் முறை:
மேற்கண்ட தகுதியும், ஆர்வமும் உள்ள நபர்கள் இப்பணியிடங்களுக்கு விண்ணப்பிக்க வேண்டும் என்றால், http://mrbonline.in/ என்ற இணையதளப்பக்கத்தின் வாயிலாக விண்ணப்பிக்க வேண்டும்.
விண்ணப்பிக்க வேண்டிய கடைசி தேதி: ஏப்ரல் 5, 2022
விண்ணப்பக்கட்டணம்:
இளநிலை ஆய்வாளர்: பொதுப் பிரிவினருக்கு ரூ. 1000,
SC/SCA/ST/DAP பிரிவினருக்கு ரூ. 500 என நிர்ணயம்.
இருட்டறை உதவியாளர்: பொதுப் பிரிவினருக்கு ரூ. 600,
SC/SCA/ST/DAP பிரிவினருக்கு ரூ. 300 என விண்ணப்பக்கட்டணம் நிர்ணயம் செய்யப்பட்டுள்ளது.
தேர்வு செய்யும் முறை:
மேற்கண்ட முறைகளில் விண்ணப்பிக்கும் விண்ணப்பதாரர்கள் எழுத்துத்தேர்வின் அடிப்படையில் தேர்வு செய்யப்படுவார்கள் என அறிவிப்பில் தெரிவிக்கப்பட்டுள்ளது.
இத்தேர்வானது 200 வினாக்களுடன் 100 மதிப்பெண்களுக்கு நடைபெறும் .
மேலும் இந்த வேலைவாய்ப்பு குறித்த கூடுதல் விபரங்களை, https://www.mrb.tn.gov.in/pdf/2022/JA_notification_160322.pdf மற்றும் https://www.mrb.tn.gov.in/pdf/2022/DRA_notification_160322.pdf என்ற இணையதளப்பக்கத்தின் வாயிலாக முழுமையாகத் தெரிந்துக்கொள்ளலாம்.
தலைப்பு செய்திகள்
ட்ரெண்டிங் செய்திகள்
